今日星期六，去到世貿老婆見到呢間嘢網上講好似唔錯，好啦嚟咗啦，點知一打開Menu，見到價錢簡直係驚嚇。一碗普通滷肉飯可以買到$68 ，牛肉麵最普通都要$108。我心諗，識呢啲基本嘢，一定冇死，應該都穩陣。點知牛肉麵所謂嘅刀削麵，今本就似烏冬多過次刀削麵。不過都算啦，唔係好好食，但係都叫OK。但係$108一碗麵，絕對有好多間做得好過佢。
最令我驚為天人嘅係碗滷肉飯。$68一碗細細碗嘅滷肉飯，可以誇張到連飯都未煮熟，係食得出有生米嘅。呢樣嘢我真係覺得接受唔到！ 有乜理由一間咁大間餐廳，喺世貿中心開舖可以誇張到連米都未識煮？！
餐廳服務唔可以話差，但係絕對體驗唔到台灣人嗰種人情味同埋溫暖。部份員工基本上喺度自己傾偈，或者行屍走肉咁行嚟行去。總之講到尾呢一個價錢絕對可以有更好嘅選擇。
