肉浦團火鍋放題 (Closed)

去完旅行返到黎好想打邊爐，朋友就介紹黎肉浦團食😜我地簡左食set B, 原本限時架，不過而家已經改哂做不限時食好抵😎 長者佢都設有優惠我覺得幾好醬料選項有好多，竟然有黑蒜豉油，中意食辣既一定要加花椒油呀，好香！另外有自助櫃 啲丸類同配菜一啲都唔馬虎， 質素好好，我好欣賞牛柏葉同埋潮汕牛丸👍🏻👍🏻 推薦食蒜味一口腸！有提供其他熟食，主要係炸物必試佢地既瑞士雞翼，好入味，但又無煮到老哂飲品櫃就正常發揮，介有得飲啤酒讚讚佢有無糖可樂😙😙我哋叫咗麻辣火鍋， 10分推薦呢個湯底佢唔係剩係得辣，花椒味都好香當然仲有好多蔬菜俾大家選擇牛方面有封門柳、澳洲M5和牛我就比較鍾意食個和牛，牛味好濃仲有牛背峰俾我哋揀，塊塊油脂分布平均因為同朋友都係食肉獸，所以我哋另外加錢嗌咗A和牛,諗住本身套餐包嘅牛已經好好食，點知A5和牛真係冇得輸入口即溶！！超級超級超級超級推薦大家叫呢個A四和牛胸！！嗰種油香真係唔係其他牛肉可以比得上最後仲有兩件甜品仔🤣

「打邊爐 最緊要係朋友呀!!!」 肉浦團火鍋放題，無限時任食火鍋，岩曬同朋友吹水吹唔停!簡左set B ，肉類已經好多，夠曬選擇肉類要用QRcode落單，為免浪費，每次都有限最多落單數，岩曬眼闊肚窄之人其他菜同配料都係自取仲有唔同頭盤、炸物、飲品自取，仲有自家茶包，岩曬消滯胡椒豬肚湯底胡椒嘅香氣瀰漫喺湯底之中，帶出濃厚嘅辣椒味同胡椒嘅香醇。豬肚則帶有彈牙嘅口感，加入湯底之後，更能夠吸收湯汁嘅風味，令味道更加豐富濃郁椒鹽炸燒賣炸燒賣外皮金黃酥脆，內餡鮮嫩多汁。椒鹽調味帶有微辣同微鹹嘅味道，令炸燒賣更加香脆美國安格斯牛板腱牛肉質地鮮嫩，帶有豐富嘅肉汁同牛肉本身嘅鮮味。每一片牛肉切片都薄而有彈性，入火鍋之後迅速熟透，保持咗牛肉嘅嫩滑質感同濃郁嘅牛肉味道薄切封門柳牛肉薄而富彈性，能夠迅速熟透，保持住牛肉嘅嫩滑質感同濃厚嘅牛肉味道澳洲M5和牛牛肩胛係牛隻經常活動的部位，牛筋和牛筋膜較多，肉質彈牙細嫩、脂肪分佈均勻，帶有豐富的油花牛滑精選澳洲、紐西蘭進口草飼牛肉製成，牛肉質感重，帶有微微的甜味和豐富的肉汁台灣阿給阿給的豆腐外皮柔軟滑嫩，搭配粉絲的嚼勁，帶來了豐富的口感層次。甜辣醬汁則為阿給增添了甜

🧚‍♀️吃貨嘉嘉今日去左旺角同朋友食飯，朋友話想食好多肉🤣🤣就唯有去火鍋放題！吃貨嘉嘉同朋友分別揀咗藥膳花雕醉雞湯🐔同蕃茄豬骨濃湯🍅兩個湯底都好濃同埋好多料😚藥膳花雕醉雞湯可以自己調校酒嘅濃度，打邊爐之前都一人飲咗一碗湯！叫好湯底之後，就開始我哋嘅食肉之旅🥩呢度嘅牛肉拍得上高質素嘅牛肉火鍋餐廳😋😋入口嫩滑又非常之有牛味！蔬菜區同丸類區好多選擇，全部都好新鮮🥬個人大推牛柏葉，好爽好正！除咗可以任叫嘅牛肉同蔬菜丸類，呢度仲有一啲特色嘅小食、糖水同炸物😍多到食唔晒！ 🧚‍♀️總結：好抵食，平靚正嘅一間任食火鍋！同朋友一齊嚟聚會一流😋😂

