22
0
2
5-min walk from Exit B1, Tsim Sha Tsui / East Tsim Sha Tsui MTR Station
continue reading
Opening Hours
Mon - Sun
17:00 - 04:00
Above information is for reference only. Please check details with the restaurant.
久違了既朋友聚會，因為openrice訂位有8折仲有Asia mile送就揀左依間試.平日7點去到得幾台. 但環境唔錯好適合兩個人吹水. 叫左幾樣野食一個柚子沙冰米酒. 依個好大. 幾香柚子味. 又冰. 係覺得甜左少少飲到最尾. 唔錯. 叫左個紫菜包飯，最鍾意韓式依隻清清地又可以自己慢慢渣既飯團🍙 加埋芝麻香口間野有幾種炸雞選擇，今次唔揀甜辣味，揀左個原味，兩個人食 食極都仲有咁點埋個韓式芥末醬一流之後貪得意叫左依個魚糕串串鍋仔，佢有埋個杯比你倒啲魚湯浸住啲串串魚糕，魚糕好食，但其實啲丸略嫌多粉實得滯唔彈牙，但想試下都值得一試，幾特別之後兩個人埋單折埋total 400, 依個價食咁多野又坐甘耐都值日山 10點幾11點先埋單走人，睇返先知本身有限時，可能人少少由我地兩條女吹到2046綜合：食物唔錯，如果之後可以平日吹到甘耐唔趕會再去
continue reading
油尖旺充斥著太多假泡菜店，付同等價錢，「酌」性價比算較高。薑蜜炸雞皮算薄而肉不柴，蜜比薑更突出，份量夠。大蔥牛肩肉，肉嫩沒有交行貨，男友大愛。粉絲海鮮粉絲麵偏辣，後勁強，海鮮料中等但大粒有咬口，粉絲彈牙口感不錯。配菠蘿果汁酒一絕！值得再來，呢個價+地段+質素，CP值高。
continue reading
我真的好少喺呢度留評語, 但為了其他唔知的人, 應該留下ㄧ篇个人評語, 如果你們睇完都仲想去, 就祝你好彩! (服務)好坦白講, 諾士佛臺就係我家附近, 所以由金巴利道至樓上舖都会係我的選擇! 我無需要酒店的服務, 但不至於好似我們欠了他們, 問个中國籍男人攞Menu 就黑面! 咩事呀? 我們來食嘢啫, 吾駛咁呀? 好多韓國歺廳枱面都有免費水提供, 呢間係要人買水飲!! ok 都算! 我点的是 Mango Smoothie! 但無芒果味, 真係好似無味沙冰!! 不会主动望下客人有無野需要! 只顧玩电話!!! 已經是10:30pm(平日晚) 場內吾忙, 但我們仍要按枱上的鈡, 因為我舉手無人理!!!(食物) 点了三款全是辣的, 連牛肉粉絲都小辣, 平時都食得辣, 但他們的勁辣 (menu 有寫的) 是譚仔的最勁辣多兩倍! 所以我只可以講我們可能吾食得辣囉! 但根本唔適合香港人去食! 但適合ㄧ些鈡意挑戰辣度的朋友! 總結: 若是不知道点做服務, 就吾好再做! 若是不知道如何煮食物, 就吾好再煮!
