465
6
4
Exit C, Causeway Bay MTR Station
continue reading
Telephone
39562146
Introduction
A hotpot restaurant provides healthy soup and fresh sashimi, such as big geoduck from Canada.
continue reading
Opening Hours
Today
17:30 - 01:00
Mon - Sun
17:30 - 01:00
Above information is for reference only. Please check details with the restaurant.
About Reward Scheme
Recommended Dishes
呢排天氣越嚟越凍，最適合打邊爐今晚約咗朋友嚟銅鑼灣行街，響OpenRice search吓邊度有得打邊爐，見到呢間漁火評價非常高，地點又方便，係地鐵站對面嘅京都廣場，一於拉朋友黎拾下拾下👅打邊爐個湯底絕對係靈魂，漁火嘅湯底原來出名冇味精同自家煲，除咗一般大路嘅湯底，仲有一啲非常養生同住家嘅老火湯底，我哋叫咗個出面好少見既菜乾杏汁燉豬骨，老闆娘好細心提醒我哋湯滾咗之後可以飲碗湯，一試就覺得非常之濃郁，絕對係真材實料！我哋首先梗係叫咗個小食醫肚，🥢鬼馬油條，油炸鬼配以墨魚肉，熱辣辣脆卜卜！🥢自家製竹蔗茅根-自家製嘅竹蔗茅根水比起市面一般買到嘅好明顯低糖同足料，一jar 夠每人三四杯就好抵飲❤️🥢鮮甜脆骨腩- 脆骨腩係打邊爐必會食嘅魚，呢度嘅骨腩係非常之爽脆，出邊通常係鯇魚好多骨，呢度係真脆骨腩冇乜細骨，連朋友平時唔食魚今次都食咗幾片🥢蘇格蘭蟶子皇- 問咗店員今日嘅蟶子王特別新鮮，所以叫咗一客同朋友分享，蟶子王非常厚肉同大隻，店員好細心介紹，只要淥12秒鐘就可以食，果然我哋根據指示去淥嘅聖子係非常之鮮甜，熟度啱啱好❤️🥢即炸鬆脆響鈴- 平時我唔會食響鈴嘅，因為覺得好油膩，店員話原來呢個響鈴係廚師新鮮啱啱乍起，淥2秒鐘就食得，食落果然同平時街市買嘅係完全唔同呀，個皮非常之薄，果然冇介紹錯👍🏻🥢招牌雲吞王-雲吞王非常大粒，足粒！餡料係肉同蝦，食得出有啲荽茜香🥢漁火特選牛盛薈-打邊爐點可以冇牛肉，呢度嘅牛肉喺手切本地牛，我哋每款都想試吓，所以叫咗呢個盛會。店員都好細心提我哋每款淥熟就食得，唯獨係牛柳粒可以淥耐啲，因為會更加香口有趙口。朋友最愛係牛舌芯，我自己就鍾意牛柳粒，因為有趙口同牛味重❤️象拔蚌刺身- 同店員傾偈先知原來佢地象拔蚌刺身一向好受歡迎，有唔同size，於是我哋就叫咗個推廣細size試吓，本身諗住好飽見到嚟到細size都咁大碟，以為會食唔晒，但食落佢哋個象拔蚌刺身真係非常之爽脆鮮甜，點少少Wasabi已經帶出本身海鮮嘅鮮味！呢個我哋食唔停口，好快食晒成碟❤️呢餐飯真係食得好滿足，店員細心服務殷勤，食材真材實料又非常新鮮，絕對係高質打邊爐之選！
continue reading
