鹿良便當 (Moved) New Location

係外賣平台叫左個炸豬排便當 過左成30分鐘先打黎話冇哂豬排要轉雞排 最後用左1個鐘20分鐘食物先送到 打開盒飯已經凍哂 d飯一patpat痴埋哂 雞排塊皮一d都唔脆 成舊野梅梅地 耶菜花都係凍哂同唔好食 食左兩啖已經食唔落 完全唔值$60 未試過唔洗試 真係好難食 食個茶記或者大快活都開心好多//////////////////////////////

嗌外賣試試呢間便當(因為無堂食)，總共嗌左3個餐， 鯖魚便當條鯖魚好大條， 有手掌咁長， 連埋啲汁一齊食好好味;吉列豬扒便當正正常常， 外皮都脆既，但入面就一般，如果可以滑啲就更好;最後呢個牛肉薯餅便當好有驚喜，咬落去外脆，入面牛肉同薯仔混埋一齊既味道好夾好好味，中意食牛同薯仔可以試試

試呢間新野，在疫情下，最好的外賣🥡，而且是朋友放假都幫我買兼送上來，好多愛🥰未食前，打開個盒還是熱辣辣，正呀。望落去個樣燒得好靚，配菜太少—青瓜，個鯖魚真係燒得唔錯，唔點汁都好較入味，點汁後都唔會太咸，啱啱好。個靚仔只係普普通通白飯，無什麼特別，灑魚鬆太少，多一點就會好啲😆呢個價錢都係咁上下，可接受嘅。

疫情下跟同事都不敢外出吃飯，特別是九龍灣這麼多人的地方，整個七月我們都在外賣，這家鹿良是我們每星期也會點的一間，而且我從第一次點了海鹽燒鯖魚定食，就再也沒吃其他，因為實在太對我的胃口。*海鹽燒鯖魚定食 $64首先飯很多，煮得也不錯，不會太乾太硬而且還有點飯素，沙律份量少少的也很好。重點是海鯖魚本人超大一條，比手掌還要長！燒得剛剛好，魚皮微脆有點焦香味，魚肉又滑又多汁，我喜歡沾檸檬再加它的醬料，再拌著飯一齊吃。

因為疫情關係，但又想食日式便當，所以就選擇呢間試下，雖然要早一日whatsapp 落單，就冇得臨時話食同唔食，但外賣自取每份平8蚊，好抵，重有飲品送，和風醬汁好好味，但沙拉有d少同埋配菜過鹹，但送飯好正，整體係好好食。

Lunchtime大約下午兩點叫左5個餐已經唔係peak hour叫d野食送到黎都可以完全唔熱 叫左一個雞扒烏冬 個烏冬又咸 完全係咸版出前一丁味湯底 雞扒又硬 完全咬唔開 要用刀先切到其他幾個飯既所有汁都好似凍左既芡咁...水汪汪另一個係牛肉飯便當 d肉係白色 但d汁又咸又水汪汪...其他3個係咖哩飯 個咖哩超甜又無咖哩味仲要好似水咁 d飯仲要又凍又腍諗住試下附近未試過既野食啦點個中晒伏5個餐無個正常 差到忍唔住要寫食評

又比我發現到一間工廈既日式外賣便當鹿良便當，仲要係黃店，無理由唔try try~日式叉燒讚岐湯烏冬配餐飲，可以選擇味噌湯/玄米茶/檸檬茶/菊花茶，我就揀左盒檸檬茶爽一爽。特別一讚送餐好細心，烏冬同配料都擺放得好靚，下面再有湯底，減低湯汁溢出的機會。應該係用上鰹魚湯，保留正宗風味，掛湯讚岐烏冬煙韌彈牙，3塊叉燒肥瘦適中，質感嫩滑，雞蛋煮至半熟溏心狀態，以大約$50食到呢個質素既Lunch，比好多外面餐廳更值得，會繼續支持。

