95
62
62
Exit E2, Mong Kok MTR Station/ Exit B, Mong Kok East MTR Station
continue reading
Introduction
Pancake Colours 由上樓café 轉形至兼營餐廳及酒巴的新派西餐廳，裝潢以維多利亞時期的英式風格。包場服務多元化，多年來舉辦無數大小派對包場活動；店內設多部大電視，還提供多款雜誌、多達 60 多款 Board Game 及免費無線上網服務。
continue reading
Good For
Group Dining
Private Party
Casual Drink
Opening Hours
星期日至四: 11:30-02:00; 星期五、六及假期前夕: 11:30-03:00
Above information is for reference only. Please check details with the restaurant.
Signature Dishes
Review (232)
Pancake Colors旺角店最初設於旺角道電盈2樓，喺前往火車站既天橋會看到的，該處人流暢旺，幫襯此店既人自然也多，不過勝在地方大，所以等位唔會太耐。搬到現址後幫襯還是第一次，一出電梯，老公以為還未開門，餐廳黑漆漆的，行至正門看到有食客在內才確定店在營業，餐廳佔地全層，地方仍是很大，裝修跟以前也差不多，主要以仿Designer Chairs作賣點，不過新店相對失色，大部份既櫈外形差不多，更多是像宮廷椅，大大張，是以窗外陽光都給遮蔽了，而且櫈很殘舊，老公更話餐廳格局像跳茶舞呢！hahaha餐牌跟以前沒多大分別，食物選擇依然超多，幫襯既時間既有午餐﹑也有下午茶餐，下午茶餐分甜食及鹹食兩大類，鹹食多以三文治﹑德國腸仔餐那些輕食為主，甜食仍以舊時兩類班戟作主打，即美式及法式，美式即我們常見既熱香餅，而法式則為Crepe，我們每款各點一客，分別為天使魔鬼美式班戟及香蕉法式班戟，各$39(+10%)，包一杯指定飲品，老公點了冰低糖綠茶，我則點了熱檸檬錫蘭紅茶。等了一陣香蕉法式班戟隨飲品先來，賣相很不錯，班戟卷一開二打斜置放，中間放一球雲呢拿雪糕及幾片香蕉，上面淋上朱古力及焦糖醬，相當討好，讓人食欲大開。香蕉﹑雪糕味道沒有驚喜是預計之內，所以注意力全放在忌廉班戟內，是的，眼看班戟裡只得厚厚忌廉，一些蕉肉也沒有，讓人有點失望，班戟皮厚實，而忌廉只集中在班戟中間，故頭尾兩邊要靠外置既雪糕及香蕉同吃，這家餐廳所做既猶如茶餐，故我不應將佢來跟正宗的 Crepe相比，這樣感覺會好一點。跟著天使魔鬼美式班戟來了，賣相嘛，這裡其實真係幾黑，故以Oreo餅碎作主要裝飾既美式班戟看上去好暗...近看還好，白雪雪既雲呢拿雪糕放在小圓餅上，除了餅碎，還有早餐用既朱古力脆米元素作配料，有點後悔沒多口問可否改雪糕口味，本人確實不愛雲呢拿雪糕，尤其係平價貨。吃完剛才的法式班戟，本來對這個美式班戟不存期望，吃一口，熱香餅暖暖的很鬆軟，粉漿調味得宜，甜度適中，Oreo餅碎及朱古力脆米增加香脆口感，配雪糕及朱古力焦糖醬同吃超好味，當然，我唔排除第一度甜品既失望反映襯這美式班戟的好。整體而言，這裡食物質素一般，價錢算是合理，服務麻麻，環境嘛... 仍是覺得燈光不夠，讓人眼睛疲累，要不是樓上茶木人龍太長，懶惰既我倆也不會考慮摸黑吃茶餐呢！
continue reading