#christine開飯日記 好耐冇打邊爐，成日都見到人食依間打邊爐放題。入到去已經見到好多有香港特色嘅漫畫做背景🤭裝修都幾特別架🌟Set B-無限時放題 （$298）我地就揀左中間價錢嘅set B-澳洲M5和牛肩胛，美國安格斯牛背峰，越南虎蝦，薄切封門柳同牛骨髓都係任食嘅🥰仲有自助吧可以任食，款式都幾多架🥰🌟藥膳花雕醉雞湯湯底我就叫左藥膳花雕醉雞湯，貪佢又健康又滋補🤭花雕酒味都幾濃架🥰雞肉係用雞髀肉嘅，所以好滑身，而且啖啖肉🥰🌟薄切封門柳牛肉方面我都幾推介封門柳，好有牛味，同埋油脂分布都好正🌟牛滑我都幾欣賞佢嘅牛滑，整得好爽口彈牙👍而且不失牛嘅香氣🌟牛骨髓係咪冇乜見過放題會有牛骨髓食呢🤭佢食落滑嘟嘟咁👍都幾正架🌟自助吧佢嘅自助吧款式都幾多架，蔬菜都有十幾款，又有唔同嘅丸款👍真係拎人眼花撩亂🌟甜品食完打邊爐之後仲會有一份甜品送🤭我哋就揀左抹茶芝士蛋糕同原芝士蛋糕。芝士味好香濃而且好滑身🤭努creamy 😳無論係環境同食物質數嘅性價比都好高，快啲約埋三五知己去試下啦❤️🍴肉浦團火鍋放題 (旺角)📍旺角通菜街1A-1L號威達商業大廈2樓A號舖

放假同朋友去咗旺角行街，行完街順便喺附近搵啲嘢食，見天氣有啲凍諗住去食火鍋，朋友帶咗我去一間火鍋放題食物質素好好。肉蒲團火鍋放題，餐廳位置喺通菜街1A威達商業大廈2樓。餐廳地方闊落.空間感足夠， 自助區嘅食物每一種類都存放得好好，感覺好乾淨整齊，自助區有火鍋配料.蔬菜.即食麵出前一丁.辛辣麵，仲有啲即食嘅小食.例如炸魚皮，薯條，麥樂雞，炸燒賣。飲品都係自助形式.有啤酒，汽水，茶，紙包飲品，大概有十幾種選擇。Set C 無限時任食368元肉類有.和牛肩胛肉眼，和牛胸片，和牛後腿肉，和牛肩胛，安格斯牛板腱，安格斯牛背峰，牛骨髓，封門牛柳，牛五花腩。我就最鍾意食和牛肩胛肉眼，肉眼嘅肉質比較嫩 牛肉味香濃，有入口即溶嘅感覺，加上油脂分佈均勻令到牛肉味更香濃。五花腩同豬梅肉都係我嘅至愛，豬梅肉肉質嫩滑入口比較多油花味道更加香口。海鮮我就鍾意食廣島蠔同越南虎蝦，廣島蠔味道鮮甜，肉質爽口。越南虎蝦size都算大隻，一食就知好新鮮，蝦肉爽口彈牙。仲有六款湯底選擇，性價比高，食材新鮮。

