Video
3-min walk from Exit N2, Tsim Sha Tsui / East Tsim Sha Tsui MTR Station
continue reading
Telephone
56692188
Opening Hours
Today
18:00 - 04:00
Mon - Sun
18:00 - 04:00
Above information is for reference only. Please check details with the restaurant.
呢間位於尖沙咀K11廣場附近的串燒小店，雖然店面不大，但勝在價格親民，串燒款式夠多，選擇豐富，還提供多款泰式料理。營業時間開到凌晨3點，家陣好少餐廳肯開到咁夜，絕對係食宵夜好去處。當中最吸引嘅係$88就有半打惹味串燒，就連新鮮海蝦都只係$8一隻，抵呀！鹽燒海蝦 $8/隻餐廳新張優惠$8/隻非常抵，選用新鮮活海燒烤，蝦殼燒得酥脆可連殼食用，蝦肉緊實彈牙，蝦頭內還藏有少許甘香蝦膏。可自選辣度提鮮，微辣版本味道最夾。炭燒豬頸肉 $58一碟份量都唔算少，特選豬頸肉部位，肉質緊實帶適度油脂，經炭火烤制後外皮微焦，內裡保持juicy多汁。爸B串燒 $88/半打這款招牌串燒組合絕對是店內的人氣之選！精選豬、牛、雞三種肉品各兩串。經過特調醬汁醃製的串燒好入味，重要的是串燒火喉掌握得幾好，燒到保持多汁不乾柴，再加埋辣粉勁香口。鹽燒厚切牛舌 $29、燒豬腩肉 $15、安格斯一口牛 $38、雞心串 $25、煙肉荔枝卷 $22牛舌真係好大塊好厚切，燒得幾軟嫩；豬腩肉入口外脆內軟，充滿油脂香氣；安格斯一口牛嫩滑有咬口；雞心串反而覺得略為太乾但肉質有嚼勁；煙肉荔枝卷一定要食，既有煙肉的鹹鮮又有荔枝的清甜，雙重滋味完美配合。泰式香辣蜆 $58蜆肉疊高多到快滿瀉，上桌時已香氣四溢，好重蒜頭及香料味，蜆肉鮮甜無沙，每顆都充分吸收醬汁，微酸辣，讓人忍不住一口接一口。鹽燒黃立倉 $78黃立倉都幾大條，魚皮燒得幾脆口，魚肉偏乾身，但有少少鹽吊味所以都幾好食。Corona啤酒 $30/樽食串燒點少得啤酒，$30一樽當然要啤啤佢。
continue reading
為食花太郎 Fafafoodblog 爸B燒 - 泰式串燒專門店 🍴炭燒豬頸肉 58 蚊🐖好爽彈牙既豬頸肉 夠肥味 點d酸辣醬就好好味🍴鹽燒厚切牛舌58 蚊兩串🐂牛舌好厚肉帶d肥膏 牛味香濃 咸度適中 正🍴泰式生菜包68 蚊份 🥬生菜包生菜新鮮 辣椒肉碎 花椒八角黑椒好入味 正🍴牛油超甜粟米15 蚊份真係超甜粟米 🍴大眼雞78 蚊條🐟燒得好香既大眼雞 魚肉好一定係鮮 彈牙 魚味濃 點d酸辣醬就正🍴泰式金邊粉78 蚊酸甜辣適中 金邊粉夠爽口 有蘿蔔絲 蝦肉等等 雞肉彈牙 正🍴鹽燒海蝦做緊特緊8 蚊隻 點左4 隻🦐海蝦勁新鮮 蝦肉彈牙 辣度適中 正b#粟米 #泰國菜 #串燒 #牛舌 #海蝦 #金邊粉Score 平均分< 8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#爸b燒尖沙咀寶勒巷1 號玫瑰大廈地下 ef鋪~~~~~~~~~~~~~~#fafafoodblog #為食花太郎 #fafafoodblog尖沙咀====================
continue reading
