10
2
3
Opening Hours
*Closed on Mondays
Tue - Fri
12:00 - 15:00
18:00 - 23:00
Sat - Sun
12:00 - 23:00
Above information is for reference only. Please check details with the restaurant.
羊排十成熟,豬排似柴皮,心太軟無朱古力味,d流心朱古力仲係咸的同waitress講完走左去無反應, 再追問時佢就答:廚師話無問題喎!佢當無事發生,完全唔洗同客交代 其實上一次已非常差,今次想比多次機會佢, 但極度失望,不會再來!
continue reading
其實見到事頭婆一把年紀仲要睇住間舖咁辛苦，有啲唔忍心狠評，但啲食物實在好唔掂 ﹗佢真係要同廚房大佬好好研究研究，想想解決辦法同要自我增值一下呢 ~一早已訂左枱，以防無位啦，點知去到只有小貓三四隻。我都花左一殷時間先搵到間餐廳，因為係無中文名顯示架 ﹗每一張枱都有支假蒸餾水呢，一飲就知係自家水啦，不過個樽又真係幾靚。枱上的小燈座裝飾，添一份浪漫氛，但我今晚主要係黎試食物質數的。忌廉蘑菇湯，是日餐湯。不覺有什麼蘑菇或忌廉味，只有好重既薯仔粉味，又無香味，飲落非常鞋口又杰達達，差 ﹗餐包，每人一片 ﹗？軟墊但無味，恰似白麵包。從未食過意大利餐廳係如此孤寒，正常應有幾舊架喎，可能我諗多左，其實依度係茶餐廳。侍應放低件包就走左，要我自己去搵橄欖油同黑醋，而且兩樣同屬低級貨式，差 ﹗啖口、太希，無香味。白酒忌廉煮紐西蘭藍青口，經典過經典 ﹗話說係我落單既時候，老闆娘奇怪地特意強調青口腥腥味，您地食過未？可能食唔慣喎，無得退貨架。我心諗我從未食過會有腥味既青口喎，佢會唔會只係講緊海鮮既味道呢，咁當然我好安心照樣 order 啦。當放入口既時候，發現原來老闆娘口中所講既腥味其實係嗅味 ﹗有無離譜啲呀 ﹗海鮮既腥味同嗅味都分唔開，點做食肆架？點做廚房架？陣嗅味免強頂得住，咁照食啦，直至食到舊嗅到吐出黎想嘔既先完全放棄。青口不單止嗅，而且質地非常霉爛，並不是食評中所講既軟腍，完全無靚青口應有既彈牙感同鮮味 ﹗超超超劣，可以講句千奇絕對唔好 order ﹗白灼翡翠螺配辣汁，辣汁算罷啦，不香不辣，味道既寡又低沉，滴幾滴鮮檸還好。其實係第一次食熱既翡翠螺，一般做法都會冰鎮，有啲餐廳仲會用白酒浸過添。新食法，不過大失所望 ﹗白灼令質感好靭而且好鞋口，無左冰鎮既彈牙嫩滑感覺，所有鮮味都灼走晒 ﹗好難食。龍蝦汁海鮮扁意粉，又係藍青口，見到都怕怕 ﹗依兩隻青口係凍架，都係有點嗅，不過無頭先既頭盤咁嚴重。另外仲有煙三文魚，現成外購，無需講。兩隻炸過既蝦碌，還可以啦。到主角既意粉，港式口味，扁意粉過腍，完全無嚥靭彈牙滑溜既質感，龍蝦汁只有淡淡蝦味但無正統龍蝦汁既香濃味道，完全唔似龍蝦汁，而且不香不滑，質地太厚身。依個時候又係要辣椒仔同黑糊椒救亡既時候，最後終於可以全部吞下。唉，差差差，嚇死人咩。芝士煙三文魚薄餅 8 吋，到底咩黎架？﹗我形容為隔夜通風餅乾 ﹗一見到個樣即諗點解啲煙三文魚係鋪係面既？莫非一早焗定晒個芝士茄汁餅底放係保溫爐，當食客 order 咩料既時候，就咁放上去就算？唔係咁架麻 ﹗第一啖咬落去，我當堂呆一呆，定晒形 ﹗個餅底通左風呀？