無論鍋底定食物都好多選擇
今次我地就試椰子雞煲，店員首先會即場烹調湯底，呢個都係準備相機既時刻
椰子雞湯好鮮甜，有好清甜既椰子味
牛拼盤細份，有牛舌、牛胸爽、安格斯手切牛同極上手切牛，牛舌牛胸都好爽口，手切牛就好有牛味，肉質嫩滑
西班牙黑毛豬豚肉，肥瘦均勻，食落一d都唔覺得肥膩
黑栢葉新鮮，煮到卷埋左就食得
麻辣牛肉餃、芝心牛丸、韭菜餃，餃子餡料豐富，芝心牛丸有爆漿芝心，好好味
紫菜響鈴，中間加入紫菜令響鈴層次豐富左，冇咁單調
魚麵，份量多又滑又彈牙
雜菌拼盤，淨係冬菇都已經好大粒，好吸引
薯粉唔係粗薯粉，細細條易咬d
蔬菜拼盤乾淨企理，食落亦好新鮮
