肉浦團火鍋放題 (Closed)

今日嚟到旺角打邊爐😛，一向都鍾意揀可以任食嘅餐廳😚 佢有幾個餐比大家選擇，可以視乎預算簡～一埋位可以用QR code落單📱📱，牛嘅種類都超級多🐮🐮🐮。第一輪嘅肉佢會用一個比較精緻嘅上菜方式，有啲乾冰🧊🧊喺度都幾啱打卡☺️除咗肉類各式各樣嘅海鮮都會有的，出邊仲有自助區可以拎蔬菜同埋丸類☺️整體而言個味道都算唔錯😋😋😋，對得住個價錢～而且食物嘅上菜速度都快，要回本真係話咁易🤓😆😆

平時都會出旺角，然後發現係女人街個邊開咗一間新嘅打邊爐嘅餐廳叫「肉浦團」由於我係平日中午去食，所以無book 到位，就咁walkin 入去都有位同普遍嘅打邊爐餐廳一樣，因應唔同食材嘅供應分左唔同嘅價位Lunch 由 $138/位 - $358/位如果經openrice 訂位仲有discount我今次揀左$198/位 嘅「團」套餐🥩肉類有安格斯牛小鍵、安格斯牛下篇肩胛、封門柳、澳洲M5和牛、牛肋骨條、牛五花、俄羅斯豬梅肉、俄羅斯豬五花、雞髀肉、雞腰子等等。估唔到呢個價位可以食到M5和牛☺️🦐海鮮有廣島蠔、越南虎蝦、原隻魷魚仔雖然選揀唔多，但都幾鮮味啲海鮮，虎蝦都成隻手掌咁大隻！❤️飲品有一個大大嘅飲品櫃。可樂、雪碧都有。想健康啲又可以揀佢自家製嘅洛神花茶。驚喜嘅係有anson lo 代言嘅ooha🫶🏻其實基本上，我地係食肉食飽左個肚，佢啲肉真係好高質好靚。同埋要讚嘅係佢嘅藥膳湯底好出色，啲食材淥一淥超入味，真係勁鍾意呢個湯底👍🏻—————————📍 肉浦團火鍋放題Yuk Pot旺角通菜街1A-1L號威達商業大廈2樓A號舖—————————

講起肉蒲團，第一樣嘢諗起一定係杜汶澤朗讀嘅<3D肉蒲團投訴潮文>。「點解好地地一套咸片，會血仲多過汗/精？慘叫、哀號仲多過呻吟、叫床？」「點解好地地一套3D咸片，3D嘅竟然係子彈、飛刀、石頭、血、內臟，而完全唔關性愛事？我寧願3D嘅係精，寧願俾葉山豪顏射我，都唔想睇子彈飛刀呀，要睇子彈飛，我睇讓子彈飛唔好？」成篇潮文簡直係經典，見到餐廳名淨係識笑，入去嗰陣完全見唔到有Anson Lo企咗喺門口。餐廳有四款任食套餐，分別係肉、浦、團、同埋唔記得咗第四款係咩，咁呢餐飯係慶祝大佬升職加人工佢請，我哋就要咗「團」嗰個套餐，第四款仲貴啲不過我哋幾個都認為好唔低食，冇必要打個邊爐用超過四舊水。醬料同配菜都充足，佢有隻醬比較少見，係日本黑蒜豉油，幾香，啱我鍾意食重口味嘅人。湯底有成六七款選擇，我打過咁多次邊爐未見過用清酒麵豉蜆湯做火鍋湯底，老實講食唔到有清酒或者麵鼓味，不過有好多蜆食。職員會喺你食之前放低個牛肉拼盤，個盤放咗乾冰，做到有種煙霧瀰漫嘅感覺，放上ig應該幾靚不過我唔識影靚相亦冇興趣去學。肉主要都係牛同豬，有幾款唔同類型嘅肉，係幾好食肉質都唔錯，只不過唔係好分得岀邊款打邊款

好耐無食呢類任食邊爐，今次可以狂食牛實在大滿足。同一般任食火鍋類似，有唔同嘅湯底同價位嘅set 可以選擇，當然愈貴愈多好款。不過我就無揀最貴因為覺得都好夠款。食物分2大類，肉類就用電話scan QR code 落單，其他就可以係自助區拎。開始會直接上一個拼盤，打卡一流，雖然薄切但都好食。之後點嘅每碟都唔會太多，可以試晒啲款都唔怕。建議可以每樣試一碟先encore 鍾意嘅部位，肉嘅質素同味道都出色！Btw 好彩訂左位，本身以為平日無咩人，點知都好快滿座，走個時要排隊。環境幾靚，同坐得舒服，唔會好迫。雖然限時，但啲野上得快所以唔會好趕。食物質素同服務都有驚喜，性價比高，食肉獸一定會好滿足！食到勁飽之後先知原來仲有甜品，真係好抵食

