47
77
111
Opening Hours
Mon - Sun
11:00 - 23:00
Above information is for reference only. Please check details with the restaurant.
Review (260)
前言得閒無事去深水埗玩，咁岩行過西九，見到呢間餐廳居然未執，就好似見番以前嘅朋友一樣，一諗起以前同佢嘅點滴，心中不禁勾起一陣甘苦嘅思緒，所以毅然決定入去食番一餐，回味一下。以上全部都係尻UP，純粹係同朋友黎到，想逃戰下D野有幾難食，諗住大家知難而退，點知各自都鐵頭而引發嘅悲劇……食物炸物、甜品壽司D食物質素我就唔多講，有相為證，係睇到都唔想食嘅等級，而你一入口就會直接感覺到無需解釋嘅難食。尤其係佢D壽司，首先你睇到塊紫菜好似好濕好淋咁樣，唔好意思，雖然其實唔係好濕，但佢係比你想像中更加淋，軟淋到一個地步你係可以係塊紫菜度搵到咬口，係紫菜度找尋咬口你聽過味？當佢同埋舊飯一齊送落口，其實你係要咀嚼好耐先可以吞，非常之唔似食緊壽司。然後係壽司上面嘅配菜，果塊章魚真係唔講得笑，本身係已經無味，食落去塊章魚係極度煙韌，加埋岩先講嘅紫菜，二個buff加強左壽司嘅咬口，令到要吞呢塊壽司要更加長嘅時間。三文魚係有小小接近臭嘅邊緣，已經唔係好唔好食嘅問題，我當日食完無肚痛都算係咁。其餘野都係水準之下嘅難食，最好食居然係D有小小汁嘅壽司，因為佢起碼有D汁調味。另外D泡菜同甜品，泡菜係除非大白菜之外，其他全部都無泡菜嘅感覺，至少可以話係唔會令你開胃，而且大白菜都係有陣味。甜品應該都係入貨，正正常常，所以反而係OK，之不過果個綠茶布丁都係完全無味。環境當日我係大概兩三點黎呢間餐廳，加上係星期三，所以係非常之少人，雖然我唔知平時又或者午或晚市會唔會多人D，不過我係非常之鍾意人少少又無咁嘈雜嘅地方。而且佢果間格係比較寬闊，唔好話同普通放題或者燒肉比，就算係同冰室比都係嬴，而且張台都係夠哂大，活動空間係VERY OK。雖然成間餐廳嘅設計可以話係好隨便，尤其係幾乎全黑色，D台台凳凳清一色嘅材質，就好廉價嘅感覺，但本人非常非常喜歡比較暗嘅環境，對於我黎講反而係加分項。同朋友雖然食得唔係咁安樂，但至少坐低吹下水傾下計，係呢度反而係高水準。清潔程度我認為可以，最起碼無咩油。當時雖則當時客人好少，但係服務員亦馬不停蹄咁清潔，我諗呢個係當中一個原因。價錢明將出名係咩？除左難食之外當然係佢嘅價錢，七十幾蚊嘅任食，你全香港都搵唔到幾間啦係咪？七十幾蚊其實好多時候你係茶餐廳都係食呢一個價，雖然大部份茶餐廳係好食過佢，但呢一間野淨係以坐低靜靜地思考下人生黎講，都明顯比其他同價餐廳好啦。尤其係而加D茶餐廳有幾唔好禮貌，D野食有幾行貨，香港人心中有數……結論如果問我推唔推薦，我係完全唔推薦，因為D野真係太難入口，但如果無地方坐，想有小小玩味可以黎因為呢間雖然係難食，仲要係都幾難食，但我同朋友作為尋樂過黎食飯，居然係會有一番滋味
continue reading
今次好搞笑咁黎左依到食野,不過大家都明白依到出名在D咩,所以都唔洗多講喇。一坐低,好好咁佢就比左每人一個茶包我地，斟水個位就每枱都有既,不過要小心D,因為好易就禁得出水,講下壽司先喇,其實都唔係話想像中咁差既,不過搶手既壽司唔會成日有,不過可以叫既, 首先就試左依個肉鬆壽司同肉鬆小卷最夠味,依個都唔差既,起碼正正常常,不過唔得既就係暖。之後就叫左幾個三文魚壽司，三文魚真係薄到傻，食落只係好似一舊飯放落口咁,之後八爪魚,螺肉個D都算正,可能係因為黎貨所以唔係太特別,另外就依個炸帶子壽司,不過其實賣相算係幾靚,金黃色都算炸得幾好,不過口感有D奇怪,唔太似帶子,因為唔太夠彈口,所以食落唔太好食,總睇黎講又唔係話想像中咁差既。
continue reading
其實好耐之前已經聽聞西九明將呢個大名, 可能愈係神秘愈想去食嘅心態底下, 終於搵左幾個朋友一齊挑戰!但入到去有小小失望, 因為我睇到餐牌冇左傳說中嘅紅豆軍艦...芝麻八爪魚壽司 - 一啖食落去其實冇乜嘢, 只係啲飯淋得嚟唔知食緊乜, 八爪魚都仲可以接受, 只係點埋個豉油, 真係有小小難食. 個豉油係超級咸!肉鬆壽司 - 除左壽司飯係熱之外, 整體都唔錯蟹籽沙律壽司 - 簡直係西九明將嘅名物, 最小令我飽肚海鰻壽司 - 有小腥但都入到口, 而刀功非常好, 可以切到勁薄身嘅鰻魚雜果沙律壽司 - 呢個暖同凍嘅感覺, 令我好矛盾..醋鯖魚壽司 - 我一睇就知佢殺傷力大, 所以我第一時間係用個鼻索下咩味道...一索已經想嘔(唔係講笑), 但入得嚟當然要食嫁啦, 結果我閉氣咬左一細啖,但真係吞唔落口...食果陣眼水差啲都出埋嚟, 飲左成杯水都係仲有果隻味...
