呢間神秘嘅「祕」 位於佐敦一個角落
餐廳主打板燒牛
可以按自己喜歡嘅生熟程度燒
我嗌左板燒吉列牛午市定食 同 板燒安格斯牛午市定食
兩款牛肉嘅肉質鮮嫩
每邊燒大概十幾秒就夠
吉列牛工架十足
外層炸得脆又薄
食到最後都仲外脆內軟
但牛味則一般
而安格斯牛牛味就相對重啲
脂肪亦都比較均勻
燒完後配上特製燒汁十分美味🤤
定食配有秘之飯素同溏心蛋
日式飯素十分襯燒肉
溏心蛋反而就一般 唔太流心
定食份量唔算多
太肚餓或者大食就未必夠飽啦
另外加左$58 浦燒原條鰻魚飯
一啖鰻魚一啖飯都無問題
Size驚喜 肥美之餘無骨
以$58 係無可挑剔👍🏻
整體而言 回 味 無 窮 ～