呢日lunch 好想打邊爐, 黎到旺角呢個肉蒲團試試佢! 因為好肚餓同想食和牛既關係,我地揀左要團餐, $198~ 入到去坐位方面都好闊落, 我地兩個人都坐左個4人位, 夠哂位放野食, 肉類同海鮮就要用QR CODE 落單, 而出面就有飲品、丸、菜、炸物等等既食物~ 佢既飲品都有好多款, 無糖有糖或者可樂個D 都有~ 炸物就有薯角個D, 我見呢輪D 炸物拎完, 佢會REFILL 另一款, 例如係咖哩角咁, 想食下炸野既都可以出去睇睇, 我就試左咖哩角, 因為佢有燈照住, 都夠哂脆口同香口! 醬料區都係係出面自己調, 都有好多唔同既款式可以慢慢揀~ 至於丸類都有唔少款, 食落都好彈牙, 唔似放左好耐唔新鮮個D, 菜都有唔少款式, 如果出面D 野食就冇店員都好快REFILL~ 另外就要講番呢個餐既牛肉, 真係非常之好食, 我好中意佢個M5和牛牛肩胛, 大塊得黎冇乜油脂,你可以好清楚食到D 牛味同埋唔駛幾塊夾住一齊食先有味! 因為佢夠大塊, 所以你食一塊都好夠味! 佢既牛小排就同M5和牛牛肩胛相反, 比較多油脂, 所以食入口都食到牛既油脂香! 湯底方面我地就揀左昆布, 清清地食到牛既香味,

身為一個食肉獸，呢間打邊爐真係好啱我！平時個d任食打邊爐，牛肉豬肉其實都係得兩三款比人揀，但係呢間係超多種類，唔同部位，唔同產地，包有一款啱心水🤤有4個任食等級可以揀，我地就揀左團，已經有超多款肉可以揀。一開頭點左4款唔同嘅牛，上枱個陣竟然係勁高級勁靚，用一個霧煙嘅碟，非常精美咁擺放左4款牛。以為自己食緊過千蚊嘅高級餐廳。非常賞心悅目。我地全部肉都點左一份，我就覺得澳洲M5和牛牛肩胛同埋安格斯牛小排係最好味！肉質好嫩滑，牛味好濃郁！所有牛肉嘅雪花花紋都好靚，絕對唔係普通平價肥牛！每一款淥完都唔會覺得好靭。任食黎講真係好高質素。湯底方面，我地揀左醉雞湯底，隨湯底附上鮮雞件。d雞肉吸左醉雞湯底，好好味！肉質唔似普通雪藏雞咁稔，而且非常有雞味！食過一次之後，真係好想再食！

本身約左朋友黎肉浦團到打邊爐，點知遇上8號風球，咁就改期到聽日啦，改食晏晝價錢仲平左，抵😆叫左團餐，晏晝價$198一位，已經有澳洲M5和牛食，仲有安格斯牛肉、鹿兒島黑豚肉、雞肉、海鮮等選擇，自助區有蔬菜、丸類等。湯底要了壽喜燒，個人覺得偏甜了少許，後來加湯一次就好多了，哈哈，加完湯都仲係濃濃嘅甜豉油湯底，唔似有啲店加完湯就無晒味。點團餐有個牛肉併盤送，仲有日本雞蛋，先嚐嚐邊款牛啱口味，反正都係任點唔使爭。店內用qr code落單，好多款唔同部位嘅牛肉呀，正喎，咩都來一份先。個人覺得牛肩肉、牛頸脊、封門柳同牛小扒都好正，當然和牛入口都好滑好好味。除左牛肉，黑豚肉片都幾好，很滑唔酥㗎。其他仲有蝦滑很彈牙，芫荽豬肉餃好重芫荽味，全部都好食。自助區有大量蔬菜、雜菇等，菠菜、鮮淮山、魚腐、午餐肉都係至愛，攞左唔少黎淥😘飲品有無糖茶、汽水、啤酒等，仲有呢支自家製洛神花茶都係無糖㗎，酸酸地幾好飲。甜品無得任食，每位有兩件蛋卷仔，係早排一條難求嘅日本蛋卷，雪凍左個忌廉好似雪糕咁，又香又滑勁好食，兩件已經好滿足。餐廳四點落場，我地兩點二入座，本身應該食90分鐘，但超左時都無趕我地走，可能平日無咁緊張？賺