continue reading
年頭已想辦的明將劣食團，輾轉數次終於組好團在今天成行，我們一行十人十二時左右來到西九龍中心名店，當初怕多人要等候的顧慮是完全多餘的，因為正值午飯時段的店裡入座率只有兩成。正如我昨天還專程撥電話到明將（身位活動PIC的我是希望各位團友有賓至如歸的感覺，所以排隊當然是可免則免）問會否常有滿座情況，電話裡的阿姐說：「依排天氣凍，無乜人黎食架啦，一定有位架啦。」我喜歡她夠直接。我們坐的是一張大圓枱而非迴轉帶的Bar枱，點單是更方便但我懷疑有很多奇珍異寶是只有迴轉帶上才會出現（例如服務員所說的啫喱壽司，但我們特地找過是看不到的）最遺憾的當然是聞名到日本去的紅豆軍艦早已成絕唱，這個大佬我可能是永遠也打不到了。第一件放進口的是我素來喜愛的三文魚壽司，飯當然也不是用珍珠米，只是有醋味的白米﹣而且是暖的，三文魚吃不出沒甚麼味道，但慶幸至少沒有縮味。然後是本人也十分期待的，貌似嘔吐物的吞拿魚沙律壽司，沙律醬下得太多變得很稀所以是真的有嘔吐物的質感，而且和暖飯是零匹配但還是吃得下的，而且它讓我想起家裡姐姐弄的吞拿魚沙律三文治原來已很美味，至少她於調教沙律醬分量上比明將還好。除了一般壽司店也能看到的選擇外，較為特別的還有雜果沙律（雖說是沙律但仍一致地呈暖的）、蛋沙律（這竟能成為某數個團友的喜愛）、粟米沙律（同上）、炸多春魚、炸魷魚鬚、魚翅海蜇、 肉鬆壽司等等等等。每件壽司飯普遍來說是一夾即散，幸運的話每十件當中有三件的紫菜亦是真心脆口的。而前人一些食Blogger曾論述的兩舊壽司的紫菜會黐在一起的情況亦會出現。總括來說，你說是否難吃到登天又不是，但整個過程當然說不上有任何享受的。本著前往破地獄心態的我們著實是有點失望。（但副大佬仍是能遇到的，就是那個醋鯖魚壽司。魚腥味滿瀉的味道是被大家一致認為是當日難吃之最。）最後團友們說要為明將來個大平反，因為它其實也沒大眾所吹噓為如此難吃，我是認同的，說到底人家也只收你50零蚊還要任吃也不能諸多要求了。但我想明將也樂得繼續成為話題食店，亦不需要大眾為其平反，因為這可能也是他們得以迄立不倒至今的其中一個原因。
continue reading
在西九龍中心呼喚愛-10年後再來明將打大佬今日為咗多謝友人之前幫手拍短片..專乘請佢試食大佬中嘅大佬明將深水埗…呢間嘢我早喺2003年幫襯過…..當年以平靚正39蚊任食作招徠….當年仲好出名好食好味有創意…...佢地名物係天婦羅壽司…..仲好正架十年之後嘅今日再嚟….裝修格局完全零改變! 超勁…..殘~~~~食物水準亦都直線下降….十年人事幾翻新….明晒~友人係有錢高尚人…未食過粗嘢 + 未嚟過全香港最多窮J嘅TST!為咗比佢體驗一吓平(難)民美食…..所以簡咗呢度…食咗乜?先嚟梗係打大佬啦…先嚟一味"紅豆軍艦"……………..(前) 紅豆係一粒粒嘅…至少唔是一PET PET….撈咗啲白色甜練奶….一個字…怪…兩個字…好怪(後) 粟米沙律軍艦…好似過咗期咁….出哂水….甜蝦壽司…嘩…一條毛再粗多啲啲。飯唔酸~代表無變壞~正~腐皮壽司…..好硬好苦……又係差中之差…玉子壽司….無味但夠厚…三文魚壽司就….好Q肥….咬唔開總結:紅豆軍艦反而係最有驚喜最好味嘅…唔好Expect 啲waitress有服務啦….所有壽司都係熱嘅….p.s對面個女仔食得咁滋味….ER…..呢度唔會執笠嘅….總有捧場客!!!!!仲有中華沙律….無影…亦都唔好味蟹子壽司..又幾好味喎…比爭鮮都係差啲…..小喵的(不)專業食評 以★★★★★為最高分 ／☆☆☆☆☆ 為零分好味道：★★☆☆☆.....啦抵食度： ★★★★☆.....好抵食....環境：★☆☆☆☆ 好殘舊十年以嚟….裝修格局完全零改變!服務態度：★☆☆☆☆ 冇～衛生：★☆☆☆☆ 成間餐廳好黑.價錢：一人８０蚊以下連加一
continue reading