7
2
3
Opening Hours
Today
06:30 - 20:30
Mon - Sun
06:30 - 20:30
Above information is for reference only. Please check details with the restaurant.
朱古力伯爵布甸 首先的味道是朱古力，吃下去就是淡淡的伯爵茶香味。朱古力的甜味和伯爵茶的香味是如此的配合!法式烤布蕾麵包綿密是好麵包的必要條件。頂部烤如法國硬包，而中間即是綿密的麵包。麵包充滿蛋香，兩邊則塗有忌廉(煉奶?)!難怪一打開袋時，麵包的香味便會飄出。
continue reading
記得有次想買個腿蛋包，口快快講左腿蛋冶，個女店員用一個好唔耐煩嘅語氣話無。無咪無，洗唔洗咁抆啫。過左大約一年冇幫襯，又經過呢間，諗住算啦，買個包啫。個店員袋好個麵包後係完全冇意思遞比我，就咁放在櫃台，個膠袋手挽個邊係向住佢自己（佢地個舖位係高左大約一級樓梯, 所以平時d顧客係要企在行人路買野同要向上望同d店員溝通，如果你生得矮細d你絕對要踮起腳尖攞），我要自己伸長隻手攞，佢見我伸長手攞完全冇諗過將袋包放前小小，仲要佢地一向唔講多謝，態度冷淡，係咪8、9蚊一個麵包就唔係錢吖？以後唔會再幫襯。
continue reading
已經幫襯過好幾次，每次啲麵包都係新鮮，蛋糕都好食。今日下晝去買包，明明櫃裏面有新鮮嘅，個店員擰轉頭拎個包，我都覺得好奇怪，一咬落口，就知係隔夜包😑疫情之下，生意好難做，我明嘅，但對熟客係咁，真係無話可說😒，個麵包櫃裏面仲有烏蠅，成條街得一間麵包舖，係咪獨市生意就係咁呢？如果店員係老細，就自己打爛自己嘅招牌。一向都覺得老店要撐要支持，但咁嘅質素又叫人點樣支持呢！如果要食隔夜麵包，我不如去超市？我諗以後都係要去茶餐廳買件蛋治算。
continue reading
一向少寫食評，無奈這次經歷非常不良。10月9號打8號風球，早一日10月8號下午落訂單訂購兩磅蛋糕，即時付訂金安排9號當日4時深水埗取，為小兒慶祝生日。由落單到9號當日一直無收到任何通知蛋糕安排會有問題，直到預約取蛋糕時間，到門前，嚇然發現店舖竟然無開舖，我們站在門外不知所措。Whtsapp 深水埗店，無人回應，後來在舖頭門前見到油麻地店招聘聯絡電話打過去，幸好有人接聽，否則都不知如何是好。但令人非常震驚的是我們預訂的蛋糕並無製造出來，原因是下單的深水埗店無人上班。油麻地店的店員一直解釋為8號風球影響，無人上班，但一整日下來都無人通知。其實管理不擅，漏了訂單就是漏了訂單，如果是8號風球影響，油麻地店都應該不會有人上班。途經此店多年，第一次訂購即碰上如此經歷，蛋糕做得再靚都無用，因為在客人最重要的日子完全失信。最後油麻地店提供兩個解決方法：退款 / 去油麻地店在店內僅有的蛋糕款選取取代。我慶幸不幸中的大幸是今次並非為老人家擺大壽又或是其他更不容有失的公司慶祝活動或週年節慶，否則連自己的誠信亦難以挽回。慎選店舖，否則悔恨不可彌補
continue reading
今日行行下突然好想食曲奇，咁岩係油麻地附近，所以諗起呢間舖頭。麥香田係一間香港傳統式既麵包舖，佢有好多種唔同既麵包，亦有蛋糕、甜品、蛋撻、曲奇同埋好多其他款式既烘焙製品。雖然佢間舖頭好細，但麻雀雖小、五臟俱全。佢有幾款曲奇可以揀：阿華田、好立克、牛油、朱古力、合桃味。我最鍾意既就係佢個隻原味牛油曲奇，因為佢就係個種香港舊式餅店，最簡單但最令人懷念既味道。係影相之前我已經忍唔住食咗幾塊，因為真係好食到停唔到口。個半磅曲奇($36)我應該好快就可以KO哂佢。好快又要再去麥香田買過lu~😂
continue reading