今日突然間好想瘋狂食肉 就嚟到呢間連名都有個肉字嘅火鍋放題度食下 結果真係食得好滿足 一堆地方坐得好舒適 喺掃 qr code落單 而且仲有一個自助區域 可以自己拎醬阿菜呀丸呀嗰啲我哋揀咗個多啲選項嘅套餐 都唔係貴好多 感覺好抵食 因為肉類真係好多嘢揀 先嚟咗個牛嘅拼盤 牛板腱 牛頭脊 牛小排 各種唔同部位同口感嘅選擇都應有盡有 仲要每款都係精品 紅卜卜好新鮮 油脂分佈平均 絕對唔馬虎 輕輕淥一淥變色 就可以放入口 牛味香濃唔會騷 肉質軟滑另外佢嘅原隻魷魚另外印象好深刻 未見過會真係原隻而且size非常大咁上枱 一啲都唔孤寒菜嗰方面居然有我好鍾意出面又好少見嘅蟲草花 真係食得好過癮食完成餐 仲會有個小甜品附送 今日食到嘅係日式忌廉卷 整體嚟講成個set都好有心思 食得幾開心

用OpenRice預約，4人同行一人半價，仲有生啤放題送，我地簡左團餐，壽喜燒湯底，有4隻日本蛋送。牛肉整體都好好，M5牛同鹿兒島豚肉都正路，牛小排同牛頸脊都好食，封門柳就麻麻地，因為朋友們唔食蝦同蠔所以冇試，除牛肉外款式較少，飲品普通冇乜選擇，花茶只有洛神花。另外甜品只有薑味🥶榴連味🤢既雪糕，或者涼粉。牛以外既都唔滿意，牛就ok既，如果食埋海鮮性格比會更好。但係因為甜品關係，我應該可一不可再。

今日同家姐出旺角，佢話好耐冇打邊爐，就去食下啦☺️肉浦團火鍋放題，家姐為左anson lo 😙我哋揀咗團既90分鐘午市套餐放題😉座位都好舒適☺️醬料任點，仲有個自助食物吧我哋叫咗個芫荽皮蛋湯底☺️一嚟到擺盤好靚，先俾我哋試左4堤牛肉，其中牛板腱特別出色☺️哩個裙邊肉我地都encore左，都係比較出色☺️佢牛既款式好多☺️另外佢個牛滑蝦滑都好味，特別推介牛滑，佢好似更香既蒸牛肉球，第一次試☺️總括嚟講，呢間火鍋放題牛嘅選擇係比較多，牛板腱裙邊肉牛滑蝦滑都係比較出色☺️

朋友話好耐無打過邊爐 所以我就揀咗呢間邊爐放題同佢食餐勁！主要係俾佢多款牛吸引！今次我地食 Lunch 環境都幾好 枱同枱之間唔會好迫！ 仲有卡位D 裝飾都幾有趣我地揀咗芫茜皮蛋湯 好正！ 好足料！ 青BB 芫茜控必揀！一嚟就有個拼盤 D 牛都靚！ 比一般任食高質！依到我就最推薦牛板腱 好重牛味 襯個湯未滾前睇下自助區！ 菜， 丸嘅選擇都幾多！野飲有教主代言嘅OOHA 無諗過呢個價錢會有鹿兒島黑豚肉 同 和牛 另外，我都好鐘意佢有牌仔 寫明係咩肉打咩肉😂同行友人係食肉獸，佢食得好開心 話有好多種類，又有唔同部位揀小籠水餃都係我另一推薦 d 皮好滑 而餡都好足 大大粒 夠哂滿足！ 最後仲有跟返個甜品，個蛋糕都好好味，好多cream 呢間性價比高，特別啱鐘意食牛嘅人，我下次會再Encore!