尖沙咀嘅「爸B燒」係一間人氣泰式燒烤店，喺新蒲崗已經好出名，而家喺尖沙咀都開咗分店😛舖仔細細，但勝在夠抵食🤓串燒款式夠多，仲有唔少泰式小食，夜晚想同朋友摸住酒杯底吹水，呢度就啱晒！重要做緊特價8蚊一隻燒海蝦！抵食到嚇親🤣✨燒海蝦 $8海蝦都幾大隻，燒到蝦殼脆卜卜，蝦肉彈牙鮮甜，揀左少少辣，而且做特價8蚊一隻性價比超高！🤩✨鹽燒黃立倉 $78全餐飯mvp，黃立倉燒得皮脆肉嫩，魚肉鮮甜😍加少少鹽吊味就已經好好食，大大條好抵食，魚肉超多✨燒豬腩肉 $15 (最左)燒豬腩肉燒到啲油逼哂出嚟，食落外脆內軟，油脂香氣四溢，肥瘦均勻，抵食~✨雞扒串 $18 (左二)雞扒燒得夠juicy，唔會太乾，肉質都幾嫩滑，但如果可以再大份就好，兩嚿唔夠喉！✨照燒白鱔 $28 (中間)白鱔燒得外皮香脆，肉質嫩滑，照燒汁味道濃郁，但小心有少少骨🤫✨羊肉串 $20 (右二）羊肉串都幾大串，燒得夠香口，無咩羶味，我幾鍾意食羊肉非常滿意，有衝動嗌多個羊架試下🤣✨燒翠肉瓜 $15 (最右)翠肉瓜燒得啱啱好，保持到水份，食落清甜解膩，可以平衡返食咁多肉嘅油膩感👍🏻✨香蜜燒雞中翼 $18 (兩隻)雞翼燒到金黃色，外皮帶點焦香，咬落去啖啖肉，仲有香甜蜜糖味🤤✨鹽燒厚切牛舌 $29牛舌真係夠厚切，加少少鹽調味就已經夠哂味，不過可以再軟腍少少😏✨椒鹽雞軟骨 $38雞軟骨燒到卜卜脆，加埋椒鹽調味，非常惹味，送啤酒一流😌✨椒鹽栗米 $42栗米燒得夠香甜，加埋椒鹽嘅鹹香，口感豐富，推薦😋✨燒茄子 $38茄子燒得夠軟腍，上面鋪滿蒜蓉，味道香濃，個人都係茄子控，依個調味同軟腍度都恰到好處，我會比💯分🤭✨冰底檸樂 $18飲返杯冰底檸樂，透心涼，可以解膩消暑，青檸味夠清新，正😁爸B燒串燒款式夠多，價錢又抵食，味道都唔錯，喺尖沙咀嚟講算係一個性價比幾高嘅選擇🤓如果想同朋友輕鬆聚餐，或者夜晚想搵個地方摸住酒杯底吹水，爸B燒都值得極之推薦🫶🏻
continue reading
爸B燒首先系新蒲崗開業，其後傳到過黎尖沙咀，開得黎尖沙咀人流當然相對高多。吾系一般串燒店咁簡單，系fusion埋泰式串燒。🐚 蒜蓉粉絲燒大扇貝 $58/隻大扇貝向來受大家歡迎，爽口彈牙，蒜蓉粉絲鹹香十足，令我諗起大排檔同中菜館都有呢度菜式，海鮮迷不能錯過。🐚 燒蘇格蘭蟶子 $50/隻同朋友一樣好鍾意食海鮮，蟶子當然不能錯過😊爽口新鮮，同樣係搭配蒜蓉🧄🐮 鹽燒厚切牛舌 $29好鍾意食牛舌，仲要系鹽燒，令牛舌充滿淡淡鹹香，口感充滿嚼勁。🐷 台灣腸（蜜糖） $18食串燒最鍾意食台灣腸，台灣腸啖啖肉，有埋蜜糖嘅甜味🍯令人不得不愛上😆🐮 金菇肥牛 $26向來系串燒不敗組合，肥牛油脂豐富，包住金菇滋味十足。🍢 爸B串燒 $88/半打呢個系抵食之選，有豬牛雞各兩串，款款都好好味😋啖啖肉好有咬口。🦐 泰式炒金邊粉 $72串燒店有得食金邊粉好過癮🤭金邊粉好多人都好中意，味道偏向濃郁，食到粒粒大蝦肉，還原泰式風味🇹🇭
continue reading
行街經過尖沙咀見到依間串燒舖，俾佢黐嚮門口嘅燒烤相吸引咗入去，滔叨叨舖頭，五臟俱全，入到去好有日式居酒屋嘅感覺🥰雖然只係晚上7:00 ，但係已經座無虛席，我同朋友響門口等咗10分鐘左右，就安排入座。而家做緊promotion嘅生猛海蝦，$8大大隻，蝦肉勁彈牙爽甜，一開始唔敢嗌太多隻，叫兩隻試吓水溫，點知真係有驚喜！之後加單order多2隻😆肉類燒得時間剛剛好，尤其係羊架同牛舌，特別驚喜！外脆內嫩，加上適當嘅調味，入口絕對係會刺激味蕾🥹另外再叫咗佢嘅多春魚，外表金黃鬆脆，但係入面絕對唔會乾，送酒一流👍🏻蔬菜方面，佢哋除咗大眾必點嘅韭菜翠玉瓜之外，仲有燒菜心😮我見到燒菜心，都呆咗一下，膽粗粗點咗一串嚟試吓，燒過嘅菜心，反而帶得出佢嘅甜味，令到我同朋友都一致，認為佢係今晚蔬菜界最出色嘅代表😆另外值得一提嘅係，兩位店員姐姐，年紀輕輕，但係10分殷勤有禮，全晚爆場無停過，但係都唔會要每一位客人等，笑容親切，而家真係好難搵🥹而家佢哋啤酒仲做緊買一送一，呢個優惠，絕對可以坐一個晚上😌另外，仲見到門口有部外賣機，做緊promotion $130任揀10串😮勁抵！
continue reading