Read full review
2018-11-17
2144 views
呢次上去呢度食法日菜。入到黎，環境暗暗，開住數盞小燈，見到數枱幾對男女細語中。雖然係鬧市上樓嘅餐廳，但做到絕對寧靜。Le Reve係法文解作「the dream」，感恩夜晚瞓覺無咩發夢，對於夢境可以更多嘅想像。如果要為呢間餐廳所指嘅「夢」解畫，我會話係食物上帶出嘅驚喜。店員先上menu，先被佢本menu吸引住，舊式嘅皮套，厚書紙，插圖簡單。餐巾用「羽毛」套住，前面有一條羽毛。睇完menu，揀咗8 shades of flavour，$820，另外可以揀wine pairing。店員先加花露水落抺手巾，來帶一點香氣。小麻袋裝住小牛角包來開始，左上嘅小花係牛油。Amuse Bouche呢組字係法文係「給咀巴的娛樂」，係廚師係正餐前為客人準備嘅小點，係廚師表演佢嘅創作靈感，係希望客人嘅味蕾打開一下。呢款係龍蝦tartar，一小口落口，鮮味先跑出，味道小小濃，可以接受。Surprise Dish廚師會由時令食材做組合成，等於你係夢境都唔知一步會經歷啲咩。一口豆腐沾上日本胡麻，一口新鮮拖羅，一口生蠔配三文魚子，特別在佢用咗柚子醋。Kagoshima Tartar用咗A4和牛tartar，入口即溶
Le Reve係法文解作「the dream」，感恩夜晚瞓覺無咩發夢，對於夢境可以更多嘅想像。如果要為呢間餐廳所指嘅「夢」解畫，我會話係食物上帶出嘅驚喜。
店員先上menu，先被佢本menu吸引住，舊式嘅皮套，厚書紙，插圖簡單。餐巾用「羽毛」套住，前面有一條羽毛。
睇完menu，揀咗8 shades of flavour，$820，另外可以揀wine pairing。
店員先加花露水落抺手巾，來帶一點香氣。小麻袋裝住小牛角包來開始，左上嘅小花係牛油。
Amuse Bouche
呢組字係法文係「給咀巴的娛樂」，係廚師係正餐前為客人準備嘅小點，係廚師表演佢嘅創作靈感，係希望客人嘅味蕾打開一下。呢款係龍蝦tartar，一小口落口，鮮味先跑出，味道小小濃，可以接受。
Surprise Dish
廚師會由時令食材做組合成，等於你係夢境都唔知一步會經歷啲咩。一口豆腐沾上日本胡麻，一口新鮮拖羅，一口生蠔配三文魚子，特別在佢用咗柚子醋。
Kagoshima Tartar
用咗A4和牛tartar，入口即溶，味道再濃多一點，配上多士，不錯。
Hokkaido Jumbo Scallop
全熟嘅帶子會好「鞋」，廚師花小心思，只輕炙兩邊面，中間五成熟，咬落去質感好好，下面仲有芒果做底，小小甜酸配著，再上一層。
Surprise Dish
繼續往「夢」行，上嘅竟然係材料十足嘅湯頭，主要係雞湯，再有螺同鮑魚肉煮，味道再濃啲，試左一口湯後，可以加小小檸檬，較清新一點，但唔會破壞本身嘅味道。
Botan Ebi
記得有一次同朋友食飯，講起碟，如果餐廳著重上碟碟本身嘅溫度，可以睇得出佢地係有要求嘅。呢碟係真係熱，牡丹蝦嘅頭同身脆脆，唔好睇佢中size，係好濃，燴飯亦夠味。
Surprise Dish
店員提我地要小心，夢境行到呢度有視覺熱感嘅效果，用火輕炙燒一燒，香味好似牛肉，原來係呑拿魚臉頰肉。魚肉夠哂林，而且好滑，同平時食完全唔同，連口感都有啲似食緊牛。
其實食到呢度開始飽，呢道Kagoshima要另外加$198，牛肉三成熟，Tenderloin肉係無乜肥，而且味道係超級嫩滑，配上南瓜汁，旁邊嘅小點係蜜瓜哈蜜片，砌得好簿，用生果來refresh一下。
睇咗menu好耐，一直都好想知Pipe Organ到底係咩，上到黎係糖蔥餅，好似管弘樂中嘅管類，仲有雲尼拿雪榚，食咗咁多道濃味嘅餸，呢啖雪榚黎得剛剛好。
餐廳亦有露台位。夢境人人定義唔同，來一點surprise，俾啲靈感我，可以係生活上有新刺激。
（多謝你睇到呢度）小小有感而發：之所以開始寫食評，背後係想真實寫下同每個人嘅小日記。人大咗，留得低嘅唔多，可以係寫食評中學習唔同文化、回味與人相處、味蕾嘅享受同真實嘅分享，多謝呢個小小嘅平台可以俾我𠺘下口。
Post
