如意冰室私房菜 (Closed)

豬仔今日又係灣仔上堂 落堂後約左男朋友一齊去食晚飯 最後行行下就去左依間—如意冰室私房菜 見到價錢合適 就決定食依間啦餐廳有兩層 時間尚早 但下層已經坐滿滿被安排左坐上層 裝修簡潔 感覺衛生中式小炒 餐點選擇多晚上亦有晚市套餐以供選擇同男朋友揀左兩道小炒黎食點完菜就上左是日餐湯今日既湯係蕃茄薯仔豬骨湯豬仔真係好鐘意飲湯 依碗老火湯無加味精滿滿湯水 有家的味道菠蘿生炒骨叫依道菜時 老闆娘同我地講話依道係招牌菜之一 係以傳統做法 用山喳同梅子調味 而非出面咁一般以白醋或檸檬 用料講究一到台就即刻試一試 醬汁果然出色唔會好似出面既咁攻鼻刺激加上豬肉唔肥 炸得十分酥脆加上菠蘿、青椒、洋蔥伴和醬汁炒得好香同男朋友食唔停呀 必試推介如意小炒皇有魷魚、蝦仁、腰果同四季豆用白飯魚乾、蝦乾、蒜蓉同洋蔥炒 炒得好香鑊氣十足 香口之選 豬仔好鍾意最後仲有有甜品送上左蕃薯糖水 傳統中式糖水暖暖好有家的風味依一餐好有驚喜