今日嚟到漁火食高質火鍋 ! 呢度除咗有一般嘅港式火鍋湯底 , 仲有燉湯 !! 燉湯做湯底非常奢華 😍😍 我哋就試試佢 !花膠響螺燉赤肉 ($228)好足料 !! 好多花膠 , 響螺 , 圓肉等 , 先飲湯 , 後打邊爐 ~ 個湯好好飲 !!! 好夠味 !! 好飲到覺得用呢個燉湯黎打邊爐有 d 嘥 😂😂 但眼闊肚窄又飲唔到咁多 脆炸蝦餅 ($98)自家製的 !! 好彈牙 !! 食到入面有一粒粒嘅蝦肉 !! 正 !!頂級桶蠔 ($168)好大隻 😲😲😲 份量又多 , 淥完唔會縮水 , 超高質 , 有驚喜 !肥水大花甲 ($108)呢個大花甲同樣超大隻 😋😋😋 半隻手掌咁大 !! 冇沙 , 飽滿 , 啖啖肉 , 勁 juicy ! 手切頂級 Prime 牛肉 ($248)油花分布平均 , 厚度適中 , 好食 ! 👍漁火特色四色丸 ($128)呢度嘅特色丸全部都係手打 👏👏 真材實料 !! 有潮州手打牛肉丸 , 手打蝦丸 , 手打墨魚丸同鹹蛋豬肉丸 , 我最鍾意牛丸同蝦丸 , 真係好彈呀 , 好 juicy !!即炸鬆脆響鈴 ($58)哇 !! 呢個響鈴超巨大呀 !! 新鮮炸起 , 勁香脆 , 好食過出邊買個 d , 抵食 !自家製竹蔗茅根 ($58)一大扎 , 入邊冇放材料的 , 所要份量好多 , 足夠 3 - 4 人 share , 好清甜 😌😌 唔會太甜 ~時令雜菜籃 ($78)擺盤美美的 ~ 有粟米 , 冬菇 , 白菜 , 菜心同油麥菜 , 啲菜新鮮又洗得乾淨 ! 整體黎講 , 食店位置方便 , 座位闊落 , 環境乾淨 ~ 食材選擇豐富 , 最鍾意佢嘅燉湯湯底 ~ 啱晒鍾意飲湯嘅朋友仔 ~ 而且每款火鍋配料都係好足料同高質 ! 😌😌 大花甲同桶蠔令我念念不忘 !! 超級推介大家嚟試下 !! 🤩🤩
continue reading
今日係銅鑼灣行街，晚飯黎左京都廣場搵搵食，呢棟大廈好多嘢食。我同朋友仔都想打邊爐就揀咗呢間漁火海鮮刺身火鍋。餐廳位置都係梳化卡位，好闊落舒服。我哋兩個人都係坐四張大枱。點餐就用畫紙落單。湯底揀咗菜乾白肺燉豬骨（$168）湯底十分夠火候又清甜，飲得出係無落味精，呢個湯可以清熱潤肺，依家秋天飲就最適合不過。我地都飲咗幾碗🤭配料選擇都好多，特別海鮮類。唔同類別我地都叫咗黎試下😋以下同大家分享下鮮鱔片（$148）好新鮮又大條，肉質結實，爽脆彈牙，完全無骨。淥一淥就食得，千其唔好淥太耐呀！😋肥水大花甲（$108）花甲好大隻，滾開殻之後粒肉仲係漲卜卜，好鮮甜同無沙！😋鮮鵝腸（$98）爽口彈牙，又夠肥美，幾正✌🏻即炸鬆脆響鈴（$58）一份有六大條，真係即叫即炸。擺落湯底度一兩秒就食得。十分香脆可口，重點係炸得一D都唔油，食多幾條都唔會覺得有罪惡感。個人認為是必食推介。🥰招牌雲吞王（$98）呢個雲吞超級大粒飽滿。一粒等同於平時嘅兩粒。 入邊有白菜豬肉同埋完整一隻蝦。皮薄餡靚都係必食推介🥰椒鹽海中蝦（$128）椒鹽味十足，熱辣辣夠香脆。海蝦好大隻食落肉質彈牙新鮮。本地手切鮮牛頸脊（$248）新鮮手切，厚簿適中，牛味好濃郁。鍾意食牛既朋友仔必點😋自家竹蔗茅根 （$58）店家自己煲的，清清地唔會好甜。打邊爐飲最適合。呢間餐廳份量都適中，我同朋友仔都食到好飽好滿足！天氣開始涼，如果大家想食打邊爐不妨去試下😋😬