朋友介紹咗間係旺角嘅無限時任食火鍋🍲餐廳，打邊爐如果限時其實都幾有壓力，又要食又要傾計💬哩間無限時而last order 就係10:30，慢慢食又傾到飽都夠哂數🤭🤭肉浦團任食火鍋有3個價錢，分別係牛肉質素同食物嘅種類，我地揀咗中間價錢，仲有自助區嘅丸類、蔬菜🥬同小食炸物等，種類繁多仲有啲比較少見嘅款式，肉類海鮮等就用qr code 自助點餐，方便又無漏單情況👍🏻👍🏻湯底都有七款，我哋揀咗滋補嘅藥膳花雕醉雞湯，一上台已經有1/4隻雞同埋一壺花雕酒，等湯底滾咗之後再放落去👍🏻👍🏻湯頭偏甜，花雕酒煮一陣都已經揮發咗，唔使怕酒味太濃烈🤭小食冷盤前菜都有唔少款式，可以一邊食住等其他食物淥熟🤭推薦炸燒賣、手拍青瓜🥒同麻辣雲耳自助區有唔少少見嘅特色台式丸類，香芋貢丸、蝦卷、芥末貢丸等，香芋貢丸真係包住綿綿嘅芋泥嫁😲響鈴同炸魚皮都可以係自助區搵到，任食食到飽👏🏻👏🏻牛肉方面就大推脂肪較少嘅牛板腱、牛味最濃嘅封門柳同埋澳洲M5和牛牛肩胛，M5和牛嘅雪花紋好吸引😍脂肪同肉嘅比例平均，encore 咗幾碟嫁👏🏻另外都推薦大家可以試台灣阿給，其實佢係豆卜包住蝦滑冬粉等嘅火鍋配料，食落都唔錯可以一試😆雖然甜品就

今日同朋友到旺角試呢間Openrice上好多好評嘅火鍋放題店。見到餐牌有好多選擇，而套餐B都只係$298，真係好抵！於是就揀咗最吸引人嘅醉雞湯底。自助bar選擇都唔錯，大部份放題見到嘅蔬菜都可以係到搵到。另外，肉類可以用QR code落單。選擇超多，例如封門柳、澳洲M4和牛、牛板腱、同牛肩峰。牛肉脂肪分佈唔錯，食落鮮嫩，個人特別鍾意牛板腱同牛肩峰，比較滑身少少。每種牛肉食落口感同味道都唔同，都不妨一試。另外仲有蝦同墨魚片，呢幾樣都好好食，值得一試。最後仲有甜品可揀瑞士朱古力卷，或者Haagen-Dazs雪糕。作為雪糕愛好者，最後揀咗Haagen-Dazs。整體而言都唔錯，價錢唔算貴，性格比都幾高。

係任食A4和牛啊！！！A4和牛任食真係唔係度度都搵得到不過旺角呢間任食打邊爐，竟然做到😱😍重點係佢哋嘅湯底，竟然有花膠雞湯揀！夜晚放工過嚟打邊爐揀咗鴛鴦鍋(+$40)問咗佢哋而家嘅特別鍋底係咩竟然有花膠雞鍋啊 而且只係加$68就食到 湯底仲要係唔收費任添湯底超級濃郁 未開始打邊爐我就已經飲咗幾碗湯喺出邊食邊爐，求其叫過花膠湯底都要$300至$400啦呢度竟然係任食邊爐，真係好有誠意另一個湯底，我哋就叫咗麻辣鍋好惹味，而且越煮越辣超級正！而套餐方面，我哋梗係揀咗最正嘅套餐C 包咗A4和牛任食和牛分別有以下選擇1. A4和牛肩胛肉眼睇吓啲雪花幾咁靚 而且佢唔會因為任食就求其俾薄薄一片你呢個超級大片厚身 食落去好有口感，而且牛味好足2. A4和牛牛胸片呢個係我嘅最愛 佢嘅油脂比上一個更加重 入口即溶 叫10碟都食得晒呀😍3. A4和牛後腿肉呢個相對油脂就冇上面兩個咁重 不過相反地佢牛味就會比較濃郁 啱晒啲唔鍾意咁肥膩嘅人除咗以上三個和牛 封門柳都好唔錯佢嘅海鮮都非常唔錯，好好大隻同埋鮮甜蝦肉質彈牙佢呢度嘅調味區選擇比其他火鍋店更加多另外佢都有其他火鍋料自助咁就唔使落order要等啦另外佢都有

旺角呢間肉浦團火鍋放題位置超方便 見到個名都知呢度主打食肉🥩🥩而家做緊無限時火鍋 大概2230last order 今日我地食set C 叫咗清酒味噌卜卜蜆湯同埋胡椒豬肚湯😋我地每款肉叫咗一碟 但最後可能係因為跟人頭計每款嚟咗2碟 食到超飽🤣 大家要留意番呢個 廢事叫咗太多食唔晒😂呢度主打食肉 有3款A4和牛可以任食 牛嘅油花分布得好靚 牛味好香 推薦食A4和牛肩胛肉眼 和牛牛胸片同後腿肉👍🏽👍🏽另外出面會有自助配料吧 有唔同嘅丸 菜 仲有烏冬 辛辣麵 麥樂雞 薯條可以拎👍🏽最後侍應會嚟問我地想食雪糕定係芝士蛋糕 我地揀咗抹茶芝士蛋糕食😋呢度環境好靚 坐得好舒服 員工服務又好 仲要係無限時食 超級啱一班朋友嚟食👍🏽👍🏽

