51
16
4
2-min walk from Exit A2, Sheung Wan MTR Station
continue reading
Introduction
The cafe is creative in the matches of ingredients. For example, the mangoes in the quinoa salad are seasoned with black pepper and chili powder.
continue reading
Opening Hours
Mon - Sun
08:00 - 17:00
Above information is for reference only. Please check details with the restaurant.
Recommended Dishes
上環禧利街咖啡店—良心Cafe Why50#跪玻璃系列🥺早排食完之後，一直都未出食評，最近得知Why50只營業到10月尾🥺 有興趣快啲呢一兩日去食、去Chill，去支持下呢間高質Coffee Shop! 餐廳好近上環地鐵站，五分鐘左右路程就到！小店環境空間唔大，座位唔多！食物以健康食材為主🥗.先講下點解呢間Coffee Shop叫Why 50:唔知大家知唔知一杯標準咖啡大約要用幾多粒咖啡豆嚟沖？答案就是50粒。而背後意義係: 用50粒豆做一杯咖啡，一日究竟用左幾多粒咖啡豆，要農夫們去採收，用黎滿足我地快樂？.講番咖啡先，呢度既咖啡豆用多地既單品咖啡豆係澳門🇲🇴做烘焙，配上雙頭 Slayer 咖啡機，沖出黎既咖啡味道更強！我真係好鐘意呢間嘅咖啡☕️，不但香濃，而且口感層次突出，真係有回甘！.📌 Latte $40拉花靚已經贏左一半🤭奶同啡既比例同份量剛剛好，少少苦味，帶微酸👍🏾.📌 Iced Mocha $45唔會太甜，剛剛好，夠凍但飲到最後都唔會溝淡個啡！.📌Hey Char Siu $94超級好食😳 一定要嗌！一定要嗌！一定要嗌！(重要嘅嘢要講三次) 原本諗住Cafe食叉燒邊有好嘢呀😌，實係俾d又老又乾既叉燒我食啦，點知#再跪玻璃系列😂 每舊叉燒都切到大大粒一口叉燒，少少焦香脆口帶點炭香味，仲要係半肥瘦蜜汁叉燒，肉質軟腍有咬口😭 我錯了！配上勁滑勁多既炒滑蛋，有濃濃既蛋香味，洋蔥🧅香腍，增添層次！而麵包係用左厚切sourdough，烤至脆身，但包身因為舖上滿滿既滑蛋同叉燒，令麵包質感變淋，但依然食到sourdough既酸感！估唔到叉燒crossover sourdough又幾好食幾夾喎🤔.📌 50 Brekkie $112 朋友就叫左呢個50 Brekkie，我試左一啖，同樣好好食👍🏾👍🏾👍🏾 配料包括炒滑蛋，牛油果🥑，三文魚，Sourdough，Ham，雜菇，沙律菜！樣樣材料都好新鮮，而且味道好夾💕.總括黎講，Why50係一間好有質素既Coffee Shop Cafe, 不論咖啡定食物都好有質素！呢兩日知道Why50要結業，內心真係覺得好可惜好愧疚，想試既話，呢兩日一定要去啦，買杯Take Away ☕️ 都好呀🥺希望佢快D 重整旗鼓，新舖再見😭
continue reading
-🦄WHY 50 COFFEE @why50hk-“50” BOWL Hkd88Rating🌕🌕🌕🌑🌑-⚠️此COFFEE SHOP營業去到10月尾🥺⚠️所以如果大家有興趣想食就要快啲喇🤭⚠️仲有最後一星期 詳情請參考佢嘅嘅IG😜-其實我好耐之前都已經知道呢間COFFEE SHOP☕️只係一直都冇計劃去 始終屯門同上環有一段距離🤣不過當我諗住去食嘅時候 就知道原來佢哋就結業😨個陣都有啲驚訝😦不過好好彩係佢哋結業之前可以食到一次😂當日去到都幾早大約12:30左右又好好彩咁可以有位坐🤤🤤基本上都FULL左9成-COFFEE SHOP同上環地鐵站🚉係好近👍🏻行大約少於5分鐘都會到 雖然店內環境唔大🤭但依然會坐得好舒服😌今次我就叫左呢個50BOWL係一款純素嘅沙律碗🥗所以純素嘅朋友仔有福了👻50BOWL有一大堆嘅KALE🥬做BASE🤤啲KALE全部都十分之新鮮😳😳顏色好翠綠👍🏻唔係我平時食開啲深綠色嘅KALE 可能其他品種掛🤣食落口都好爽脆 再配上少少調味醬料就唔會好乾🤭另外仲有少量鷹嘴豆同埋QUINOA😗真係好少量😂所以其實呢個BOWL好低碳 減緊碳水都可以食👍🏻雖然都仲有啲番薯🍠番薯都係好好味😋😋我自己最鍾意食連皮嘅番薯🍠咁樣食其實仲有營養但如果番薯甜啲就好了🥺而家呢啲天氣食...