Read full review
2020-10-08
3418 views
說起來，龍逸軒近幾個月來真的光顧了不知多少次，由$34一款點心開始，到近日推出的All You Can Eat Dim Sum Brunch，就連太太團都讚不絕口，作為點心控，當然要親身一試！「限聚令」下，一檯最多4人入坐，正好餐廳推出星期一至五4人同行$988，計落每位$250有找，已經茶芥加一全包，真心覺得抵食，如果人數不足，只要係 eshop 買 coupon ，平均都係$272左右，至於星期六、日及公眾假期就貴少少，都係$286左右。可能太受歡迎，所以任食點心都分作兩輪，而最後點餐時間為 12:15 及 14:30。點心紙有前後兩版，總共超過50款鹹甜點心，蒸、炸、湯、前菜、飯麵及甜品，應有盡有，就睇下你食得幾多！蒸點畢竟是大量即製，晶瑩鮮蝦餃的餃子摺紋比較粗糙，但餡料是吃得出的清爽彈牙，有水準。蟹子蒸燒賣吃得出蝦爽肉鮮。另一款蟹肉菜苗餃包得工整，蟹肉的鮮甜跟菜苗好匹配，已有一段日子沒吃過了。而上海小籠包內裡有肉汁，而包皮有點厚，反而啱我胃口。話就話瑤柱珍珠雞，但比起一般珍珠雞為大，餡料跟味道跟平日的相差不大。吃素的朋友都有不少選擇，松子素粉果的餃子皮柔韌有彈性，餡料包至漲卜
說起來，龍逸軒近幾個月來真的光顧了不知多少次，由$34一款點心開始，到近日推出的All You Can Eat Dim Sum Brunch，就連太太團都讚不絕口，作為點心控，當然要親身一試！
「限聚令」下，一檯最多4人入坐，正好餐廳推出星期一至五4人同行$988，計落每位$250有找，已經茶芥加一全包，真心覺得抵食，如果人數不足，只要係 eshop 買 coupon ，平均都係$272左右，至於星期六、日及公眾假期就貴少少，都係$286左右。可能太受歡迎，所以任食點心都分作兩輪，而最後點餐時間為 12:15 及 14:30。
點心紙有前後兩版，總共超過50款鹹甜點心，蒸、炸、湯、前菜、飯麵及甜品，應有盡有，就睇下你食得幾多！蒸點
畢竟是大量即製，晶瑩鮮蝦餃的餃子摺紋比較粗糙，但餡料是吃得出的清爽彈牙，有水準。
蟹子蒸燒賣吃得出蝦爽肉鮮。
另一款蟹肉菜苗餃包得工整，蟹肉的鮮甜跟菜苗好匹配，已有一段日子沒吃過了。
而上海小籠包內裡有肉汁，而包皮有點厚，反而啱我胃口。
話就話瑤柱珍珠雞，但比起一般珍珠雞為大，餡料跟味道跟平日的相差不大。
吃素的朋友都有不少選擇，松子素粉果的餃子皮柔韌有彈性，餡料包至漲卜卜，食落爽甜。
兩款腸粉包括金粟米上素腸粉及蜜汁叉燒腸粉，餡料豐富是沒話說，份量足，所以好易飽肚。蒸點仲有竹笙上素卷、蠔皇叉燒包、香滑奶皇包、時菜牛肉球、醬皇蒸鳳爪與及豉汁蒸排骨。
煎炸
在煎炸類中，沙律醬蝦多士可以話必食，炸得鬆化可口，咬落脆卜卜，蘸點些小沙律醬就更加正。
原先以為XO醬蘿蔔糕及XO醬炒腸粉都是大路口味，但發覺炒得好乾身，外層有微脆的口感，辣辣地好香口。
脆皮炸春卷毫不覺油膩，反而覺得好酥化。
酥皮叉燒餐包，但賣相有點似墨西哥包，而不是傳統中式包點賣相，但個人幾鐘意。
而香煎牛肉包煎得少許焦香，牛肉餡料可以多些少，略嫌肉汁未夠多。
金勾鹹水角即叫即炸，賣相飽滿，食落煙煙韌韌。滄海遺珠仲有珍菌上素生煎包及海鮮腐皮卷，因為無食。
湯羹
湯品共有兩款，雪耳魚蓉羹質地細滑，沒絲毫魚腥味，加點胡椒粉提鮮一流。
若然不喜歡魚蓉羹，亦可簡單的來個是日廚師湯品。
前菜
雖然是任食點心，竟然有蜜汁叉燒出現，而且份量十足，蜜味重，有嚼口，絕不比坊間名店比下去，必食。
可能椒鹽魷魚鬚炸得太乾身，咬落幾結實下，算，放棄。
椒鹽小排骨炸得酥香入味，最啱送啤酒。
因為4個人，所以鎮江肴肉都有4片，建議食之前蘸點一下陳醋，肉味更鮮。
脆皮素鵝卷炸至色澤金黃又脆口。
至於黃金豆腐粒，又係佐酒菜。其實真係無可能全部點一次，所以放棄了五香牛腱、京式醬蹄、貢菜海蜇、白灼時蔬、涼拌青瓜雲耳同埋燒汁燴冬菇。
飯麵
單尾首選了乾炒牛河，食落有些少鑊氣，而且好乾身，醬油分佈平均，蛋絲令色澤豐富，但個人覺得無必要。
至於四川擔擔麵，就一人份量，可能掛住影相，麵條有點稔，非戰之罪，而醬汁調教出色及惹味。
想不到麻辣牛鬆茄子炆伊麵有點驚喜，麻辣度輕盈，反而激烈了食慾，伊麵柔韌，沾上了肉鬆就更可口。其實仲有皮蛋瘦肉粥、翡翠嫰雞絲煨麵及叉燒金粟炒飯，但幾款之前都食過，今次算了，而且真係要食得晒先好叫，一定不能眼闊肚窄浪費食物。
甜點
甜品夾雜了中西式，在眾多的甜品中，最得我心的必定是燕麥香芒卷，外層是煙韌的糯米，內裡是甜美芳香的芒果肉，兩者可以說是絕配，必食。
另外意大利芝士餅及芒果拿破崙，都是從自助餐那邊凍櫃取來，有種一個價錢，就連Buffet都可以享用的感覺。
而雪糕更有藍莓芝士蛋糕、雲呢拿雪糕及朱古力雪糕三款口味，早前天氣尚熱，吃著消暑也不錯。
至於杞子桂花糕及冰花雪耳燉萬壽果，胃納太細，實在是撐不下了。計落超過50款點心，就算每款一件都要食50件/碗，就算胃納有如焚化爐既我都未必得，睇下邊個可以掃餐牌！
P.S : 飲茶食飯都試過，外甥的婚宴因疫情一拖再拖，最終於9月圓婚，是晚菜單相當出色，容後再作分享！
Post
