HABO室內釣蝦場

Open Now

Now Closed

【沙田區】【HABO室內釣蝦場】我同同事振華哥都係住沙田，最近聽講有間喺石門嘅室內釣蝦場好受歡迎，所以就一齊去試吓玩。以前我從來都冇去過呢啲場所玩，極其量都係喺燒烤場玩嗰啲釣龍蝦、撈金魚嘅遊戲，船 P 嗰啲我就一次都冇去過。所以知道沙田附近開咗之後，就去試下喇。入到去就見到兩個大缸，都幾多人喺度玩緊，大部分都係啲一家大細，都係一個唔錯嘅親子活動。店員一開始會派發「蝦皮」做餌，有技巧地串入釣鈎裡面之後，就可以開始釣蝦。店員唔知係咪同啲蝦夾埋，佢哋一釣就釣到，我就「捉到鹿都唔識脫角」，啊。之後喺有外援嘅協助下，都成功咗，大約有斤半左右嘅蝦可以即場整嚟食，預設嘅係「鹽燒鮮蝦」，亦都可以加 $30 轉「營地醬油」、「開邊椒鹽」或者「蝦堡麻辣」 。我哋各試咗啲，個調味吊得個鮮味幾出，好味，而 $50 嘅「秘製醬油燒雞翼」都幾正。我哋玩咗一個鐘，每位 $140，釣到幾多就幾多。聽講熟客因為好熟手，甚至有自己嘅釣具，係可以釣到幾斤嘅。對於新手嚟講，店內嘅店員支援亦都非常足夠，不單止教我哋點樣釣蝦，而且又要整蝦畀我哋食，服務唔錯。另外，飲品 $10 件，按需要先買。。。（地址：沙田石門安群街1號京瑞廣