一睇佢哋嘅餐單📜就已經想叫晒所有嘢食，因為每一款點心都好特別，一來想試新野🤩，二來樣樣點心都好精美😋
⭐️一龍大滿足（6隻）💰$62
招牌原創點心，每樣點心都精心設計，加入現時飲食文化及大眾喜愛嘅元素，一次過滿足六種味蕾感覺！
1️⃣酸菜魚鳳眼餃🐟🍤
一食落去都係酸菜魚嘅味道，魚肉同蝦肉融為一體，如果鍾意食酸菜魚嘅朋友一定好鍾意！
2️⃣蟹粉菠菜香蝦餃🦐
上面鋪滿左三文魚子，食落去有香濃鮮甜嘅魚籽味道，還摻雜淡淡菠菜蝦味道😋所有食材都夾
3️⃣筍尖蝦餃皇🦐🍤
面皮晶瑩剔透，鮮蝦份量好多，新鮮爽彈，食落去超滿足😍
4️⃣松露野菌晶瑩餃🍄🍄
紫藍色透明外皮，會令人望多幾眼，內餡是濃郁嘅黑松露及四種新鮮野菌！係素食人士之選😙
5️⃣豌豆桃子
香甜又帶有少少豆味嘅包子😎有少少似食奶皇夾斑斕，但又唔係，始終係第一次食呢隻味😋
6️⃣鹹蛋黃墨魚燒賣
以墨魚肉做燒賣底，在燒賣中放入流心鹹蛋醬，一咬爆汁；鹹香美味，非常爽彈。
⭐️龍燒賣（4隻）💰$46
一個「傅承創新」的驚喜！燒賣原來可以是這樣多變！
1️⃣懷舊燒賣
有蝦肉及豬肉做餡🍤🐷，同出面酒樓差唔多，食落去彈牙夠鮮味又多汁😋
2️⃣麻辣牛肉燒賣
好香麻辣味道嘅牛肉餡😋食落去又麻又辣，都好惹味😌
3️⃣龍蝦汁墨魚燒賣
在燒賣以墨魚滑做底，然後中間加入流心龍蝦汁，食嘅時候小心會爆汁，非常爽彈。
4️⃣滷水鵪鶉蛋燒賣
呢個都係比較創新嘅點心😌滷水鵪鶉蛋好入味，為成個燒賣提升個味道👍🏻
⭐️炸饅頭豬柳漢堡（2個） 💰$46
用金黃酥香嘅炸饅頭代替漢堡，再配合芝士、洋葱以及特配醬汁，成功中西合璧👍🏻
⭐️鳳尾蝦多士（3件） 💰$56
經典嘅懷舊小食，多士酥脆鮮蝦爽口彈牙，佢地炸嘅時間岩岩好，唔會脆到太硬🍤。
⭐️一口鹹水角（4粒） 💰$36
細細粒，一啖一粒，外層脆卜卜得黎又甜甜地，内層嘅餡係由魚香茄子製作而成，原來都夾架👍🏻好好食。
⭐️脆脆富貴紅米腸粉 💰$48
滑滑嘅外皮包住脆脆内層，而脆脆內層又有鮮甜嘅蝦，口感相當豐富，再配上三款特制醬汁，真係直得一試。
⭐️拉絲菠蘿包（3個) 💰$38
會拉絲嘅菠蘿包，你又食過未呢？菠蘿包外脆內軟，包嘅內餡係拉絲芝士，都幾得別👍🏻。
⭐️宮廷點心（龍打滾+蓮花酥）💰$送的
龍打滾，即係❤️驢打滾，係一種以糯米做皮，紅豆做餡嘅北京傳統小食，清清淡淡都幾好食。
蓮花酥嘅賣相真係好精美，賣相係一朵已開左嘅花🌺🌸🪷餡係蓮蓉為主👍🏻