🤤🤤另外面頭仲有啲SUNDRIED TOMATO🍅其實又幾好食架喎👍🏻💗係令到呢碗沙律嘅層次昇華酸酸甜甜咁都幾開胃😜食材嘅配搭係唔錯嘅👍🏻不過其實你問我😌我就覺得份量有啲少🤭如果可以大碗啲 咁Cp值又會再高啲😗而家咁樣我自己就略嫌有少貴 始終要88蚊🤔不過你可能話上環區係咁架啦🙃Er...又係嘅😌-大家如果有興趣嘅話😂仲有一個星期嘅時間🤣去食下CHILL下支持下呢間COFFEE SHOP都可以😗-
continue reading
呢間cafe係同事力推，黎之前都已見到好多好評，果然冇令我失望😚叫左佢地signature dish “Avo Salsa Tartine （w/ salmon)”，一上枱記就「嘩」左聲，真係好大份！好足料！麵包好似選用左酸種麵包，舖滿左牛油果醬，上面有炒蛋同煙三文魚，再以salsa (蕃茄碎、芒果碎、洋蔥碎）做toppings，酸酸地好開胃😋 今次飲品就叫左熱朱古力，開頭以為會好甜，但原來一d都唔甜，飲得出係用左靚既朱古力粉🍫朋友都話好唔錯，有驚喜～Cafe 環境係行工業風，座位寛闊，坐得好舒服，岩曬同朋友吹水，絕對值得幫襯😇🔸🔸🔸🔸🌟價錢 - 6/10 🌟回頭指數 - 8/10
continue reading
每次行過禧利街都會畀佢地門外嘅壁畫吸引，上個月終於同朋友一試，估唔到早幾日見到佢地ig話要暫別上環，之後公司附近又少一間環境唔錯嘅良心咖啡店，希望喺餘下幾個星期大家可以多多支持。雖然佢地都係賣toast，但材料配搭上幾有心思，相信唔少人都喺ig見過中西合璧嘅Hey Char Siu，不過今日我地就試左另外兩款，lunch set 加$15-25可配飲品。🍽 Avo Salsa Tartine見menu 寫住Why 50 Signature Dish 梗係要試下，Tartine即係open-faced sandwich， 包上先搽上牛油果蓉，再鋪上嫩滑嘅炒蛋、惹味嘅番茄芒果莎莎同我地揀嘅炒蘑菇，視覺上非常滿足，唔好睇佢細細件，食落都幾飽肚，可惜放上炒蛋令包身較濕，食落時口感較淋。🍽Mr. Cubano呢款係pressed sandwich，餡料有手撕豬肉、火腿同芝士，材料平實但味道有驚喜，麵包非常脆身，手撕豬肉唔鞋口，個蜜糖芥末醬係個包嘅精髓，我同朋友都較鍾意呢款。☕️Latte/ Cappuccino飲品我地揀左最普通嘅奶啡提提神，latte 嘅拉花好靚，苦味比較出，帶少少酸味。
continue reading
經過Why50門口很多次 但遲遲找不到機會去 今次食完真的後悔沒有早點到訪🥺 食物質素挺有驚喜💛但呢兩日知道Why50竟然要結業了 內心真係覺得好可惜如果大家想去 就記住捉緊最後幾個星期到訪除左signature的包類 仲有veggie的選擇Weekday 12-2pm 仲會有提供lunch set 加$15-$25就有埋飲品 價錢實惠好多！.🔸Avo Salsa Tartine (w/ mushroom) $98🔸Tartine其實即係開放式三文治 上面鋪了滿滿的餡料 十分賞心悅目麵包相當易切又易咬 質感偏軟熟包用了avocado spread鋪底 上面有炒蛋同蘑菇 超豐富.🔸Hey ‘Cha Siu’ $94🔸超！好！吃！屬於必點☺️每一粒叉燒都均勻地沾上了蜜糖 味道剛剛好另外肉質肥瘦適中 十分軟焾 個人真係超鍾意！.🔸Matcha Latte $45 (+$20)🔸🔸Rose Green Fruit Tea by mug $50 (+$15)🔸Matcha latte 入口順滑 甜度亦剛好 挺喜歡的！Rose Green fruit tea 真係真材實料超慷慨有好多茶葉 並唔係用茶包咁hea 仲有得refill熱水！.係度希望Why50盡快重整旗鼓 有機會的話新店再見啦☺️
continue reading