腍劈劈既，仲只係微暖，絕對唔係新鮮出爐，好似食緊冰鮮 pizza 微波爐翻熱，頂 ﹗古怪既唔新鮮茄汁酸味，加埋無味芝士，救命 ﹗又要出動辣椒仔同黑糊椒，但係都救唔返，食左兩啖，放棄喇，救命呀 ﹗黑松露醬炒什菌，想食炒菜，但只有炒椰菜及炒什菜，心感太普通，所以試試個什菌啦。黑松露味道未算突出，簡單一碟小炒最正常，食什菌天然味道同質感，過得去啦。Tiramiso 提拉米蘇，超甜不滑，本人不多吃甜的。柚子蜜梳打，為何支管又粗又大，似用黎飲珍珠奶茶，令我即時聯想起周星馳係食神中所講飲管有咁大支得咁大支 ﹗啲冰有咁大舊得咁大舊 ﹗等啲人拿拿臨飲完就好走喇 ﹗為何唔比支棒我啊，啲柚子蜜黐晒係底，用飲管搞唔起喎，服務真係麻麻。
continue reading
來到朋友的心水餐廳吃午餐，名不虛傳，果真值得給它一個笑臉。我們吃了～凱撒沙律($60)：蔬菜新鮮爽口，可惜份量太少了。檸檬忌廉汁鮮藍青口($100)：那個檸檬忌廉汁非常開胃，令青口變得更嫩滑，不會嚡口，是我推介的美食！黑松露醬菠菜雲吞($80)：又一令我印象深刻的菜色。雲吞小巧精緻，菠菜味不算濃，重點是那黑松露醬，感覺不會膩。蒜茸香草炒雜菜($60)：除了黑色的蘑菇，還有紅色的車厘茄和綠色的瓜，賣相不俗，加上剛炒好，傳來陣陣的蒜茸香，果真是色香味俱備。芒果焗魚柳飯($80)：單看見面層的芝士和橙黃色的芒果，我已食指大動。芒果很甜，魚柳很滑，佳！海鮮意大利飯($90)：賣相見用心，飯可選軟或硬，我們選擇了吃軟飯，加上白汁令飯黏黏的，質感不錯。至於海鮮則比較少，青口只有一隻，另有少量算新鮮的三文魚和蝦肉，但以這份量，實在不能令我吃飽。總結而言，感覺煮意的食物有質素，價錢合理，我會再去光顧。
continue reading
一心駛入大尾篤找意大利菜, 聞說是有一家不錯的口碑, 在毫不知情的情況下, 隨便進了其中一家意餐, 反正不對的話, 下次可以再試另外的, 所有今次'膽粗粗'一試 Diner Cuisine只是一般的湯, 有點兒太鹹, 但不等於濃.... 跟湯的包是冷的, 完全沒有被烘熱過, 加上沒牛油或蒜蓉, 很過分呢!很脆的洋蔥圈, 薄的炸皮, 不錯!唯一超讚的一道菜, 非常好肉質的青口, 很嫩滑, 沒有太臭的海水味, 忌廉汁帶點檸味, 不錯的配撘, 讚!意粉不是煮得很軟, 但是熟透的, 肉醬不美味, 有點兒像現成罐頭肉醬, 連帶一些不新鮮的味道, 很難令人再點下次!超熱超脆, 吃了很久還是熱騰騰的, 芒果很新鮮, 雞肉不多, 沒什麼印象, 咖喱汁不是太濃, 只是有點香而己軟身的意大利飯, 少許煙肉, 不算太突出, 吃下不會太飽膩, ok之作!服務一般, 侍應們不很全面, 欠缺記性, 絕對有改進空間!
continue reading
好友相約到大尾督吃飯，她想吃美味的豬手，可惜她忘記店名訂錯位，我們WALK-IN也有室外座位也尚算好彩。店內的職員都頗COOL，其中一位年青的女侍應較友善。 豬手我們先叫豬手，沒想到需等候55分鐘。味道OK，個人覺得好似咸了少少。凱撒沙拉味道不錯，還有加了似是蕃茄乾的東西 (相片中的沙拉已被我們吃了少少)藍青口感覺是新鮮又嫰口，我們覺得讚的一道菜 8吋PARMA HAM PIZZA味道OK，好友覺得皮有點硬
continue reading