Video
Read full review
2019-04-18
246 views
去開葵涌廣場行街買衫，突然間想食放題，喺葵芳呢個地方，又唔係油尖旺，究竟有冇得食呢？上OpenRice搵一搵，發現呢間夢工房西日料理，見價錢又唔貴，入去試吓先刺身及壽司食放題，要回本嘅當然係食刺身同埋壽司啦我最鍾意嘅甜蝦刺身，好新鮮鮮甜。象拔蚌刺身唔係好多地方有，食落好爽口，質感好好。呢度嘅八爪魚刺身，更加鮮味十足，咬落亦都好淋，絕對難得。另外亦叫咗三文魚，魚脂豐富，口感豐滿壽司方面，最驚喜係有黑松露帶子壽司，帶子充滿光澤，見到已經知道新鮮，食入口有甜甜嘅鮮味，黑松露更加帶出帶子味道嘅層次揚物叫咗唔少嘅吉列蠔，仲有流心芝士蝦丸，吉列蠔嘅火候控制得好好，外皮炸得好香脆，裏便嘅蠔仍然充滿蠔汁而蝦丸嘅流心程度簡直一流，咬一口，芝士瘋狂溢出焗生蠔有黃金燒蠔同埋蒜香燒蠔生蠔燒完仍然唔細隻，黐實生蠔殼，新鮮嘅表現串燒及鐵板燒叫咗羊架同雞扒另外仲有雞軟骨同多春魚，羊架冇咩「蘇」味，雞軟骨咬入口卜卜趣小食類叫咗一個梅酒凍蝦，梅酒味香濃，蝦肉質爽口彈牙，小小嘅梅酒，更能突顯蝦肉嘅鮮甜天婦羅叫咗大蝦，茄子，南瓜嘅天婦羅，炸漿唔厚，食入口嘅感覺，真係食到蝦同埋南瓜，而唔會滿口炸漿飲品飲品選擇不少，係自己攞嘅
刺身及壽司
食放題，要回本嘅當然係食刺身同埋壽司啦
我最鍾意嘅甜蝦刺身，好新鮮鮮甜。象拔蚌刺身唔係好多地方有，食落好爽口，質感好好。呢度嘅八爪魚刺身，更加鮮味十足，咬落亦都好淋，絕對難得。另外亦叫咗三文魚，魚脂豐富，口感豐滿
壽司方面，最驚喜係有黑松露帶子壽司，帶子充滿光澤，見到已經知道新鮮，食入口有甜甜嘅鮮味，黑松露更加帶出帶子味道嘅層次
揚物叫咗唔少嘅吉列蠔，仲有流心芝士蝦丸，吉列蠔嘅火候控制得好好，外皮炸得好香脆，裏便嘅蠔仍然充滿蠔汁
而蝦丸嘅流心程度簡直一流，咬一口，芝士瘋狂溢出
焗生蠔有黃金燒蠔同埋蒜香燒蠔
生蠔燒完仍然唔細隻，黐實生蠔殼，新鮮嘅表現串燒及鐵板燒
叫咗羊架同雞扒另外仲有雞軟骨同多春魚，羊架冇咩「蘇」味，雞軟骨咬入口卜卜趣小食類
叫咗一個梅酒凍蝦，梅酒味香濃，蝦肉質爽口彈牙，小小嘅梅酒，更能突顯蝦肉嘅鮮甜
天婦羅
叫咗大蝦，茄子，南瓜嘅天婦羅，炸漿唔厚，食入口嘅感覺，真係食到蝦同埋南瓜，而唔會滿口炸漿
飲品
飲品選擇不少，係自己攞嘅，放滿四個大雪櫃，另外仲有清酒梅酒同啤酒，總有一款啱口味。想飲熱飲嘅朋友，餐廳亦都好細心，有個位置專擺唔凍嘅罐裝飲品同埋啲茶
甜品
甜品分開兩部份，可以出去大堂攞，亦都有兩款係用點餐紙叫的
最特別嘅係呢一個至尊甜品，叫焦糖藍海鹽雪糕，咸中帶甜，甜中又帶咸，究竟甜定咸呢，嚟到嘅真係要試吓，呢隻雪糕嘅質感都幾滑溜。另一個至尊甜品，係香芋綿綿冰，入口即溶，甜品店食都成四五十蚊個，呢度竟然係任食嘅
至於外邊冰的，有乳酪啫喱同埋一啲小蛋糕
甜品除咗呢兩用，更加有兩大貴嘅雪條，好好食嘅榴槤雪條都有啊
餐牌
八點半前入座，平日每位$188再加一，以放題價錢來講，算係超值
環境
環境絕對有格調，同一般放題嘅風格好唔同，大大個卡位，坐得非常舒服
點餐紙放得井井有條，方便點餐
兩個人一人$200多少少，有咁多嘅刺身放題，其實仲可以食埋火鍋，真係抵到爛
Post
