京滬佳餚 (亞太中心) (Closed)

同男友拍拖3週年第一擊就嚟到呢間「京滬佳餚」食下午茶，尖沙咀分店設有多間獨立包廂，佔地過萬尺。而今次嚟就係想食餐廳最近推出嘅下午茶精選1人餐，只需HK$68就可以試到8款皇牌美食，包括京滬三拼、四小拼及主食，茶芥就HK$9/位，幾抵食！呢個餐逢星期一至日下午2點至4點半都有供應，想試吓嘅話，假日都試到☺️✨✍🏻 /京滬三拼▪️美味指數：♥♥♥♥♥京滬三拼包括蔥油紅蜇頭、酲醋小排骨及家鄉醬黃瓜。蔥油紅蜇頭非常爽口，家鄉醬黃瓜同樣爽脆，而最好味嘅就非酲醋小排骨莫屬，味道有啲似鎮江排骨，非常惹味，排骨煮到好軟腍，仲有唔少軟骨可以咬吓添！✍🏻 /四小拼▪️美味指數：♥♥♥♥♡四小拼包括招牌小籠包、珍珠糯米燒賣、紅油抄手及芝士脆蝦卷。小籠包皮薄多汁，要趁熱食。珍珠糯米燒賣幾得意，有啲似糯米包，入面都包有唔少叉燒粒。而紅油抄手就有2粒，味道正常。芝士脆蝦卷出到嚟係呈啡外，咬落酥脆，仲帶有啲肉鬆味。✍🏻 /主食▪️美味指數：♥♥♥♥♡主食可以3選1，包括京滬擔擔麵、老上海蔥油拌麵及京滬式炸醬麵，我同男友分別叫咗前2款。京滬擔擔麵湯底香濃，食落有好輕微嘅辣，有啲似零食果隻惹味辣。老上海蔥油拌麵就有好多炸過嘅蔥