嚟得呢度就梗係要叫車仔麵啦，我同朋友都係叫咗四餸麵，分別要咗鵝腎、魚蛋、潮汕魚尖、醃酸菜，滋養雞湯同埋私房麻辣汁，朋友就要咗日本蟹棒、韮菜餃、貢丸同潮州粿肉同糖心蛋加清甜蘿蔔，佢就要咗招牌喇沙汁。朋友話呢度嘅招牌喇沙汁真係好出色，完全食到東南亞國家嘅嗰種風味，濃郁但係又唔會油膩。我嘅雞湯配埋麻辣汁。
檸檬茶係冷泡，唔會好澀，但係個石榴橘子組合茶真係有驚喜，淡淡的清香，一壺咁樣上，飲落好舒服！
菜方面就要咗個上湯時菜同埋娘惹芽菜，呢個好特別就係有參巴辣，炒得清脆之餘，會越食越上癮！香草墨魚餅都真心幾出色，因為本身得兩舊，所以一人一嚿，食完都覺得唔夠喉。
另外就係個海南雞配油飯都好出色，尤其是係個醬汁，雞翼都好嫩滑，油飯亦都調配得恰到好處。
