來自東京的「銀座 篝」首間海外分店開在K11 Art Mall，主打雞白湯拉麵。開放式廚房可以清楚看到師傅整拉麵嘅過程。
🍜 雞白湯抹茶拉麵 $118
第一次試抹茶味拉麵，湯底係雞白湯加入抹茶，變成淡綠色。淡淡的抹茶加入咗喺湯底度，抹茶味溫和，無搶走雞湯嘅鮮味，但湯底比較多雞油。粗身麵條掛湯效果不錯，另外跟咗薑蓉同炸蒜，可以自己加。配料有三塊雞胸肉同多款蔬菜，包括南瓜、粟米芯等
🥟 煎餃子 $38
外皮煎得香脆，內餡味道幾好。
🍚 松露奶油雞肉飯 $38
火炙雞肉帶點焦香，奶油同松露撈勻啲飯一齊食，令飯粒更加濕潤。
