601
72
128
4-min walk from Exit P3, Tsim Sha Tsui / East Tsim Sha Tsui MTR Station
continue reading
Telephone
23666072
Introduction
This modern Japanese BBQ restaurant is decorated with sake bottles and provides a lot of booth seats which are comfy. You can enjoy more than 100 kinds of ingredients and Japanese dishes, such as wagyu and sashimi.
continue reading
Opening Hours
Today
18:00 - 01:00
Mon - Sun
18:00 - 01:00
Above information is for reference only. Please check details with the restaurant.
About Reward Scheme
Signature Dishes
Recommended Dishes
聽朋友講燒魂係和牛燒烤放題,仲有刺身壽司任食,經開尖東果邊所以就試下佢,book左6.30pm。一坐低,覺得地方幾乾淨企理,坐喺窗邊可以睇哂尖東繁華夜景,落單既選擇超多,有前菜、沙律、野菜、兩身、壽司、和牛、鍋類、肉類,食物款式幾特別,叫左好幾款和牛,黑毛飛霜空降和牛、西柚汁霜降和牛好新鮮好有牛味😋任飲飲品有可樂、解茶、清涼爽、荔枝茶等等,值得一讚既係侍應態度好好,好有禮貌,食左成2個鐘,埋單300幾,可以食足2個鐘,性價比好高😍
continue reading
今天是假期前夕,放工約了朋友去尖沙咀行行食飯。早前有人介紹在附近有一間有名的日式放題燒烤店! 餐廳叫燒魂,位於尖沙咀漆咸道南57-59號金馬倫中心2樓,港鐵尖沙咀站 P3 出口, 步行象分鐘就到。 餐廳的招牌光亮,十分有氣泒。 內裏裝修有時代感,以清酒酒樽作裝飾;整潔和光線充足 。檯椅以卡位為主,坐得舒服。 它以日式燒肉為主打,有生的牛肉、經過調味牛肉、不同款式用來燒烤的豬肉和醃制的雞翼雞腿等等。除了這些,還有:刺身、壽司、沙律、炸物和日式菜。飲品任飲! 我們先吃主題的燒肉,再食其他食物。 *燒肉黑毛飛霜空降和牛、鮮蕃茄霜降和牛、騷騷牛裡肌、鮮蕃茄牛裡肌、汁燒安格斯骰仔粒。真的各具特色,非常美味! 尤其是和牛,油花分佈均勻,牛肉味濃! 安格斯牛柳粒細細件,一口吃完,很有咬口! 還有:奥斯卡豚后肉、蜜運豚后肉和血池赤豚小排。 經醃制的豬肉真的不錯,可以燒焦一些來吃,超正! *刺身:三文魚、生蠔和刺身蝦。 非常新鮮,鮮味可口! *壽司:花之戀、松露醬大蝦壽司、七味燒三文魚壽司。 壽司和食物很搭配,七味燒三文魚好好味。 *野菜:黑松露雞髀菇、香草牛油冬菇和芝士翠玉瓜。 很惹味和可以中和吃了那麼多肉。 *日式菜蕃茄薯仔和牛烏冬和卜卜煮大硯。 烏冬和蕃茄薯仔超入味! 大硯鮮甜美味! 這間日式放題燒烤店真的有驚喜! 食物質數高、材料新鮮和料理得很有水準! 最要是價錢唔貴。很值得推薦大家去光顧!
