4
1
0
2-min walk from Exit A2, Sheung Wan MTR Station continue reading
Telephone
21561883
Awards and Titles
Michelin 1 Starred Restaurant (2021)
Opening Hours
Today
12:00 - 14:00
18:00 - 22:30
Mon - Sat
12:00 - 14:00
18:00 - 22:30
Sun
Closed
*午餐最後入座時間:12:30; 晚餐最後入座時間:20:30
Payment Methods
Visa Master Cash AE UnionPay
Number of Seats
14
Other Info
Wi-Fi
Alcoholic Drinks
Phone Reservation
Delivery
10% Service Charge
Review (5)
Level2 2021-06-10
1180 views
今次餐廳位置有點隱藏,提供6個座位, 因為座位較少,食客同主廚既亙動有更多...但同時因為座位少, 預約非常有難度...D間餐廳係特式係割烹料理既OMAKASE...每一道菜, 主廚都會親自處理, 試味每個細節安排好先會上菜...重點係, 用既食材係最時令, 有D食材或者做法都比較少見...例如燒竹筍, 真係比較有餐廳用原隻竹筍, 而且非常爽脆, 鮮嫩, 完全冇渣的, 非常難得好驚喜又例如和牛配上慢煮蛋黃, 和牛入口溶化, 慢煮蛋黃好綿密而且蛋香濃郁...咁樣蛋嘅煮法好少有...D度既鍋飯不得之了, 係金黃焦香, 米飯粒粒分明口感香軟...再配上海膽,魚同魚子~開業短短時間就新上榜米芝蓮一星餐廳, 的確係值得擁有...希望下次再有機會BOOK 到試試新MENU... continue reading
(The above review is the personal opinion of a user which does not represent OpenRice's point of view.)
太耐沒上水,想把以前的照片都梳理一下,這數月以來都不停地吃,也想沉澱一下才慢慢把感想補上。上訪瑞兆是去年12月尾,當時瑞兆也算是預約困難店,但自從奪星後基本上都不太可能用信用卡優惠預約了。老實說,即使以原價來吃這質素的晚餐,也絕對值得,在買一送一價錢下,簡直是無敵。當中我最愛的一定是鍋飯,好吃得追加共吃了三碗,加上靚仔星級師傅坐陣,瑞兆可算是我城中最推介的割烹餐廳。·鰤魚三文魚子鍋飯🌟·喜知次·薩摩和牛熔岩燒✨·薩摩牛腰脊·松葉蟹海苔卷 continue reading
(The above review is the personal opinion of a user which does not represent OpenRice's point of view.)
Level4 2021-02-01
3733 views
[🇭🇰香港- 上環].🔻2021新上榜米芝蓮1💫餐廳!割烹料理嘅前菜當然唔會係普通刺身,喜之次係用炭火微微炙燒,個人就好欣賞即時燒到半生熟嘅鰹魚😍套餐仲有吉列薩摩牛,炸大葉海膽, 薩摩和牛溶岩燒配慢煮蛋黃,金目鯛...總括整體食物質素都唔錯,但唔係話算好有驚喜.🔻🍽 瑞兆📌 地址: 上環蘇杭街29號尚圜地舖. continue reading
(The above review is the personal opinion of a user which does not represent OpenRice's point of view.)
Level4 2020-10-27
7080 views
喺香港食omakase多數都係以壽司🍣或者刺身為主調,主打割烹嘅真係少啲接觸,今次就食咗瑞兆,餐廳個位置都幾隱蔽,入到去小小嘅空間只有八個座位,好有去咗日本🇯🇵嘅感覺.日值師傅顏值高☺️,人哋話佢似王貽興,另一個香港師傅,我本人覺得佢有啲似安志杰🤭,ok focus番啲食物先🙃.前菜用咗而家時令嘅杮配半熟嘅海老🦐,仲有土佐醋味嘅啫喱,開胃小菜.炸物薩摩牛腰脊🍗,用咗吉列嘅方式去整,外脆內軟,牛肉熟嘅程度都啱啱好,好tender.輕麵食喜知次海苔卷,喜知次🐟用汁煮嘅方式,係半熟嘅口感,不過可惜紫菜唔夠脆.碗物我覺得全餐最好食嘅就係呢個炭燒日光魚湯,炭燒咗嘅日光魚真係超正🤤🤤,好香口又有好炭燒味,魚皮脆嘅口感一流👍🏻👍🏻.刺身當日嘅時令刺身係鰹魚,配上酸嘅蘿蔔蓉,蘿蔔蓉雖然好味,不過個醬汁略嫌鹹咗少少🤏🏻,就咁食鰹魚更能食到佢嘅嘅鮮味.蒸物蒸鰆魚,魚上面有一pat磨成茸嘅山藥,有煙煙韌韌嘅口感,好好食🤤,仲好食過舊魚,不過舊魚就略嫌鞋咗少少🤏🏻.跟住落嚟呢樣係Off the Menu嘅喉黑,見佢話係用燒嘅方式嚟煮,仲要重油脂🔥,所以叫咗嚟試吓,魚嘅油脂真係好勁,有少少入口即化嘅感覺🤤,食完之後隻碟都仲有一攤油.肉用嘅都係薩摩牛🥩,不過就係西冷部份,岩燒用嘅係富士山火山石🌋,都係第一次見,牛肉配上慢煮蛋黃🍳,同我以前見過嘅熟成蛋黃有啲似,比一般蛋黃口感更煙韌.一品用咗白昆布去包秋刀魚,醬汁係蛋黃醋,酸嘅蛋黃醬真係第一次食😯,食咗咁多個course,可以清一清味蕾.食事三文魚子係佢哋自己醃製,撈左落飯之後變咗半生熟,日本嘅珍珠買真係好好食啊😋,師傅係咁問我哋使唔使再添飯,雖然好想食,不過真係太飽了🙈.甜品佢話係蜜瓜🍈mousse,但係我食嚟食去都食唔出有蜜瓜味,反而覺得似係栗子🌰味,anyway,另外仲有紅豆抹茶mochi,香印🍇同埋日本梨🍐.總括嚟講,食物都有水準👍🏻,燒物就更加係超正🤤🤤🤤,絕對值得嚟試吓,師傅最後仲超級有禮貌咁送到我哋出門口,準確來講係送到我哋出街,太有禮貌了🙇🏻🙇🏻🙇🏻 continue reading
(The above review is the personal opinion of a user which does not represent OpenRice's point of view.)
Level7 2019-10-11
7984 views
初夏時於互聯網結識到美少女「吾愛食」,幾個月來大家其實都只係以網友身份交流食經,世估唔到佢會邀請XO仔出席神秘慶祝派對,真人見面,地點定為一家新開嘅日式割烹料理「瑞兆」。小店並無花巧嘅裝潢,木造嘅門面身後為長長嘅吧枱,據悉最多可坐八位食客;六人廂房會遲少少先開放。由日藉型男鈴木師傅掌舵嘅開放式廚房內,可見烤爐、幾塊長形嘅砧板及零星嘅調味食材,簡潔企理。席上早已擺放出餐具及餐牌。客人一上座,隨即有專人送上熱毛巾及茶水。早到嘅XO仔仲影咗三頁酒牌同大家分享。餐店現階段只做晚市,分開六點及八點半兩個時段,均只提供一款九道菜嘅廚師發辦御膳,菜式會不限時更改,價格定位$1,800/位,另收加一服務費。貴客一到齊,師傅迅即出場,自我介紹,並開始割烹表演,每個步驟細節都絕無假手於人。打響頭炮嘅前菜由日本虎蝦、柿肉、法國魚子醬等組成,色澤鮮艷亮麗。主角虎蝦爽厚彈牙,伴配清甜爽脆嘅柿塊、鮮濃嘅魚子醬及帶微微酸甜嘅醋味啫喱,醒神又醒胃。接棒嘅炸物二重奏外表乾巧不油膩,個人較為偏愛前方皮薄香脆嘅鮮舞茸菇天婦羅,簡單點上白色鹽粉已夠芳香!後方嘅炸牛鰍奶油芝士腐皮卷煙煙韌韌都幾得意,餡心入面嘅奶油芝士輕巧易入口,不過唔講真係食唔出腐皮卷入面捲入咗牛鰍,或許係奶油芝士蓋過咗牛鰍嘅魚味?!餐單中共有兩味飯品,頭段嘅輕飯食為鮑魚肝飯伴豆奶慕絲,上枱時配埋木羮,睇黎大廚對餐具文化十分講究。墊底綠色嘅鮑魚肝飯粒粒飽滿肥潤,頂面嘅鮑片巧薄甜美,混入白滑嘅豆奶慕絲更覺輕盈清香。碗物中間件金目鯛不單橙光閃閃,厚潤雪白嘅肌膚可謂柔軟嫩滑,鮮甜無比,清澈清甜嘅湯底滲出陣陣柚子香,連同翠綠嘅三葉菜即倍添清新,何其細膩!如相所示,每碟刺身都係由鈴木師傅親自負責切割、烹調、裝飾等功夫,手勢純熟快捷,絕對係有姿勢有實際。三色刺身左起分別為金槍魚、比目魚、鰹魚,建議由淺色食到深色。銀皮白肉嘅比目魚本身味清,伴配梅味濃郁嘅昆布條即增添惹味;左邊件紅潤金槍魚半溶於口腔,以蛋黃醬塗面成功提升幼嫩香滑嘅口感嘅同時仲一啲都唔搶,實有畫龍點睛之效!最後右手邊件火炙鰹魚煙燻嘅味道唔會過濃,皮香肉軟,各有特色。對XO仔而言,全晚之最必選餐單上唯一一味紅肉,亦即鹿兒島薩摩和牛!其實師傅喺預備頭五道菜時,早已開啟炭爐燒煮和牛西冷,期間聽到嘅拍拍聲就係所用嘅備長炭所發出。火起火滅後讓和牛冷卻片刻,再邊燒牛扒及配菜邊加上調味,嗰吓蘭花手可近可遠,剛柔並濟,實在係令人嘆為觀止!喺和牛、茄子、鮑魚菇面以備長炭燒多兩燒,於碟盤上加上山葵及秘汁後即大工告成。嘩,三片薩摩和牛西冷均鮮紅粉嫩,一啲肥膏都唔見,而且肉汁豐盛,咬落香口軟腍中帶點爽脆,不用點上任何醬汁已經好夠味,但當加上碟邊嘅山葵又能為味蕾激發出一份清新,神來之筆正是如此!橙黃艷麗嘅蒸物形如日落嘅太陽般,甚有詩意。軟滑嘅茶碗蒸し頂面有鮮濃滑溜嘅海膽,蛋內則藏有幼嫩鮮甜嘅毛蟹肉,師傅巧妙地以柚子粉末加以點綴,直令燉蛋份外清新。食事一環為汁燒鰻魚鍋飯,大大煲嘅份量認真震撼,每人最少可以分到兩碗。小肥一向怕骨唔識食鰻魚,嘻嘻,幸好早已用日文同大廚溝通過,細佬嗰份就走咗鰻魚。汁燒鍋飯內含牛蒡、青瓜、菇粒,清香爽脆,味清帶甜,輕盈討好;漬物青瓜及蘿蔔片亦爽潤消帶;啡紅嘅味噌湯嘅驚喜之處就係入面加咗超爽超脆嘅木之芽。甜品上場前,先有熱茶一杯為味蕾洗滌一番。大家睇睇靚相,甜品嘅擺盤襯上餐桌嘅楓葉圖案望落係咪好似幅藝術品呢?!由於抹茶雪糕米餅建議用手食,唔怪得知食前每人都派咗條熱毛巾抹手,夠哂衛生。貌似漢堡包嘅抹茶雪糕米餅底面兩塊威化要快食先能保持鬆脆,中間翠綠嘅抹茶雪糕茶香醇濃,最正就係雪糕底墊咗件微甜煙韌嘅紅豆糯米滋,令口感調味都生色不少。不知不覺餐牌上嘅食物都經已出齊,點知型男師傅竟然話因兩個半小時嘅用餐時間未完,所以就壓軸送贈多一道金碧輝煌嘅小禮物,晚餐頓變成十全十美嘅十道菜晚宴。精緻彩美嘅杯仔承載著輕柔嘅黃豆慕絲,黏上慕絲頂嘅黑糖漿即可添上清潤香甜,美味可口。上環隱蔽新店「瑞兆」簡潔雅致,服務生友善體貼。由日藉型男廚神鈴木先生全權負責烹煮嘅九大簋割烹御膳用材新鮮高質,豐富味佳!食客可一邊享用美食,一邊與大廚傾談並向其偷師,互動氣氛實為輕鬆,如果可以玩埋配酒套餐,相信要吸引酒客絕非難事。 continue reading
(The above review is the personal opinion of a user which does not represent OpenRice's point of view.)