YuMo Cheese

在荃灣的Yumo Cheese，takeaway買左4件返屋企食～開心果巴斯克和咸蛋巴斯克都令我驚艷。開心果巴斯克的口感柔滑，淡淡的堅果香氣與奶香完美結合，開心果味甜而不膩，令人陶醉。咸蛋巴斯克則帶有獨特的鹹香，咸蛋的風味與芝士的濃郁相互輝映，讓人每一口都充滿驚喜，令我喜出望外，真係好好食。這兩款甜品不僅味道層次分明，更加唔係好甜，絕對值得一試！強烈推薦給想試唔同巴斯克味道既朋友…Read More

💚開心果巴斯克（$62）🍫生朱古力麻糬巴斯克（$56）☕️咖啡冧酒巴斯克（$50）價錢定位係有啲進取，但真心好食架喎！🌟巴斯克creamy得嚟，芝士香十足~喜歡佢中間軟心順滑，旁邊就比較實在，食到兩種唔同口感👍🏻值得一提，好難得有開心果嘅product可以有咁出嘅nut味😬咖啡味☕️都做得好好，苦得來中和咗芝士嘅膩感，呢個我絕對可以一個人食晒😆(唔計卡路里嘅話)我就唔推麻糬款巴斯克，麻糬做得麻麻，口感一般，唔太夾，唔係好知佢存在嘅原因🤣…Read More

網上睇到才知道有間咁正嘅芝士蛋糕店在我附近，經過幾次撞正佢休息（逢星期一休息），今次復活節終於遇到佢開門。他們的種類算多，有麻糬栗子，Tiramisu, 阿華田味，咖啡酒，黑朱古力巴斯克和牛乳卷等等。嚟到當然要試開心果芝士蛋糕，開心果好香，芝士亦唔硬。同時亦買左原味巴斯克芝士蛋糕，芝士味好濃郁，唔會太甜。下次想試下開心果卷。…Read More

收藏左依個蛋糕店真係好耐 但一直唔就腳，一係撞正休息日就冇去 。 今日因為去開荃灣行山 行完山見有時間就去一轉。 位置係近荃灣西 、荃灣西街市嗰邊。店舖主打係巴斯克 也有麻糬卷、蛋糕卷賣。 作為好耐冇食巴斯克既巴斯克迷， 今次唔理減肥都要食下😂😂諗左好耐， 見啲人介紹咸蛋黃巴斯克，但係驚中伏 ，就都係叫番比較穩陣既特濃提子巴斯克蛋糕（$56）大小黎講其實幾大舊 對得住個價錢。 味道方面其實個人認為不至於好濃😅 不過唔知係咪因為近排食得比較清既緣故，食落去未至於好重冧酒味。 提子都幾多😂😂 成件巴斯克口感幾軟熟同水潤（？） 因為見個底都濕濕地 可能因為啲冧酒聚係底？？🤣 中間有點流心感覺 芝士味也不算太重。 整體黎講不過不失。 下次有機會再試下其他口味。 好彩撞正今日最後一日 ， 見到貼左張紙，聽日開始店家會休息6日 ， 唔係就錯過左 白行一次😂😂…Read More

前日（22-2-2025 Sat）晏晝，同亞姨，老公喺荃灣買完嘢後，就帶亞姨嚟食我同老公食過嘅呢間食芝士蛋糕（食評係2025年2月16日到登嘅呢篇：https://www.openrice.com/zh/hongkong/review/%E9%8D%BE%E6%84%8F%E5%91%A2%E9%9A%BB%E5%8F%A3%E6%84%9F-e5914975），我哋嚟到時好彩冇人，入去見到有好多款式，今次老公唔食芝士蛋糕，食$32.00嘅芋泥生乳卷，亞姨就揀$56.00嘅玄米茶粟子麻糬芝士蛋糕。由於座位關係，我同亞姨share食玄米茶粟子麻糬芝士蛋糕，呢個玄米茶味道好夠，麻糬偏軟唔算好煙韌，而原來栗子係粒粒，但唔腍同冇乜栗子味，係為咗增加口感？而今次呢隻芝士蛋糕係食唔到軟芝士嘅口感。4分至於老公嘅芋泥生乳卷，我就食少少，芋泥上次已經食話過，味道唔濃，而卷蛋就正常軟熟，呢個就貴咗啲。3分抵食係2.2分…Read More