Video
Read full review
2023-08-23
46 views
以前成日都會嚟百樂中心食飯，上面總係有好多唔同嘅餐廳，果次係隔離食甜品見到呢度有間川菜，上網睇左下評價都ok今次就決定同屋企人試下。佢個價錢牌好有趣，係套餐形式每位$360，視乎你人數決定你可以有幾多涼菜同熱菜。我同爸爸食兩個人就可以選擇兩款涼菜加三款熱菜。———————————————🌟招牌四川涼麵呢個涼麵果然係招牌菜式，成個調味都做得好好，聞落有少少麻香同酸香果種感覺，但食落會係辣辣地又帶少少甜嘅味，佢個麵熟成度係做得最好，咬口係最佳狀態，係其中一項大推嘅涼菜。.🌟夫妻肺片夫妻肺片個擺盤幾好，辣度同麻香都足夠，但味道略嫌偏咸，連同其他餸／飯食會好啲。.🌟泡椒膳片泡椒用油炒過好香，成個菜式除咗泡椒外用咗好多唔同嘅配菜炒例如西芹、蒜頭、薑片等炒得好香。膳片都算滑身，入口都好香。.🌟酸菜魚湯底唔算辣，酸同咸嘅比例會偏酸少少。好特別嘅地方係佢唔似出面用魚片，反而係用魚柳或者叫做魚塊去做，食落都係好滑身。整體份量都幾多，食極都有咁，入面仲有粉絲可以食。.🌟干煸四季豆呢個菜式調味好唔錯，佢係有少少肉香又帶有甜味，唔會太油又唔會話好濃味，可以中和返成餐飯嘅味道。.🔸整體評價🔸套餐形式都幾特別，而
以前成日都會嚟百樂中心食飯，上面總係有好多唔同嘅餐廳，果次係隔離食甜品見到呢度有間川菜，上網睇左下評價都ok今次就決定同屋企人試下。佢個價錢牌好有趣，係套餐形式每位$360，視乎你人數決定你可以有幾多涼菜同熱菜。我同爸爸食兩個人就可以選擇兩款涼菜加三款熱菜。
———————————————
🌟招牌四川涼麵
呢個涼麵果然係招牌菜式，成個調味都做得好好，聞落有少少麻香同酸香果種感覺，但食落會係辣辣地又帶少少甜嘅味，佢個麵熟成度係做得最好，咬口係最佳狀態，係其中一項大推嘅涼菜。
.
🌟夫妻肺片
夫妻肺片個擺盤幾好，辣度同麻香都足夠，但味道略嫌偏咸，連同其他餸／飯食會好啲。
.
🌟泡椒膳片
泡椒用油炒過好香，成個菜式除咗泡椒外用咗好多唔同嘅配菜炒例如西芹、蒜頭、薑片等炒得好香。膳片都算滑身，入口都好香。
.
🌟酸菜魚
湯底唔算辣，酸同咸嘅比例會偏酸少少。好特別嘅地方係佢唔似出面用魚片，反而係用魚柳或者叫做魚塊去做，食落都係好滑身。整體份量都幾多，食極都有咁，入面仲有粉絲可以食。
.
🌟干煸四季豆
呢個菜式調味好唔錯，佢係有少少肉香又帶有甜味，唔會太油又唔會話好濃味，可以中和返成餐飯嘅味道。
.
🔸整體評價🔸
套餐形式都幾特別，而且餐廳可以選擇嘅菜式有好多，如果大家想食川菜都可妨可以試一試。
Post