打邊爐無限時真係食得爽啲，唔洗睇住時間，可以慢慢食👍🏻揀完湯底同邊款set之後就用QR code自助落單，Last order係22:30🤓📌Set C($368加一)有最多唔同部位嘅牛揀，🔎而火鍋配同調味料就係自助區基本上所有配料都好齊全，仲有辛辣麵可以揀，🥢熟食方面有瑞士雞翼、炸薯條、炸魚皮同埋鳳爪🥃飲品方面除咗凍飲之外仲有茶包可以沖熱茶飲👍🏻🔺藥膳花雕醉雞湯花雕味好香，打邊爐之餘仲可以飲埋湯😋跟湯會有一壺酒同埋一碟雞，要先將啲雞放落個湯慢慢煮先入味，想酒味重啲又可以加多啲酒🫖🔺A4和牛肩胛肉眼肉質彈牙，油脂分佈平均，入口即融💯🔺 A4和牛後腿肉油脂偏少，肉味重啲，唔多筋😊🔺 A4和牛牛胸片肉質比較實，油脂偏多🤓🔺薄切封門柳肉質好嫩滑，牛味較濃🔺美國安格斯牛背峰牛味最重嘅一款，油脂分佈平均，好香牛味🤤最後仲有甜品送，可以揀雪糕或者芝士蛋糕😋Set C仲有廣島蠔、虎蝦、、豬肉、雞肉、水餃，不過掛住食牛未試到其他➡️ 整體Lamlam脷指數😋😋😋😋 (4/5)➡️整體評價: 依個價錢可以試到咁多款牛真係好抵食，全部都好新鮮，湯底唔咸，好足料🥰➡️ Encore指數 ⭐️⭐️⭐️⭐️⭐️ (5/5)

今日放假又去咗旺角行街.見到天氣凍諗住搵個打邊爐食下.朋友帶咗我去一間火鍋放題.食物質素好好.值得推介。肉蒲團火鍋放題.地址旺角通菜街1A威達商業大廈2樓.餐廳環境闊.地方整齊乾淨.連出面啲調味料,火鍋食材都係存放得好好,整潔企理,值得一讚。今日同朋友食咗個m5 m8和牛餐 368蚊任飲任食.性價比高藥膳花雕醉雞湯.湯底味道清甜陣陣嘅花雕香味同雞嘅味道好夾.花雕雞湯用嚟淥牛肉味道特別鮮甜香口.增添牛肉嘅鮮味同味道嘅層次。美國安格斯牛板腱.牛肉味香濃.油脂分佈均勻令到牛肉味更加突出。澳洲m5和牛牛肩胛.肉質比較嫩腍.牛肉味更加香濃。海鮮方面廣島蠔同越南虎蝦都係我嘅最愛.廣島蠔size雖然唔大隻但係蠔味香濃.味道鮮甜.入口肉質爽甜真係好好味。越南虎蝦size又大隻又新鮮.蝦肉肉質爽口彈牙.一食就知食材好新鮮。另外出面仲有好多火鍋配料熟食飲品任君選擇.辛辣麵.出前一丁.烏冬.全部都有.今餐真係好滿足。

