Read full review
2019-07-17
2170 views
最近尖沙咀海港城有反斗奇兵4嘅宣傳 作為fans嘅我梗係要去同巴斯光年打吓卡 行到晚餐時間就嚟咗八月居食返個晚飯😛平時好少嚟海港城食飯 因為覺得比較貴 唔係幾抵食 不過見到呢間餐廳嘅價錢同其他美心中菜嘅都差唔多 冇因為坐落喺海港城而加價 所以就入咗去食 入去之前 店員問我地有冇訂位 原來訂咗位嘅話就唔會有90分鐘嘅用餐時間限制 如果想慢慢食嘅就記得要訂位😬今晚叫咗四款菜式 第一樣嚟嘅係避風塘黃金脆番薯 估唔到炸番薯同蛋黃係咁夾嘅 加埋少少避風塘嘅辣真係好夾 非常好食🙊酥香鴨 外皮唔算太脆 但係一啲鴨羶味都冇 肉質都好結實 又唔會太油膩 😻櫻花蝦炒粉絲 櫻花蝦嘅香令到粉絲提升咗一個層次 配埋蛋絲 芽菜 蘿蔔絲一齊食 口感好豐富魚·羊 新作 呢碟好有驚喜 一上檯已經知道係呢餐嘅一大重點 因為係有晒乾冰做出嗰個氣勢 講返啲食物 四塊羊架嘅脂肪都分佈得好均勻 不過略嫌個芥末醬甜咗少少 不過唔係好大問題😂 魚嘅部分仲驚喜 魚炒得好嫩滑 鮮味都好突出 除咗欖角之外 仲有一啲菜喺埋啲魚度一齊炒 不過嗰款菜係好罕見嘅 侍應話係喺海南島嚟嘅四角豆 香港冇得賣㗎 咁特別嘅豆都係第一次食 味道同口感都好好食
平時好少嚟海港城食飯 因為覺得比較貴 唔係幾抵食 不過見到呢間餐廳嘅價錢同其他美心中菜嘅都差唔多 冇因為坐落喺海港城而加價 所以就入咗去食 入去之前 店員問我地有冇訂位 原來訂咗位嘅話就唔會有90分鐘嘅用餐時間限制 如果想慢慢食嘅就記得要訂位😬
今晚叫咗四款菜式 第一樣嚟嘅係避風塘黃金脆番薯 估唔到炸番薯同蛋黃係咁夾嘅 加埋少少避風塘嘅辣真係好夾 非常好食🙊
酥香鴨 外皮唔算太脆 但係一啲鴨羶味都冇 肉質都好結實 又唔會太油膩 😻
櫻花蝦炒粉絲 櫻花蝦嘅香令到粉絲提升咗一個層次 配埋蛋絲 芽菜 蘿蔔絲一齊食 口感好豐富
魚·羊 新作 呢碟好有驚喜 一上檯已經知道係呢餐嘅一大重點 因為係有晒乾冰做出嗰個氣勢 講返啲食物 四塊羊架嘅脂肪都分佈得好均勻 不過略嫌個芥末醬甜咗少少 不過唔係好大問題😂 魚嘅部分仲驚喜 魚炒得好嫩滑 鮮味都好突出 除咗欖角之外 仲有一啲菜喺埋啲魚度一齊炒 不過嗰款菜係好罕見嘅 侍應話係喺海南島嚟嘅四角豆 香港冇得賣㗎 咁特別嘅豆都係第一次食 味道同口感都好好
食完主食之後仲叫咗個101鮮果拿破崙做甜品 一上檯嗰吓真係好有霸氣 好多層嘅生果夾喺拿破崙中間 有藍莓 士多啤梨 蜜瓜 哈密瓜 個拿破崙咁高食喺上嚟都有啲狼狽 不過嗰個千層嘅感覺係好滿足嘅 有好多反式脂肪都唔理啦🤤
成餐飯都好出色 如果下次嚟尖沙咀想食中菜 一定會再幫襯呢間😝
Post
