79
73
39
3-min walk from Exit A1, Yau Ma Tei MTR Station
continue reading
Introduction
一間咖啡館的名字為何是呼吸？那是因為，能夠直達深處、顫動心弦，始於空氣。有人說愛上一個人是因為氣味，那麼，醇厚的咖啡香氣亦足以讓人迷戀上它，不是嗎？要是我們用心烹調的咖啡香氣，能誘至客人小口輕嘗、習慣，然後愛上；那麼，呼吸咖啡的香氣，飄向雜亂的街頭，是觸動客人愛上…..愛上咖啡的初體驗。如此簡單的過程，每天也重演著，亦不為過。
呼吸就是一間這樣的咖啡館，帶著不同的味道，留住不同的、匆匆過路的人。不同層數，分割成五個截然不同的空間。沒有奢華裝修，但裡邊一張唱片、 一張椅桌、一株小草，看似隨意擺放，那和諧的協調感，卻是店主一手一腳，悉心佈置。為的是讓客人駐足竭息，給客人一個屬於自己的角落，看一本書，聽聽音樂，見見朋友；又或許，令喜愛這裡的客人，有一天，會燃起動手建立屬於自已的咖啡館的衝動。
continue reading
Good For
Private Party
Additional Information
設有吸煙區
Opening Hours
Mon - Fri
13:00 - 18:00
Sat - Sun
12:00 - 18:00
Public Holiday
12:00 - 18:00
Above information is for reference only. Please check details with the restaurant.
呼吸咖啡茶館應該係好多人嘅舊回憶，歷久常新，屹立在繁華鬧市中嘅一處淨土。每次去都要搵下係邊條巷仔入先上到去😂同朋友慶祝生日，叫咗蕃茄芝士肉腸薄餅、玫瑰朱古力沙冰、檸檬汁煙三文魚冷麵、蜜糖焗雞翼、英式啤酒炸魚薯條、黑椒薯仔牛柳粒同煙鴨胸飯。我覺得玫瑰朱古力沙冰係必點！少不免都要叫件cake慶祝下嘅我覺得餐廳改名改得好好，顧名思義係比你「呼吸」一下，係到放鬆下。地方揀得好，自成一角，間唔時就想去幫襯下
continue reading
我們二個女仔，搵地方傾計，咁岩上到黎依間，裝修行古舊風，都幾好feel,叫左一個主菜，素肉溫泉蛋carbonara意粉，點知黎左個煙肉carbonara...😓😓我朋友係素食者，那就尷尬了😂😂因為一個意粉都等左10-15分鐘，雖然好食，但的確有d奈😂一路傾一路等都ok,但要等多次就……不要不要了😂Pizza就一般般，個餅底濕濕地，好似未焗熟咁，但上面d料同芝士係足既，最後原來一個人最低消費一杯野飲😂之後又坐多半小時😂
continue reading
平時諗起咖啡一定會係去咗高氏大廈。今日個friend話帶我去食好西，又去談下心於是就帶我去咗呢度，自從返工之後就好少去Cafe，估唔到都有驚喜，叫左一個意粉同一個飯，兩個都係內外兼顧，外表靚仔，又好好食，而且啲枱嘅setting好好，枱與抬嘅距離唔會聽到大家講嘢，呢一點係非常好！其實仲有戶外枱可以坐，不過可能因為最近嘅關係，暫時淨係開放戶外兩張枱，一樣咁好feel，唔覺唔覺傾吓講吓坐左兩個幾鐘，每人消費都係百零蚊，又唔使限時限刻😏又多個好地方可以見朋友😊
continue reading
自舊年23條、蒙面法及武肺疫情影響下，就算有幾好食嘅餐廳，根本無心情去寫食評！！！😩😞2020.7.1 立國安法第一天大日子，當然要響應去行街食飯啦！行足幾個鐘，最後同朋友走去旺角揾到尼間樓上cafe，真係堅正又好hea，坐足3粒鐘都唔趕👍👍 最緊要係個fd啱傾，次次都講唔停😁😁今日太攰但唔太餓，叫咗2個tea set1）牛柳粒薯角+蜜瓜綠茶2）瑞士雞翼+蜜桃蘋果綠茶（這杯忘記影相😜）牛柳粒煮得剛好唔嚡，焦糖化嘅洋蔥同薯角加埋蜜糖好夾好正，食唔停😋😋瑞士雞翼好入咪肉都好嫩生果綠茶好清新唔太甜還有果肉綠茶太好飲唔夠喉想再叫，最終每人再加多杯咖啡先滿足😬😬Mocha 有我最愛又邪惡嘅忌廉，第一啖感覺有點甜，但冰溶後就會好些。而面啡色果粒係咖啡冰（只此一粒），冰溶都唔會太淡，喜歡Mocha 可以試吓👍朋友果杯日式熱Mocha 都不太甜尼度仲有室外可以吸煙，啱哂一班有/冇吸煙嘅朋友一齊hea😎😎差啲忘記咗室外嘅馬賽克枱超靚好有特式，太攰忘記打卡😅😅
continue reading
平時都去開唔同嘅Cafe，呢間就比較特別啲其實近油麻地地鐵站，5分鐘路程就到。間野幾隱蔽，喺平時經過開嘅暗行仔裏邊。 入到去成個環境都唔錯，好寧靜同埋好適合傾偈，環境亦都好闊落，入去其實係食個環境嘅。 至於食物略貴，但個辣肉醬意粉雖然細碟，但個醬汁好惹味，而且都幾足料，有蘑菇雞肉煙肉。叫左個薯條份量足夠，大條熱辣辣。雖然佢冇配上沙律同湯，但個奶凍布甸真係幾吸引我，都幾大碗同重奶味。 最後飲品方面就有啲失望，咖啡太過酸，睇返網上比較多人推薦係飲朱古力味冰，下次再嚟實會叫番杯，變返個完美嘅晚餐。
continue reading