肉浦團火鍋放題📍旺角通菜街1A-1L號威達商業大廈2樓A號舖 今次去咗間打邊爐店- 肉浦團，聽見個名會令人諗起戲名🤣， 店內裝修亦都用上唔少電影元素， 好似有魷魚遊戲、拆彈專家等， 再加以改良，令到好有一番香港特色， 例如：魷丸遊戲等等😍😍我同朋友今次叫咗最貴嘅setC $368， 入面仲有a4和牛可以選擇， 喺門口見到不限時間，心諗邊有咁筍嘅嘢，入去掃order個個qr code見到限時去到第二朝，又真係唔限時咼😙😙，可以同朋友邊打邊爐邊吹水，享受收工後嘅時間😆😆餐廳有好多唔同火鍋湯底畀我哋選擇🍲， 今次期間限定湯底有花膠雞湯🐓同埋沙爹湯， 我哋就叫咗個鴛鴦鍋（+＄50） 沙嗲湯 mix蕃茄豬骨湯， 沙爹湯好濃郁， 蕃茄湯又可以帶出食物嘅甜味。食物方面種類都多，我哋叫咗美國安格斯牛板腱、黑魚片、北吉廣島蠔、台灣阿給、韭菜猪肉水餃、牛滑、A4 和牛肩胛肉眼、A4和牛後腿肉、俄羅斯豬梅肉、特選雞脾肉、燕餃等等，食物質素都好高質👍，🐮A4和牛肉眼油脂分到非常平均， 好似入口即溶咁，和牛後腿肉比較重肉味但小啲油脂，啱曬中意啖啖肉嘅人。牛滑非常彈牙又有牛味， 水餃同埋豬梅肉都非常好食，我同朋友

首先裏面顏色好豐富，玩味十足 中間係醬料 食物區 熟食 飲品區裏面你睇到嘅都係我哋熟悉嘅電影 相關文化嘅產物呢個價錢食A4 仲要係冇限時任食 牛肉全部都係大大塊 食得零舍開心唔鍾意食油脂豐富嘅就食牛胸肉 想食精瘦啲 牛味重嘅就食牛腿肉 封門柳第一轉同之後加單嘅質素都係一樣 唔會第一轉好靚 之後就俾啲次等既你醬料選擇好多 啱晒有要求嘅香港人有啲食材都比較少見 例如台灣阿給 估唔到又幾好食Set C-無限時 $368一位期間限定湯底-----特濃沙嗲湯另外仲有好幾種湯底選擇 鴛鴦鍋再加$50薄切封門柳 美國安格斯牛板腱 越南虎蝦 A4和牛後腿肉澳洲M5和牛牛肩胛 A4 和牛肩胛肉眼 牛滑牛骨髓 雞腰子 北吉廣島蠔黑魚片 A4 和牛牛胸片薄切封門柳 A4和牛後腿肉美國安格斯牛背峰Haagen-Dazs芒果雪糕芝士蛋糕

肉蒲團火鍋位於旺角，係一間主打火鍋放題嘅火鍋店。今次同朋友揀咗Set C😍同埋期間限定嘅沙嗲湯底🥰 湯底好香濃，火鍋配料基本上唔使加豉油已經好有味🤣呢間火鍋店嘅食物選擇都幾多元化，有各類高級牛肉、豬肉、雞肉、海鮮等。* M5和牛牛肩胛：選用上等的M5和牛，肉質鮮嫩多汁！* 澳洲安格斯牛背峰：油脂豐富，口感唔錯！* 北吉廣島蠔：蠔肉肥美！* 越南虎蝦：蝦肉彈牙，鮮味十足🥰飲品方面，餐廳提供多款汽水、果汁、啤酒、茶飲等選擇。埋單仲有一人一個甜品添🥰

肉食控的天堂！A4和牛任食🌬️有小小凍 打邊爐是必須的這家店有4個價位選擇 當然價格越高，食物選擇越豐富，品質也越上乘。任飲任食120分鐘！🕰️💺座位空間寬敞舒適，裝修風格獨特且充滿心思，好多魷魚遊戲嘅海報🎥🖼️📱通過QR碼手機下單，牛肉、豚肉、雞肉、海鮮應有盡有！🥩🍖🍤🦞蔬菜丸類則在自助區自己出去拎🥬🍡🍹除了罐裝飲品，還有熱飲茶包供選擇。我們選了花膠雞湯底 同埋麻辣湯底職員建議先品嚐湯底，有好多花膠充滿膠原蛋白🍲🍗店員叔叔超細心上菜同埋收碟都好快🔄refill湯底時 唔係加水，而係加入花膠雞湯 味道更加醇厚。薄切封門柳和安格斯牛小排，肉香濃郁，口感極佳！🥩🍖仲有木瓜西米露同埋抹茶芝士蛋糕🍰食做結尾真係好滿足😌