台灣一品花雕雞 (Closed)

既然餐廳命名為一品花雕雞，當然要試下呢度D雞啦! 我係團購買左2人餐的海南雞午市套餐同砂朥越叻沙午市套餐，今次就試左海南雞先。我同朋友中午12:30左右到達時都唔係好多食客，只有大概6張枱食客，而大部份都係為團購而來。呢份海南雞午市套餐包海南雞、是日例湯同一杯特飲，其實係熱柚子茶。我略為覺得海南雞頗肥，咬左雞皮同D肥膏剩餘無幾肉，雞肉頗淡，雖然有提供左3款醬汁，但我唔係太鍾意蘸醬。一客雞o既份量都尚可接受。因為我怕肥，所以一邊食油飯，一邊擔心，最後都係唔諗得咁多。雖然叫做油飯，冇我想像中咁油，叫做味飯先至似。顏色同味道跟之前係其他快餐店或餐廳唔同，可以試下。是日餐湯係冬瓜煲雞內臟湯，有雞腎、雞潤等，D湯算係清甜，雖然淡淡地，但可以解下D雞同油飯o既肥膩，唔錯。至於熱柚子茶就淡左D，或者都係用黎解下D雞同油飯o既肥膩，柚子肉都不少。呢餐整體都算唔錯，下星期再試砂朥越叻沙午市套餐﹕。