continue reading
餐廳：漁火海鮮刺身火鍋地點：銅鑼灣駱克道京都廣場菜式：海鮮刺身火鍋，以滋潤燉湯作為主打餐牌：多款湯底，小食，刺身，肉類，海鮮，多款火鍋配料包括自家制類，內臟配料，田園蔬菜，麵食。飲品有多款酒類，啤酒，汽水，果汁，茶等。茶位每位$8。花膠響螺燉赤肉 $228 另加一呢個花膠響螺燉赤肉係招牌，非常足料，有6大片花膠、三大隻響螺、三隻煲到淋嗮既雞腳、乾瑤柱、瘦肉、龍眼肉，蟲草花等。服務員提議滾起之後先飲啖湯，果然又清又健康，的確係燉湯味，絕對不含味精。花膠好漿嘴，高質唔會太薄。飲完湯之後服務員就幫手加骨湯打邊爐，個骨湯都好清淡。漁火特選牛盛薈 $468 另加一漁火特選牛盛薈賣相一流。一共有五款牛，擺得靚靚。牛頸脊切得夠厚，口感好好。牛邊位就多少少脂肪，唔會過韌。Prime牛肉油花平均，口感味道特別好，又嫩又多汁，牛味又濃，最正係呢款。牛舌芯口感彈牙，牛味濃。牛柳粒大大細細有14粒，淥大概3-5分鐘就食得，口感好好，完全唔會韌，肉汁又多，牛味濃。每款牛除左牛柳粒大概有8片左右，份量好多，而且質素高。蘇格蘭蟶子皇 $78一隻 另加一蘇格蘭蟶子皇超大隻，服務員建議滾12秒就食得，果然好鮮甜又爽口，好耐都無食過呢個質素既蟶子皇！肥水大花甲 $108 另加一肥水大花甲一客八大隻，淥到開口就可以食。肉都好大隻，好濃海水味，非常鮮甜。爽彈脆鯇片 $68 另加一爽彈脆鯇片一客八大片，果然又脆又鮮，加少少豉油提味更好味。即炸鬆脆響鈴 $58 另加一即炸鬆脆響鈴一客六大片，即叫即炸夠薄又夠脆，服務員提議淥一秒就可以食。口感好特別，淥耐d就會更吸汁。脆炸蝦餅 $98 另加一脆炸蝦餅一客五片，熱辣辣上枱，炸得皮脆肉彈牙，蝦味濃，伴有甜酸醬更好味。每塊都好厚肉。時令雜菜籃 $78 另加一時令雜菜籃有唔少白菜仔，菜心，油墨菜，粟米同冬菇各兩粒。質素新鮮，菜心特別甜。其實每款肉類海鮮都伴有大量大白菜絲同生菜，今餐有好多菜食。自家竹蔗茅根 $58一渣 另加一自家竹蔗茅根味道好清甜，唔會過甜，非常解渴又夠凍，一渣大概有7杯。醬料每位$15，有9款包括芫荽，蔥花，辣椒，白芝麻粒等等。豉油服務員會自動倒比你，提鮮一流。今餐食物非常好，餐廳裝修唔錯，新淨光猛，冷氣夠凍。一坐低服務員就比酒精你消毒手，而且態度友善，上菜快速。今餐食得好開心又滿足。
continue reading
咁有滋有味的海鮮火鍋，我實在是忍唔住要同大家分享一下啦！🔥嘅花甲海蝦魚湯底，簡直是清新撲鼻，喝落去係咁的滋味，痴痴地好味啊！然後肉食部分，手切頂級prime牛肉真係貴得嚟又值得，咬落去那個嫩滑，真係叫人停唔住口。再嚟講講極品黑豚腩肉啦，脂肪同瘦肉層次分明，煮得啱啱好，保持咗充滿彈性嘅肉質，真系正呀！海中鮮蝦同牡丹蝦都是海鮮控嘅心頭好，每一口都係那種爽口彈牙，蝦味十足嘅享受。至於蘇格蘭蟶子皇，每一啖都咁飽滿，味道清新得滯，就算食到一粒沙，都唔覺得礙事。話咁快就滲手指頭的即炸鬆脆響鈴和手打墨魚丸真係爆炸，墨魚滑同順德魚腐更加係滑溜溜，入口即化。聽我咁一講，你地係咪都已經流晒口水啊？即刻約定三五知己，搵個時間去打個邊爐，享受一下這份人間美味啦！😋✨🍲
continue reading