continue reading
諾士佛台附近餐廳都多，但係呢間嘅服務真係麻麻，食物質素亦很一般。店面大約有兩、三個嘅侍應（佔七成左右）係韓國人嚟嘅，所以唔識聽廣東話，需要講英文或者意圖試嘅方式去落單。不過都唔係問題，反而會覺得用韓國人服務更地道，應該整體會加分。睇之前食評，以為炸雞係推介，點知一食就覺得失望⋯ 🙁😭 我哋揀咗「蒜味豉油炸雞」（$158），炸雞味道較淡，唔juicy仲要好乾 😐🤦🏻♀️， 好硬但又唔係脆，似係炸過頭。可能喺韓國食過橋村炸雞太好食，對比之下，同朋友雙雙失望，每人食咗兩件已經覺得冇咩胃口🤧🤧「韓式牛肉炒粉絲」（$128）上咗菜之後，發現原來冇比齊餐具。一開始入座嘅時候，其實都已經留意到只係俾咗鐵匙羹，以為係嗌咗菜之後再補返相應餐具。不過冇所謂，問題係要解決嘅，飯都係要食嘅，所以只係即時諗着舉手示意侍應幫手補番每人一對筷子。之後朋友舉咗手超過5分鐘（真係有計時）都冇侍應過黎，好慘😭😐，舉到手都酸，隔離枱見到都覺得O晒嘴。個陣時間太概係8點40分，唔算係晚市中最繁忙嘅時間，眼見大部份食客都已經入咗座，享受緊野食。首先係放漏咗餐具已經係基本唔應犯嘅錯誤，但係有咩可能舉手咁耐都一個侍應過黎。後尾朋友仲話舉手期間，肯定有其中一個職員見到我哋舉手，不過仍然係遲遲都無人過嚟。最後，解決方法我哋只好打電話過去餐廳將要求傳達😵😵，電話只係打左大概左3秒左右就有人聽 （finally)由於為左等餐具，碟餸已經開始凍凍地， 相信已經錯過咗最佳進食嘅時機，食物質素都大大扣分。不過好彩， 「韓式牛肉炒粉絲」唔算太差。雖然牛肉算平平無奇，但係炒粉絲炒得唔錯，味道濃郁，唔會黐埋一舊。另外叫咗兩杯smoothie，分分別係芒果味同埋藍莓味，藍莓味意外地好味。只可惜，野飲唔會為到間餐廳拉大大返高過分。如果係尖沙咀真係好想食韓國嘢食，或者可以去韓國街嗰邊，不過通常都有好多人要等位。如果真係想試呢一間，建議你揀啲相對廉價嘅食物，比如係部隊鍋、魚餅湯等， 因為冇可能煮得難食 。
continue reading
最近openrice有不同優惠，見到訂座這間餐廳6:00前用餐有7折優惠，立即行動gogogo!環境方面餐廳的面積也蠻大，座位夠多，而且餐枱之間的空位十分充足，坐得好舒服。印象中餐廳於繁忙時間有用餐時間限制，要注意哦。服務方面因為非繁忙時段，上餐速度非常快👍而且我們要求食物與醬料分開時，也樂意幫忙。如果可以主動給水客人，會更覺貼心。食物方面這裡的東西蠻有驚喜! 我們點了沙律，五花腩，薯仔煙肉煎餅及紫菜飯。點餐後，侍應便程上前菜一小碟，有白蘿蔔，紅蘿蔔及青瓜，味道與一般韓式醃漬菜差不多。清新雜菜沙律 ($58)沙律是椰菜，紫椰菜，火箭菜等的雜菜絲，算是新鮮爽脆，配上酸醬汁蠻開胃，但份量不算多，也不算特別，個人覺得這個可以skip。韓式五花腩配香蒜大蔥 ($178)必須大讚這個主菜，非常好吃，而且份量夠大!👍👍五花腩煎得香口，加上泡菜及新鮮大蔥，非常搭調。這裡的泡菜是甜的那種，亦不算辣，食到不停口。不過有些肉是脂肪較多，吃完罪惡感很重。😂😂😭手搓飯團配紫菜蛋黃醬食韓國菜又點可以少得紫菜飯!! 這個飯的特別之處是自己飯團自己搓，大小自己話事。不得不提是將泡菜大蔥及五花腩放上紫菜飯團上，然後整個一啖放入口，個份幸福感真係爆燈。諗起都覺得大滿足~(抱歉我忘了價錢)煙肉薯仔煎餅 ($128)都算有少少驚喜，比想像好食。薯仔絲唔會細細條，都有咬口，配上煙肉無咁單調。醬汁應該是平常吃海鮮煎餅的醬汁，都算夾。加$10便可以加芝士，看圖是蠻吸引的，芝士愛好者不妨一試Blueberry Smoothie ($58)這個感覺更像砂冰，冰感實在太強，味道也像濃縮果汁那種，個人覺得一般。但餐廳的飲品選擇很多，由其是果汁加米酒/燒酒，感覺蠻吸引。整體來說，個人覺得比一般的韓國餐廳略貴一點，不過地理位置方便加上食物質素也不錯，也會推薦朋友和再來一試其他菜式。
continue reading