都記得係幾年之前，我同我女朋友第一次約會就喺呢間餐廳。都4年幾前啦，當年我地貪呢度啲枱幾靚，又黑媽媽有情調先入去食。可惜當年啲野食認真一般，我地坐左冇幾耐都走左啦。4年之後，約左朋友星期六出黎食飯。大家都知星期六度度都係人，冇book 位機本上好難食到飯。我同朋友膽粗粗提議不如去金白利行一轉啦果度多食肆，第一張接到既傳單係邊間就去邊間啦。點知一接就接左當年同女朋友去呢間餐廳啦。睇睇個餐牌都同我以前同女朋友食果陣好唔同啦，啲相仲好似幾靚幾好味咁添。今日連埋我同我朋友一共有三個人，順理成章係叫三款野食share。由於本人對是日餐湯冇興趣，所以只將兩款野食升級做餐；我要野飲我朋友要湯。先講講個湯，睇落色水唔錯架。 Waiter話是日餐湯係南瓜忌廉湯，但我朋友話飲落根本冇咩味，似粟米忌廉多過南瓜忌廉湯好多。而且湯入面係冇料的，唔似出面啲餐廳有一粒粒粟米或磨菇，令人聯想到會唔會係開粉。之後上枱的係墨魚汁意粉。咦！點解同個圖完全唔同嘅？黑色一堆野咁，上面得幾條綠菜@@個意粉味道唔錯，幾濃墨魚味，亦都爽口彈牙。但入面啲墨魚有少少咬唔開嘅感覺。個意粉唔夠熱呀，個熱度keep得唔耐。希望餐廳注意返啲菜起左就唔好放太耐先端俾客人啦。羊肉不嬲都係我鐘意食既野，今次同朋友食飯都唔例外、叫左羊架。好好彩地羊架剛剛好有三條，咁就唔洗煩點同啲朋友分啦。啲配菜好新鮮啲蕃茄仔同椰菜唔會「淋字字」。通常一般西餐廳都係會問要燒汁定要黑椒，呢間雖然唔係正式西餐廳，但都係問要燒汁定要黑椒汁，我地簡左燒汁。個羊我地簡左7成熟，咬落有肉汁同唔韌而且冇咩「羊so味」，但三舊入面有一舊有筋 ;(我咁arm食正果舊><。最後介紹嘅菜式係個pizza，真係好有自家製感覺。但係我feel唔到入面有菠蘿，其他方面、例如啲味道、配料等都冇咩特別，所以就唔特別講。(賣呢個價錢唔太值;<)不過我反而幾欣賞杯野飲;>叫做Oreo可可米咖啡。啲oreo粉同可可米個味好夾得黎，令到原本苦澀既咖啡有朱古力香同甜，唔洗落糖都好好味架啦。
continue reading
一入去由帶位開始 啲員工塊面已經黑過墨豆 無服務可言 我叫左2個小食 我食哂檯上面既野佢都無黎 叫個侍應話啲野未黎 就「哦」一聲算數 過多十幾分鐘 我地就走去同個侍應d野食仲未黎 叫佢未整一係cut左佢 佢又係一句野都無講 要我地問佢係咪cut左 佢先話係 最後我地想打牌 但無人汁野 舉極手都無人理 但見住啲侍應們勁hea 有個仲要帶埋條女黎係度咀 講到呢度我地當時係超嬲 就將啲野食放地下 之後同條女錫果個侍應見到就走過黎問咩事 就開始嘈起上黎話要收清潔費 一個侍應唔汁野返緊工同條女係度咀 間cafe發生乜能野事？ 啲態度仲要食左屎咁 嘈果啲真係唔想講落去 講到2046 只係勸大家食之前諗清楚 無咩都唔好去呢間cafe 野食貴 無服務 態度差 你食完包保你一肚氣
continue reading
我同個fd點左海鮮意式燴飯同卡邦尼蛋汁煙肉意粉。我第一次食意式燴飯會有陣印尼炒飯味同中國蒜味，完全唔似燴飯，好失望。但卡邦尼蛋汁煙肉意粉就幾好，d蛋漿包住每條意粉，加埋濃稠但又不膩既芝士，非常惹味。飲品都幾大杯，但加得比較多冰，沖淡左peach green tea既清香。
continue reading
記憶中此店已開業多時了，光顧是第一次。事緣朋友仔生日，晚飯後轉場吃甜點。佈置很華麗，有點過火，古堡crossover暗黑? 其實算有特色，其實是....我老了。趕回家關係，快快手點了三份法式pancake，香蕉，朱古力，芒果(就是很大路的口味)悄悄找店員安排在pancake上放生日candle，真的有安排，抵讚。味道方面，三份除了配料和雪糕外，味道是差不多的。外皮蛋味較重，薄薄的，配上忌廉巧克力醬，味道可以，但不算突出。吃過真正的法式薄餅，就回不了頭呢......
continue reading