continue reading
諗唔到食咩嘅時候,最好就係食烤肉、刺身、熟食放題!包羅萬有!總有一個類型吸引到你嘅食慾😌入座已經見到多款醬汁同用具,都非常齊備👍🏻而且非常乾淨企理,一啲油膩感都冇!飲品方面都有七款選擇,有酒類亦有汽水、茶類刺身方面,特別會highlight甜蝦,真係非常大隻、新鮮!赤貝亦都非常爽脆!三文魚及吞拿魚亦都夠哂厚切!壽司方面有自創嘅黑松露蝦壽司,而經典嘅花之戀......等等都冇缺席到!燒肉方面有和牛、牛舌、牛裡肌、牛粒......等等亦都有唔同嘅口味!喺面前咋咋聲地燒,油脂既香味立即充斥住整個空間😌燒雞翼當然亦都係必點item,當中有四種唔同口味!最欣賞係佢係單骨雞翼,比較容易燒到兩邊金黃,而唔會未熟!額外送咗四隻蠔,蠔肉算頗為豐滿👍🏻青甜嘅胡椒牛骨湯絕對係可以翻兜!可以去除食肉嘅油膩感!炸物方面會highlight榴槤炸彈,裏面非常creamy亦都重榴槤味,不過一定要小心熱😬
continue reading
今日同朋友去尖沙咀做運動,做完後朋友提議去食放題,推介附近有一間放題餐廳,有燒烤食物外還有日式料理食品,咁就一於去試吓。這間餐廳叫燒魂,位於尖沙咀漆咸道南57-59號金馬倫中心2樓,港鐵尖沙咀站P3出口,行幾分鐘就到,非常方便。餐廳內環境闊落,光猛乾淨,大部分是靠窗的卡座,令人坐得舒服,亦可看到街境,仲有個闊落嘅窗台位可以放包包。這間餐廳嘅放題選擇非常多,包括有騷肌牛皇、惹火豚后、穀飼鳥雞、潮流、揚物、壽司、火炙壽司、涼味沙律、野菜,令人食得開心,無論你想選咩食物,都能滿足你嘅要求。 我哋喜愛吃燒烤肉,首先叫燒肉吃,於騷肌牛皇就叫咗黑毛飛霜空降和牛、鮮蕃茄霜降和牛、騷騷牛裡肌、鮮蕃茄牛裡肌、汁燒安格斯骰仔粒。 而惹火豚后就選咗奥斯卡豚后肉、蜜運豚后肉、血池赤豚小排。騷肌牛皇嘅類別食品最好食,尤其是黑毛飛霜空降和牛,每片都好似雪花咁,油脂分布好平均,用嚟燒肉真係一流,啖啖美味。每片燒十秒左右已經岩岩好,吾會過熟恰到好處,牛肉質軟嫩多汁,食幾多都吾會厭。而惹火豚后同樣肉質都鮮嫩,有燒完入口即溶嘅感覺,仲有香濃嘅豬肉味。再叫埋黑松露雞髀菇、香草牛油冬菇、芝士翠玉瓜、牛油炒粟米、蕃茄薯仔和牛島冬、卜卜煮大硯來配合啲燒肉一齊食,蔬菜唔好以為唔好食,牛油炒粟米香噴噴,用油炸過後極香脆,裏面仲有青椒非常惹味,而芝士翠玉瓜大小厚薄剛好,輕燒一陣已經好快食得,唔會太乾,令人滿意,最特別有黑松露雞髀菇,兩塊橢圓菇仔夾住啲黑松露,夾埋醬料一齊燒又香又多汁,口感味道唔錯的,而卜卜煮大蜆真係滿多蜆的,仲幾厚肉,同時好夾煮腍咗嘅蘿蔔。任食燒肉外,我哋再選日式料理食品吃壽司、刺身和揚物,壽司叫咗花之戀、松露醬大蝦壽司、七味燒三文魚壽司,全部都好新鮮又鮮甜,尤其是花之戀壽司唔算好大舊,在食放題時如果大大舊都未必食得曬,花之戀壽司勁多魚子,好味好食。而刺身就叫三文魚同生蠔,魚蠔亦好新鮮,口感鮮嫩,味道鮮美,壽司和刺身都給人留下了深刻的印象。而揚物選叫海老天婦羅和蟹棒天婦羅,天婦羅好香脆,但又唔會好油膩,真係好食,飲品就點飲汽水和解茶來配合放題食物。燒魂值得推薦俾大家,令人食得好滋味,亦好抵食,店員嘅服務態度都唔錯,我下次都會再來放題。
continue reading
白色情人節同兩個友人去dinner, 大家無所謂入左呢間好似中伏嘅日式放題燒烤…包場!由於得一枱,所以店員招呼非常週到,慢慢講解推介,都幾細心。首先叫左d刺身,隻蝦大到手指公咁粗,好食!我哋黎左兩round, 仲有例牌三文魚,但係吞拿魚就麻麻。黎到燒烤,叫左和牛片、牛柳粒、唔同醃味嘅豬肉片、雞翼(開邊)、大菇、翠玉瓜、菠蘿、洋蔥。為左健康著想,就冇嗌嗰啲高膽固醇嘅魷魚墨魚之類啦。佢有蝦,不過食咗刺身蝦,又唔使食咁多蝦嘅…...生蠔到啦! 店員畀咗個計時器我哋燒完一面再到另一面,仲幫我哋開埋殼,好鮮味,好好食! 我哋仲叫咗啲小食,好似蕃薯波波、碗仔翅同埋炒通菜咁,都好夠食…...飽晒! 唯獨甜品欠奉,如果送埋雪糕就一流,不過而家都ok。我覺得以燒烤黎講,佢個火喉較得幾好,唔大唔細啱啱好,燒落又唔似啲韓式嗰啲咁成頭煙同一陣燒烤味。簡單黎講,呢間餐廳通風都唔錯。最後,埋單每人唔洗$380, 中規中矩。下次多幾個人就可以叫多幾款。
continue reading