36
15
4
2-min walk from Exit C1, Kwun Tong MTR Station
continue reading
Opening Hours
Mon - Sat
07:30 - 23:00
Sun
10:00 - 23:30
Above information is for reference only. Please check details with the restaurant.
Recommended Dishes
路過觀塘港鐵站，聞到好香嘅味道，原來批&撻專門店有撻新鮮出爐，聞到真係忍唔住要買番幾個返去。店鋪雖然細細間，係以外賣店形式經營，但批同撻嘅款式都有唔少選擇，所以都不斷有客人幫襯。雞批 $13 - 啱啱出爐，熱辣辣。雞批面層好脆，充滿牛油香味同甜味。入面的雞肉混入左白汁整成，雞肉饀亦好多，唔錯。鮮奶撻 $7.5 - 撻皮鬆化，淡淡奶香味，甜甜地，口感好香滑，真係食多幾個都得。芝士鮮奶撻 $8.5 – 其實都係鮮奶撻，只係面層加多左芝士。撻皮同樣鬆化，但芝士味濃而顯得奶味好淡，兩者我會比較鍾意鮮奶撻。
continue reading
Pie&tart 唔開係港島，對於係港島覓食既我黎講，每次我過海見到分店都係必買必食既舖。難得去到觀塘，買返兩個至愛既鮮奶撻食先。即買即食一定係熱辣辣既，不過歸家路途遙遠，返到屋企都凍晒😭第一次凍食，其實都唔會話好難食，而且陣奶味仲非常香。發現凍食都唔錯架！今次仲試左蘋果酥，入面有齊蘋果同提子，不過就冇咩特別。今次仲留意到原來有鰻魚酥同吞拿魚酥，下次就會想試埋！如果港島都有，我一定每日都買黎當早餐或者下午茶😭
continue reading
成日經過觀塘地鐵就會被Pie and Tart 嘅香味吸引🤤 搞到每次都會去食😂😂然後又見到好多好好食嘅tart 就會好想食😆而且價錢唔貴 食一個雞批都幾飽可以當下午茶😋😋要介紹呢個鮮奶tart！我最鍾意都食呢個 薄薄一層鮮奶cream 入面 好好味😆 係好幸福嘅感覺 所以每次經過就一定叫一個😆而且價錢唔貴 only 7.5$😍如果你想食芝士 又可以揀8.5$ 嘅芝士鮮奶tart 濃厚芝士融合鮮奶 好有口感🤤 🤤
continue reading
每次喺地鐵站經過pie and tart都會俾佢陣陣嘅牛油香吸引住 點都會因為咁而買翻個 但今次唔係買鮮奶撻 而係買咗肉鬆酥邪惡肉鬆酥🕺🏿❤️愈邪惡嘅食物愈吸引🤤❤️Pie n tart嘅左招牌鮮奶撻之外 佢哋嘅肉鬆酥都好唔錯🤘🏿其實係我嘅童年回憶來的仲記得細個逢星期六去觀塘學完野都一定會扭計買個食🤤肉鬆酥大過一個拳頭少少一直放係櫃入面保暖 所以通常都係微暖酥皮好濃牛油香 食落軟軟地好易入口最欣賞嘅係肉鬆嘅份量好多 食落唔會dry🤤鐘意食肉鬆嘅朋友一定大滿足不過記得細個買個時新鮮出爐 酥皮外脆內軟 食落更加脆身仲好食 而家已經退步左希望有機會食番個個口感😭
continue reading
次次經過pie n tart都會聞到陣陣出爐撻gei香味搞到我成日都忍唔住買來吃,前排佢地出左流心紫薯撻,仲要唔係貴,唔食真係對唔住自己!開頭我以為佢同普通餅店賣的蛋撻size差不多原來大好多,而且無論你幾時買,個撻都係熱辣辣,真係好正!職員有比個匙羹我,開頭我都諗食撻點解要羹呢,原來係因為佢堅流心+好熱,所以你好難拎上來直接食.而且撻身都比較硬,所以一般都係"不"到咁上下先食不得不大力稱讚流心紫薯部分做得太出色,因為佢奶味好濃,但你依然食到紫薯味,餡料有甜味但唔會過火,如果流心開始漸漸冷卻呢個時候同撻皮一齊食更正!因為撻皮有牛油味好似曲奇餅,一齊食就好似點了紫薯醬,呢個配搭好完美~~之後我有試過基本的牛奶撻,我覺得都唔錯,都係好香濃奶味,但由於紫薯撻太出色,所以下次再去食我都係only紫薯~~
continue reading