5:30pm 入座嘅我已經要被逼坐bar檯😧
坐到咁高…我清楚望到open kitchen入面有店員純熟地喺炭爐上面燒緊呢塊肥肉😳
兩大塊燒肉嘅脂肪比例都算合理🤔
食落唔會油腍腍，但係…..to be honest，佢肉質偏嚡!
除咗朋友介紹過佢嘅燒肉好食之外，本身都知 神山麵屋出名食沾麵
因為佢曾經榮獲東京no.1沾汁麵 & 日本電視台TBS票選出嚟嘅四大拉麵🫡
呢間過江龍嚟到香港一直人氣高企!
冇乜位嘅佢，成日都見到門外大排長龍!
仲諗住我咁早去可以坐到舒舒服服嘅卡位😩
點知….🤷🏻♀️
不過最令我失望嘅係…
佢嘅沾汁唔係熱辣辣嘅~
連我男朋友怕食熱嘢都唔使吹吓啲湯就直接入到口👀
雖然湯頭味道濃郁，但食多兩啖會嫌佢嘅醬油味重得滯!! 鹹咗少少🤏🏻
.
唯一令我真係欣賞嘅，就真係佢嘅自家製坑紋麵條👍🏻
(試想像兩條好幼嘅拉麵痴埋一齊，形成中間有條坑😂)
佢真係比起其他拉麵掛到更多沾汁，而且麵質都煙韌有彈性!
係我鍾意嘅口感👏🏻👏🏻👏🏻
可惜…<<溫泉蛋牛肉丼>>($48)都係令我失望😩
完全同吉野家 / SUKIYA すき家 / 東京チカラめし …嗰啲 冇 得 比！
佢啲牛肉冇乜牛味，份量又唔多又乾！
真係好彩有溫泉蛋🥹
冇咗佢…真係唔知點樣乾啃咁大碗飯🫣
最搞笑係我落單時冇講過「餃子」呢兩個字!
但落單個waitress幫我落咗<<神山湯餃子>>($38)
男朋友好好，佢話食得晒，要埋佢~
呢個湯餃子賣相就好好!!
有好多韮黃粒浮喺煎到金黃色嘅餃子隔離~~
沾滿湯汁嘅煎餃子帶微脆!
皮薄之餘，餡都算多!
呢個冇帶任何expectation 嘅小食，為呢一餐加番少少分👌🏻
