🌕雜莓優格果昔 （脫脂奶、半甜、半冰） $40
大推！好睇好味又健康！隨意掛係杯上面嘅乳酪加埋粉紅色嘅果昔，真係好有少女感😍，好啱打卡📸；果昔質感濃厚，濃稠適中，雜莓同乳酪配合柔和，甜中帶酸順喉唔刺激；雜莓帶有果籽，所以會有啲野𡁻下，加添左一重口感；果昔可選用全脂奶或脫脂奶，揀左脫脂奶嘅我覺得罪惡感減左一半😂，要再健康啲仲可以考慮走甜添～
🌗芒果優格蓋茶 （桂花烏龍、半甜、半冰）$40
茶底清香，但半甜下仍覺稍稍偏甜；飲品呈芒果嘅黃色，味道與外表有落差，芒果味唔太重，與面層乳酪混合後，芒果味只會幽幽地出現係烏龍茶之中，整體味道較酸，較為清爽開胃。
臨近新春🧧，小店製作左陳皮川貝冰糖燉檸檬同黃薑紅棗杞子桂圓膏，未諗到買咩孝敬長輩嘅可以考慮下喎～
1
