今次由小食到甜品都令我除咗傾計之外，食到冇停口! 相都影唔切🙃
🐔<<九州風炸雞翼>>($56)
其實就係普通炸雞翼~ 炸得乾脆👌🏻
上面有少少鹹鹹甜甜嘅醬汁! 幾好食~
略嫌overpriced 咗少少🤏🏻
🥟<<波菜芝士焗餃子>>($52)有超多拉絲芝士墊喺餃子下面~
內藏菠菜! 夾起上嚟, 充滿芝士超邪惡🫣
🍜店長推介嘅人氣之選之一💁🏻♂️<<牛肉壽喜燒烏冬>>($102)，真係冇介紹錯!
呢個價錢呢個肉量，成個熱鍋㷫烚烚咁樣上檯~ 好似打邊爐咁☺️
湯底甜度剛好!!
(好怕出面有d 地方整到好甜……)
烏冬嘅韌度亦都好有彈性!!
好味到我都翻添咗😋
<<宇治抹茶蕨餅芭菲>>($78)
抹茶雪糕超濃味而且好滑! 唔係硬骨骨嗰啲~
蕨餅係軟腍腍嗰種，我自己就鍾意韌番少少🙂
紅豆粒甜度適中，可以中和番少少抹茶嘅澀味!
最鍾意cream下面嘅抹茶啫喱條!
滑捋捋，好好啜😂
因為好大杯⚠️
兩個人share就啱啱好🙌🏻
————————————-
其實佢個咖哩吉列豬扒蛋包飯同埋燒牛丼都好好食，仲有明太子年糕添呀!!!!!!
可惜今次冇影相~
下次再介紹過🤓
