餐牌用手機落單，可以調味自己鍾意嘅款式口味
餐廳位置唔算好多，不過好多客人，記得早啲排隊，或者訂位。平時好多大學生或者附近嘅住客喺度食嘢
收銀處櫃檯有個好搞笑board，叫做被逼營業中😹
燒韭菜以及魷魚係一定要叫嘅，非常之好味香口的
燒燒賣都係非常之搶手，所以要叫兩串。外邊燒到香脆，入邊啲肉都係彈牙
第三樣嘢記得一定要叫嘅就係茄子
燒牛肉、燒鰻魚、燒白鱔、燒冬菇，自己都試過都係好食嘅
最後個甜品，我哋叫咗燒香蕉，香甜好味
另外燒饅頭都係唔錯，而且有椒鹽嘅風味，唔夠飽嘅大食鬼，記得要叫😜。饅頭外邊燒到非常之香脆，入邊鬆軟，好味又大件。
