12
1
4
Opening Hours
Mon - Sun
06:30 - 23:00
Above information is for reference only. Please check details with the restaurant.
就黎父親節，老豆鍾意食小菜既，就搵左屋企附近既酒樓「皇庭匯」同佢象徵式慶祝啦！坐低左侍應就拎張父親節餐單黎，貴左又選擇少左，不過都預左啦，最緊要老豆開心！而且都選擇到既。講返野食先，首先叫左個燒味拚盤，有雞、燒鴨、燒腩仔、叉燒四樣野，雖然唔大碟，但都幾好食！然後我地叫左兩碟比較清淡既，分別係紅燒豆腐同炒通菜，都幾大碟同整得幾好食，雖然清淡Ｄ，但要中和下Ｄ燒味，同之後黎既正野！所謂既正野就係海鮮啦！分別叫左薑蔥蟹同芝士焗龍蝦配伊麵底，前者係用一種叫「麵包蟹」去整，顧名思義好似麵包咁大隻！而且好入味！至於個芝士焗龍蝦都無叫錯，芝士非常香，龍蝦好新鮮，YUMMY！
continue reading
屋企人生日都係鍾意到酒樓食飯，所以我哋就揀咗去粉嶺皇廷匯！當日我哋叫咗海鮮同埋一啲小菜阿拉斯加長腳蟹分量十足，我哋一行八個人都食唔晒，而且肉質鮮甜豉椒炒聖子又係分量十足，用嘅聖子都係好大隻，所以份量啱啱好椒鹽鮑魚鮑魚新鮮大隻，就算椒鹽炸左都冇掩蓋到佢嘅鮮味！真係好好食呀！！鹽焗螺錫紙出面用鹽焗，令到螺嘅味道唔會太鹹，味道適中正宗燒鵝大家睇清楚，呢一隻唔係燒鴨，而係燒鵝！滷水燒鵝味道唔錯，因為叫酒樓特別訂製紅豆壽包由於屋企人生日嘅關係，所以送咗壽包比我哋
continue reading
咁難得係平日一家大細都唔使返工，就係返附近飲下茶，享受天倫之樂啦！呢間係華明邨既皇庭匯成日都好多人，趁今日平日人唔多就慢慢歎啦！我遲少少到，屋企人已經攞左位，坐低就已經有幾樣點心到左！嘩！Ｄ燒賣好大粒，又新鮮又啖啖肉！仲有我鍾意既山竹牛肉球呀！呢個係飲茶必叫架！而碟腐皮卷就雖然細碟Ｄ，不過都好香脆！屋企人其實叫左個套餐，有３個點心１碟切雞同炒粉麵，呢個套餐就有Ｄ改善空間啦！碟雞都唔錯既，大大碟Ｄ肉都新鮮，但碟乾炒牛河就太油太鹹啦！唔完美可接受！之後野食陸續黎，碟蝦腸好嫩滑好新鮮！蝦餃都係大大粒晶瑩剔透！仲有菜苗餃呀，水準非常高！食到呢度我已經飽啦，點知仲有。。。又黎多籠鮮竹卷，所有點心入面最高卡路里既，但我唔理啦，飽都照食！最後再黎雞扎同馬拉糕，好靚好香噴噴，不過我食唔落啦，睇住屋企人食，可能佢地太耐無飲過茶，叫咁多野食，仲食得晒，犀利。。。另外想講呢度Ｄ服務，效率一般啦，不過好多茶樓都係咁既！今日唔太多人所以唔會好嘈吵，好愜意既一餐！
continue reading
同屋企人行完蝴蝶山，諗住搵野食，諗住好好地飲個茶， 其他野都一般， 雪菜火鴨絲炆米，蒸腸粉，黑芝麻流沙包，鮮蝦腐皮卷都無問題，正常貨唔， 係唯獨碟蒸排骨一黎呢到就蒸曱甴? 開頭仲以為係豆豉，但唔係喎有腳嘅，當場呆坐。 完全接受唔到!
continue reading
叫早餐燒肉飯，隔離台同對面台都係平常既份量同厚度既燒肉，我果份呢？薄切既，問兩個黑衫經理，舉手叫住都扮睇唔到，問佢地又話：師傅問題，你以為好薄？其實一樣架！即是我對眼有問題嗎？
continue reading