我覺得一間好的餐廳係指會令人有再去的衝動, 想一去再去食ge...
但係呢間野呢...我可以肯定咁同大家講"絕冇下次"lor
就算一間食肆的野食整得再好食, 如果佢的服務態度係勁差的話, 我林大家就算食呀, 都食得唔開心lor...而且呢間店唔止係冇服務態度, 仲完全擺明唔理客人的要求...實行"你有你要求, 我有我原則!"
傱來都唔知道一碗"牛肉湯"原來係咁值錢ga, 我都想幫我o個碗"淨湯"(完全冇味)的"豬排麵"加番d牛肉湯, 等佢唔好咁齋姐
我叫個侍應姐姐俾d牛肉湯我又or倒d湯落我碗麵到... 點知...佢話要另外收錢...我唔係好記得話收幾多錢啦, around $5蚊到啦, 但係我覺得好奇怪lor, 點解個湯底要收錢???
一問之下, 個侍應就話因為我冇係落單的時候. 話清楚要牛肉湯, 所以如果我而家想要呢, 就加錢lor, 佢冇辦法wor...
聽完之後, 真係令人"O"左咀lor....咁有"原則"的餐廳實在太少見啦...
但係我想講呢, 試問對第一次黎的客人黎講, 我地又點知呢間野會有咁的要求呢!
佢咁做, 擺明係扼d未黎過的人啦!
更令人驚訝的係個老闆娘係我地張枱附近, 佢明知個staff咁對客人, 都冇阻止, 甚至係默許佢的行為, 好明顯"貴價牛肉湯"的收費政策係佢的主張啦...
講真呀, 呢度的野食係唔錯ge...但又未到非食不可的地步lor, 而且佢咁的服務態度, 相信長久落去都有問題啦...呢次食到一肚氣 係我的話, 就絕對唔會再黎啦
