20
1
5
Opening Hours
Mon - Sun
11:30 - 22:00
Above information is for reference only. Please check details with the restaurant.
Signature Dishes
Recommended Dishes
大大碟，出相吸引。同時叫了鮮茄牛肉和鮮茄豬扒飯，朋友話豬扒好味過牛肉。亦嚐試了鮮魷干麵（我分左一部分給朋友試才記得影相😂）我覺得好好味🤤麵底十分鬆脆，最好咪係鮮魷，好彈牙又好大😋😋😋熟食市場位置海旁，吹住海風，涼浸浸好隨意
continue reading
一行五人遊覽住梅窩諗住大排檔會有好嘢食，咁就食咗呢間比較出名嘅順興。我哋叫咗個四人套餐再散叫一啲食物，點完餐阿姐都話今日出賽會比較慢因為好多客。咁OK啦我哋咪等囉，結果等咗一個鐘頭都仲未出菜，連套餐包嘅例湯都冇出。慢都唔係最衰，而係套餐本來有椒鹽賴尿蝦，但上菜嘅時候阿姐淨係掉低咗一碟白灼蝦，話冇晒賴尿蝦。但過程中冇職員同過我哋講冇賴尿蝦問我哋想轉啲咩，淨係逼我哋去接受嗰啲玩咁都冇嘅白灼蝦，而呀姐係聲稱有成一斤。總括而言，未試過食餐飯食到咁嬲不歡而散，永遠唔會再食。
continue reading
不建議食沒有禮貌，態度極差，不斷說明隔離店的不好😤😤😤叫了的賴尿蝦沒有到，又不說明，自行換其他食物員工方面溝通非常之差收每位$5茶錢但係一杯茶都冇😫😫😫感覺好差
continue reading
食物真心好食，但如果想出去又食得開心，覺得係呢度叫外賣會好少少....下面係我同朋友既親身經驗，有d長，有興趣可以睇下作參考。🤫------------------------------第一次去梅窩，行山前想食飽先去，去睇下嗰度既海鮮餐廳，咁啱兩間黐埋一齊，就係兩間鋪頭中間出面望門口既餐牌（後面無人排），企左一陣（5分鐘都無），有兩個阿姐過來，暫且稱為A及B，A一路踩對家一路攞餐牌推薦朋友，B「語重心長」同我講:「阿妹，你地粥粉麵飯就去出面嗰兩間啦，我地淨食抄野架咋。」如果你個表情唔係一個唔好企係度阻住哂既樣😒，我真係多謝你俾意見我地。事關我朋友仲同A睇緊餐牌，我當下只係微笑咁講：「我地睇下先。☺️」然後因為朋友聽唔到B講咩，同覺得呢間既套餐比較啱佢胃口，結果我地都係入去食。一路入，A一路罵對間餐廳幾呃錢咩咩....😣因為套餐入面有一個可以自由點菜（無寫價錢限制同邊類菜），所以我地問A，佢話可以點98蚊既菜，以上就要加錢。我地就開始睇餐牌，然後A一直盯住我地又嘈我地咁耐都未點，我地睇完餐牌就想點，但佢見到有人來就走開左。我地等佢忙完，就同佢講要點單，然後佢一來就話我地睇咁耐，咁遲落單。😕終於等到上齊菜，食既時候真係幾開心，因為都好好食而且好大碟！🤩🤩🤩🤩朋友食到差唔多，就想點個飯，所以想問價錢，點知又係A，我同我朋友問左好幾聲個飯係幾錢，佢好似完全無聽咁，直走去廚房攞碗飯出來，我朋友到佢「啪」一聲放左碗飯來，無辦法之下再好大聲咁問佢個飯幾錢，佢先答我地，聽完朋友唔想要碗飯，佢地開始好大聲罵我地。😔「你地要個經濟套餐就食快d啦，我地d蝦好貴架，你地俾咁平食！好多人等緊架，食得咁慢，坐咁耐，食快d啦！」我地由入餐廳開始計只係坐左30分鐘，我都唔係由d菜上枱開始計時，自問係正常既用餐時間，有必要要當着所有人面大聲話我同我朋友？（連對面既人地望過來既程度。）同埋個餐係你地提供既，員工對餐牌有意見係同老板講而唔係同我地講，如果A係店主咁都可以決定唔出呢個套餐，而唔係將個責任推俾客人。我朋友俾佢嚇一嚇，都想急急食完就走，我都覺得唔舒服，但無謂俾錢食飯都要難為自己個胃，於是都係叫朋友照正常速度食完，埋單（埋單既時候特登搵其他人，結果係B，佢幫我地埋單後，我都有正常咁講句唔該），走人。個人覺得菜真心好食，而且價錢好抵，但出來玩，都想開開心心食個飯，所以都係推薦唔落。態度呢d見仁見智，餐廳入面都唔係個個係咁，所以都只係想分享下我既經驗作參考，覺得明明好食又抵食點知有咁既員工真係太可惜啦。😓
continue reading
入到梅窩食海鮮， 本身以為會同南丫島或者西貢嘅海鮮一樣，即係有少少呃遊客feel😂😂 結果又唔係喎都好抵食喎😂仲可以坐喺個海邊，勁有風味👍🏻 要咗個套餐，入面跟住炒蟹，椒鹽尿蝦，豉椒炒蜆，湯同菜 ，兩個人已經係食到飽到不得了 ， 價錢冇記錯好似同西貢嗰啲餐差唔多，但有食過西貢嘅就知道， 佢嘅蟹唔係真係一隻蟹，而呢度嘅炒蟹係真係一隻肉蟹👍🏻👍🏻未上菜前我都驚緊會唔會係呃人雖然啲海鮮啦唔係話好大隻嗰種 ，但佢勝在夠多餸， 瀨尿蝦都係細隻瀨尿蝦
continue reading