蘭香閣餐廳

Open Now

Now Closed

【沙田區】【蘭香閣餐廳】好耐之前曾經講過呢間沙田老牌餐廳，我仲記得我嗰陣時大學畢業，影完畢業相，都係同啲 friend 喺呢度食嘢。再食呢間嘢係最近嘅事，同朋友做完嘢過嚟食飯。不過喺我砸住啲稿嘅時候，呢間餐廳突然間紅咗，因為邀請歌手去唱歌，但係我係之前食嘅。嗰次係中午食，朋友食 $60 嘅「泰式冬蔭功海鮮炒飯」，配「中湯」，飲「熱檸茶」，正常茶餐廳水準啦。我就食 $45 嘅「經典常餐」，配「沙嗲牛肉湯麵」、「腸仔煎蛋」同「牛油多士」，飲「凍奶茶」。呢啲茶餐廳嘢都唔會有甩漏㗎喇，水準穩定嘅。埋單 $108，估唔到原來朋友都係沙田友，所以識呢間。不過我之後都有機會再食，但係今次係喺下午茶時段，我就食咗個下午茶。我叫嘅係 $38 嘅「炸雞髀薯條」，估唔到又 okay 喎，加 $3 飲「凍檸茶走甜」之後埋單 $41，都係一個唔錯嘅下午茶選擇。。。（地址：沙田瀝源街6號瀝源廣場附翼二座1樓4號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #