37
4
1
6-min walk from Exit A1, Wan Chai MTR Station continue reading
Telephone
2877 9011
Introduction
Run by the Zhejiang Fraternity Association, Zhejiang Heen offers authentic Zhejiang cuisines. Traditional dishes such as smoked fish and steamed fermented tofu are made from the best ingredients. continue reading
Awards and Titles
Michelin 1 Starred Restaurant (2015-2017)
Good For
Group Dining
Payment Method
Visa Master Cash
Other Info
Wi-Fi
Alcoholic Drinks
May Bring Your Own Wine
Cake-cutting
Parking
Delivery
10% Service Charge
TV Broadcast
Review (45)
還有個多星期便是冬至的日子,大大小小的家庭聚餐與派對開始接踵而來。是晚參與了第一輪冬至飯局,餐廳由家人選定,是享譽車軚人一星美譽的浙江軒。 浙江軒開業於僑阜商業大廈,佔用一至三樓。餐廳由浙江省同鄉會聯合會經營,紅色味道甚重,從廳房中的掛畫亦可了解一二。 是晚晚餐亦以一客六碟的浙江軒特色冷盤打頭陣,從多角度演繹上海浙江菜的傳統風味。 寧波脆鱔的要點落在「脆」一字,雖然鱔條烏黑的賣相不算吸引,但其甜脆食感確實做得出色,連不愛吃黑色食物的魚仔也嚷著要吃。 涼拌茄子製作平實,微辣泛軟的茄子就是這碟涼菜的全部,沒有花巧。 雞絲粉皮是筆者常點的小碟,主因是愛其胡麻醬的口味,小碟在醬汁這方面輕易拿取滿意分數。至於透薄的粉皮,比坊間常吃到的口感更彈牙實在,亦是加分點之一。唯一建議改善的地方是雞絲的份量,個人覺得不太足夠。鎮江肴肉出品水準平穏,未予太大驚喜。五香素雞的賣相實與真雞件難言相像,淡淡的豆香與軟腍的口感是菜式可取之處。醬香蘿蔔是經典醃漬小吃,除作前菜外,多用以配搭清淡粥品。一道成功的漬蘿蔔,最重要是能帶出一份爽脆口感。從「嗦嗦」聲的咀嚼聲,已可足證小吃的成功。一氣嚐遍特色六小碟後,各式熱葷也緊接送上。清炒河蝦仁是滬菜經典菜式之一,目標是享受河蝦的甜彈鮮味。這道黑松露甜豆河蝦仁,則在這份天然味道上多加一份黑松露菌香,予人新鮮感。蝦籽蔥燒海參是一道相當濃味的菜餚,海參份量十足,口感軟彈,炆煮得非常入味,夾雜搶味的京蔥吃更是錦上添花!在中菜館吃魚翅,普遍配有上湯或湯羹兩款濃稠選擇,兩款比較,筆者偏愛前者,這道砂鍋雲吞雞煲翅正是代表作之一。上湯以原隻鮮雞煲製,另加入鮮肉雲吞。臨奉上前的一刻,才把足十二両的魚翅平分於雞湯之中。魚翅份量足,夠粗身,令人感到滿足。雲吞由雲吞皮至純肉餡,均帶有廣東雲吞的影子,建議添加菜蔬份量以追近北方風味。 桂魚在滬菜館多以松鼠桂魚的型態出現,雖然脆香開胃,但難以突出桂魚的甜嫩本味。龍鬚桂魚則剛好相反,首重魚肉的鮮甜嫩感,這味菜在這方面做得頗出色。 油淋雞是另一道值得推介的菜餚,雞肉味鮮肉嫩,雞皮亦見香脆。上湯浸豆苗所用上豆苗選材翠綠,但嫩感只屬中規中矩,有空間再做好一點。 餐單沒有常見的飯麵主食,取而代之的是香口製作的生煎包。生煎包口感鬆軟,包心沾滿肉汁亦十分美味。不過最緊要的還是趁熱品嚐。高力豆沙同樣講究即製即吃,否則不單外觀脹卜卜的圓球會凹陷,原有的蓬鬆質感也會減低了不少。廚師選擇以橙黃色的黃糖灑於高力豆沙表面,顏色固然更悦目,但細緻感不及葡萄糖吸引。鮮果拼盆有西瓜、哈蜜瓜及菠蘿三款水果,賣相鮮艶吸引,口味多汁清甜。 整體來説,浙江軒的菜餚確實有不俗的水準,賣相手功味道均達滿意水平,能獲車軚人美譽不無道理。 [11/12/2016; Sun] continue reading
(The above review is the personal opinion of an user which does not represent OpenRice's point of view.)
今晚我們去咗灣仔駱克道嘅「浙江軒」食晚飯!我們叫咗精選四小拼:蔥油紅蜇頭嘅質感非常爽脆彈牙!蒜茸青瓜好清甜爽脆!鎮江肴肉嘅肉質好爽口鬆化,唔好好硬實,啫喱嘅位置好煙韌彈牙!長江燻魚嘅外層非常香口脆身,入面嘅肉質好嫩滑,唔會好乾身,而且相當入味!清炒河蝦仁拼黃金蝦球嘅擺設賣相非常精緻吸引,好似一個太極圖案咁,我們首先食咗清淡嘅,之後再食濃味嘅,清炒河蝦仁有淡淡嘅清香味,肉質好爽口嫩滑,而且炒得唔會好油膩,黃金蝦球嘅肉質超爽甜彈牙,而且每粒都非常均勻咁沾滿黃金蛋黃嘅鹹香味,但味道唔會過鹹!牛柳粒鍋巴卷嘅鍋巴係新鮮即叫即炸,炸得相當香脆乾身,賣相好似一個雪糕筒咁,餡料非常足料,塞滿晒整個鍋巴筒,餡料有牛柳粒同沙葛等等等等⋯⋯味道超級惹味,係本人嘅必食推介!蟹粉粉皮炒得好乾身同鑊氣十足,蟹粉係生拆蟹膏同蟹肉,粉皮嘅質感相當爽滑彈牙,味道好惹味甘香!百葉結魚唇紅燒肉嘅紅燒肉嘅肉質燜得極之鬆化軟滑,豬皮嘅質感超煙煙韌韌,完全無油膩嘅感覺,魚唇嘅質感非常煙韌彈牙,而且好厚身,骨膠原好豐富,所有材料都吸收晒醬油嘅香甜味,令人一試難忘,真係超好味呀!有甜品:高力豆沙相當鬆軟,豆沙嘅味道唔會好甜!椰棗拉糕係用紅棗糕同椰汁糕一層一層組合而成,質感極之煙煙韌韌,味道唔會過甜!桂花酒釀雙丸嘅雙丸係由多粒煙韌彈牙嘅小丸子同一粒軟滑芝麻湯丸組合而成,甜湯底有非常清甜芳香嘅桂花香味!總括:大廚控制每道菜色嘅味道恰到好處,過鹹或過甜,不愧係米芝蓮星級得獎食府! continue reading
(The above review is the personal opinion of an user which does not represent OpenRice's point of view.)
Level3 2016-11-16
2927 views
🗓15 Nov係FB見到朋友分享既🦀撻 即時被吸引 甘岩要同朋友食生日飯 立刻安排去尼到試一試特登尼食個🦀撻令我大失所望 一來個餡太咸 同個甜既皮完全唔夾 二來個皮太軟 一拎上手已經爛開 唔記得係38定58一件 總之一啲都唔值我地自己叫既大路野就唔錯 反而阿姐介紹個蝦仁窩巴唔知想點 佢話好特別 我就覺得特別得滯 😨 另外 我🙅🏻食🐟 不過三個朋友都話條小黃🐟超好食 最後因為甜品整得唔錯 將我失望既情緒沖淡左唔少😂 continue reading
(The above review is the personal opinion of an user which does not represent OpenRice's point of view.)
Level4 2016-08-29
6157 views
第五場生日飯係"幾條冷食番餐"的成員跟我慶祝,多謝他們細心哋選了浙江軒,圓了我想吃椒鹽元蹄的夢。一入內便看見這巨型魚缸生氣勃勃的,當晚還見有不少小朋友看得不亦樂乎呢!小吃係海苔花生,香脆可口,不過車媽媽不敢多吃呢!冷盤點了{燻蛋}$54/3隻和{蔥油紅蜇頭}$150。燻蛋煙燻味挺出,蛋白柔軟,而蛋黃亦軟糯甘香,如可再盪漾多點點就完美了!蔥油紅蜇頭麻香未算出色,海蜇頭質感較硬實,未能帶出爽脆口感。{椒鹽元蹄}$360,一上檯被驚豔的蹄膀靚樣嚇呆,龐大而肥美的腿腿不知我們能否合5人之力將之殲滅呢?侍應生待相機吃飽後便給我們用剪刀分成小件方便我們各人享用。元蹄做得好乾身,比起平常吃到紅燒的版本更為可口,椒鹽的豬皮軟糯黏咀,而肉質亦鬆化好吃,最重要係這煮法沒那麼油膩,最終我們亦差不多將之吃光光了*^O^*伴旁的並非珍珠葉,而係用芥蘭葉炸成香脆惹味配菜,多了一份芥蘭香氣好特別喔!!{剁椒魚頭}$260巨型的大魚頭上鋪滿香辣的剁椒,橙紅誘人的色調令人口水即時決堤喔!!大魚頭味道鮮甜嫩滑,片片的魚雲吮得我好滿足,剁椒香辣惹味,係略嫌過鹹了丁點,正好叫碗{陽春麵}$45來伴吃,真係要說句只有真情趣呢!!濃油赤醬過後當然要清爽D吃碟菜啦!{豆板莧菜}$110,莧菜青蔥鮮嫩,減膩消滯,係有點少貴囉!!好友Nelson兄吃不了辣便由Frankie推介多一款名菜{目魚紅燒肉}$240,這菜充份發揮濃油赤醬本色,光澤滿滿的紅燒菜式淨看已令人垂涎三尺。目魚乃上海人稱呼其實即係墨魚,這墨魚係處理過的乾品而非新鮮,質地唔係煙韌彈牙而係軟淋一絲絲的,但係佢嘅香氣就深深進入咗去腩肉深處,那黏糯煙韌嘅豬皮,吃得車媽媽非常愜意喔(╯з╰){韭菜鮮肉煎軟餅}$42/3隻,韭菜餅底面已給煎至焦香,咬下先係香脆然後係軟糯,感覺像煎香了的茶果般,中間嘅餡料亦都香口非常,我真的很喜歡它呀!{壽包}$90/6隻,多謝好友們幫我預備咗勁好食嘅壽包。佢並唔係一般嘅蓮蓉壽包,而係紅豆沙餡嘅壽包來的,紅豆餡幼滑起沙 ,而且甜而不膩,真係好好好味喔*^O^*多謝大家瞓身落力嘅浮誇演出,這個生日晚宴我真係十分開心,今年生日真的很難忘又豐盛,一班唔係識咗好耐嘅朋友,但係我哋內心都充滿著對方,充滿愛I Love You All(^_-) continue reading
(The above review is the personal opinion of an user which does not represent OpenRice's point of view.)
Level1 2016-07-19
5067 views
昨晚到浙江軒吃飯、一行人六人、大約八時到達(因要分二輪、要八時才可比枱)、上到餐廳有位接待員回覆、客人未走、坐下等等、……。八時二十分了、我上前問幾時可給枱、女接待員只回應、(客人未走、我幫唔到你、你坐多陣)、另一女侍應走過、(今日冇人手返枱、你等下)、我看入内廳、數一數、2女一男、、有枱冇人清理、女接待又話幫不上忙、回頭按電梯走了、整夜也氣難下、……只可以話米芝蓮係不可相信 continue reading
(The above review is the personal opinion of an user which does not represent OpenRice's point of view.)