呢間位於工廈二樓嘅外賣日式餐廳或者未必好多人識，但其實佢所處嘅宏力工業大廈只係距離megabox兩分鐘距離。食商場食到悶嘅，最好就係幫襯吓小店。鹿良便當只有外賣，有9個常設餐，另外有四個每星期更換嘅菜式。大部分款式都係四十幾/五十幾蚊，如果外賣自取再減八蚊，所以我只係用左三十幾蚊就買到一個野菜天婦羅定食（包一盒檸茶），仲可以加十蚊換一份軟骨餃子（四隻），咁嘅價錢，邊度搵？本來以為係天婦羅蔬菜餅，打開後發現係一件件嘅蔬菜天婦羅，其中包括南瓜、椰菜花、茄子、杏鮑菇，其中椰菜花同菇都好好食！炸漿同蔬菜嘅味道都啱唔好，咸度一致，蔬菜食得出幾新鮮。軟骨餃子都唔錯，成餐性價比超高，同出面六、七十蚊貨仔比，一啲都唔輸蝕。加上款式勁多，鍾意食咩啲都可以揀到心頭好（佢地fb每個月會更新餐牌)。

九龍灣唔想出街同人迫, 10:00am 喺公司叫佐12:30pm 送外賣, 12:26pm 送到, 超準時! 起初唔知道同d同事夾曬錢, 原來12:00nn前叫有得每份減$5, 勁抵食佐海鹽燒鯖魚定食, 燒五目魚餅定食, 日式吉列雞扒定食送到黎d外賣都仲夠暖, 個飯塞到好實, 好夠飽!  燒鯖魚有跟個醬油好好食, highly recommended! 吉列個皮係腍佐d, 不過外賣吉列本身都預佐. $4x $5x 有咁嘅水準真係好滿意! 推薦推薦!!! 

發現新野，當然要拉埋同事一齊試。有福同享，有伏同當嘛穩穩陣陣叫個炭燒雞扒飯，比想像中好食同豐富。味道主角雞扒有炭燒香味，而且唔鞋，配埋個炭燒汁送飯一流。米飯份量都OK多，不過同事表示佢嗰啲飯好乾。配菜方面有漬物，螺肉同沙律。不過因為同啲飯放埋同一個盒，冷盤都變熱哂，成落感覺好怪。其實我寧願佢唔洗有配菜，雞扒多番2-3舊更加好。服務準時送到，十分好。衛生飯盒包裝：望落完全唔頹，一格格分門別類，跟返日式弁當，而且送貨個紙袋都幾硬淨同印埋公司嘜頭。外賣最重要嘅冇漏汁、冇倒瀉，佢都做到。總結抵食，但略嫌主菜份量有啲少，寧願唔要佢啲配菜但主菜多番20-25%就perfect池。每星期都有新餐牌，下次會試吓佢個鰻魚飯。

九龍灣區公司太多, 我唔鐘意同人迫嘅性格影響 我唔多鐘意出街食lunch, 好多時都係叫下外賣, 最近收到傳單, 專做日式便當, 食港色飯盒太悶, 今日來個新嘗試, 價錢跟日式餐廳差唔多啫. 鹿良只有外賣, 12點前order 仲可以減5蚊, 用whatsapp落單, 大約25分鐘左右便送到. 我今次呢款係"和風牛肉燒定食" 盛惠HK$58, 配咗包菊花茶. 用日式便當盒一小格一小格分開, 份量夠女仔食到好飽飽.和風牛肉味濃, 味道適中唔會咸, 仲有heart 到喺白飯上面加咗d飯素, 係d飯今日濕咗d, 可以改善下. 旁邊嘅沙律係用酸酸地嘅沙律汁, 可以中和番牛肉燒裏面嘅肥膩.食日式便當唔洗同人迫, 又唔洗等位, 呢間嘅弁当都係一個唔錯嘅選擇.