正宗上海生煎皇 (Closed)

聽就聽得多，睇電視睇到睇過，今日正正行開嗰頭經過見到有間上海店咁就入去試吓，入到去先知原來係呢間。Menu上邊嘢食都算多，不過一場黎到，梗係要試吓出名嘅生煎包同小籠包，另外叫咗個炸排骨上海麵同埋一個回鍋肉加菜飯，另加兩杯豆漿。生煎包面淋底脆，肉汁一流，唯獨是size細左少少，不過少食多滋味！小籠包係比生煎包出色，皮薄餡靚，我老婆話好食過香港好多間小籠包店，重好食過上海好多鋪頭，一定要試！炸排骨上海麵，麵就冇乜特別，但個炸排骨就幾好食，揸得夠淋夠入味。最後個回鍋肉菜飯，做得幾好，唔太油唔太辣，啲肉肥瘦適中，配埋個菜飯好夾!!冇影相，但一定會再返去試其他菜式。