呢間嘅lunch邊爐放題頭3個選擇都唔過$200, 抵wor!「團」嘅set有十多款肉類揀，湯底有7款。揀左藥膳花雕醉雞湯，藥膳味夠，花雕會放一旁自己再加首先會有碟牛同雞嘅set上，碟牛好靚，爭取時間打卡😍四款都屬高質薄切靚牛，牛味濃且色澤紅潤，由其係個安格斯牛小排雞件比預期中要多，有好幾舊淥左好耐先記得食，但發現依然肉質嫩滑私人推介一定要嗌埋蠔，肥味鮮甜！自助區相比出面火鍋店有啲比較少有嘅野食，例如有菠菜、翡翠苗、蟲草花、淮山、台灣腸等等，而丸類都夠晒多款，食左啲特別嘅有芝士牛丸，黑墨汁丸。仲有炸雞件味道都唔錯都係推介嘅！估唔到最後仲有凍卷蛋甜品，中間嘅cream凍冰冰好延身，似雪糕咁，滿足🤤另外想一提覺得餐廳服務幾周到，主動加水，收碟同refill自助區食物都好快！

本人十分鍾意打邊爐，見到任食火鍋就好想去食，今次喺午時嘅時候去食，諗住趁人少少去試下，點知發現原來中午都有好多人打邊爐🤣低估了香港人對打邊爐的熱誠！今次我哋揀選左「團」$298，揀咗一項比較多牛肉選擇嘅set，我揀選左蕃茄湯底，因為朋友唔食得辣，而選擇鴛鴦湯底要另加$501.四色牛肉拼盤 (一坐低職員即刻捧上嚟，啲煙好夢幻，好似食分子料理咁🤣打邊爐都有呢個效果影相一流！當然食物質素我覺得都很高質，咬落去好友牛肉味之餘仲好有口感，而唔係un嘅感覺)2.自選蔬菜/丸類別（鍾意佢蔬菜類有冬蟲草，個人幾喜歡冬蟲草打邊爐有啲似食金菇感覺🤣）3.少部份炸野（薯條/炸雞塊🍗）4.汽水飲品任飲（種類都多）

🤤盡情牛牛食到飽🥩千呼萬喚消費券又嚟喇～即刻去食返個邊爐開心下先！！@yukpothk 呢間火鍋店質素高得黎又可以任飲任食😝 真係好岩我呢個食肉獸😋 可以食唔停口😏🌟 團 set火鍋放題 ＄ 298/位 🌟火鍋套餐分咗幾款價錢 分別係肉、浦、團和盛因為我哋想有多D牛肉部位 所以揀左團 set而湯底選擇花多眼亂😍 我地揀左健康既昆布豆腐湯底！入座後會奉送牛肉拼盤，盤底放上了乾冰 啲煙係底飄出嚟 ～ 十分合適影相！仲可以一次過試曬多款唔同嘅牛牛～幾款肉味都好濃 一定係回本之選😍個人覺得安格斯牛板腱、安格斯牛小排都好正！仲有牛骨髓也是必叫的！ 簡直係一流！ 🦐海鮮類仲有海蝦😍非常新鮮 ～蔬菜類同丸類就係出面自己夾 選擇非常之多仲有烏冬出前一丁同埋辛辣麵俾你揀架飲品方面除了有多款汽水，亦有提供冷泡茶 好有驚喜💖整體來說是比較划算的火鍋 最後甜品係雪糕～

平時唔知食咩好就上OpenRice周圍碌 睇吓有冇團購平嘢食竟然真係比我搵到今次買左餐飲券可以大擦一餐 套餐包括任食🥩🐄美國安格斯牛板腱🐄英國牛肋骨條🐄蜂巢牛肚🐄牛五花腩🐖俄羅斯豬梅肉🐖俄羅斯豬五花腩🍗特選雞脾肉🐓雞腰子+自助吧(麥樂雞，炸魚皮，丸類，蔬菜，飯麵，飲品)完全食足90分鐘 坐低會即刻上一盤雜錦(即係可選種類裏面每款各一) 食完首輪之後全部都可以再encore但係後面每次落單最多只可以嗌4份 我哋兩個黑洞食肉獸超級唔好意思麻煩店員不停送肉過嚟食到夠鐘捧住個肥肚腩走 原來前後來回一共食左8 round 最後數返都嚇親由入咗都離座每次嚟到份量都一樣 唔似平時食嗰啲放題咁 一開頭嚟足後面就減半再變成三份一全部牛肉都好夠紅 唔係平時冰鮮嗰啲雪到粉色淡粉紅 每塊薄薄一片 幾乎掂水就可以即食 一啖一塊 正!!! 最鍾意係牛五花 全部都可以清楚睇到脂肪同肉完美比例1:1❤️講返個價錢先 原先每位$248再加一/每位 有次係Openrice再用埋DBS信用卡優惠滿$300-$150 埋單嘅時候俾返$20服務費 最後平均每位只需要$120嘻嘻係咪好抵先