鈺膳潮州菜 & Bluemount (金朝陽中心二期 - Midtown)

Open Now

Now Closed

喺灣仔分店食過就覺得好出色，唔知銅鑼灣分店保唔保持到呢？結果係差好遠😂，呢日係假日午市嚟食，人唔太多，但食物質素都麻麻🥸，茶位$18/位，酸菜就成枱收$48❣️蝦米薯仔粿 $58咬落好硬身，唔似傳統煎潮州粿嘅脆口感覺，可以唔叫🥸❣️鮑汁雞腳 $48有5隻雞腳，普通酒樓質素，唔使試❣️滷水鵝片 $188鵝片份量唔多，下面都係滷水豆腐墊底🥸，鵝片食落有啲嚡，鵝味唔濃，滷水唔入味🥶❣️滷水墨魚片 $118同樣都係豆腐墊底，墨魚片尚算彈牙，但鮮味就冇咩啦🥲❣️潮州蠔仔烙 $138呢個算係今餐好味嘅菜式，做到脆口嘅感覺，蠔仔飽滿🤓❣️椒鹽九肚魚 $128九肚魚炸得香口但又保留嫩滑肉質嘅口感，椒鹽味道做得唔錯，係價錢比較進取🤨❣️蠔仔粥 $108/位叫左2位份量，就分到6碗呢個分量，價錢都較貴，而且味精味較強，蠔仔粥材料都唔多🥸❣️潮陽蝦蟹棗 $148可以唔叫，每份各有4件，但食落覺得落左好多麵粉，冇咩鮮味🥸🏦是次消費總額 $1318（人均消費 $220） 🍴須加一服務費👅好味度：7（10分滿分）食完真係有啲失望，明白銅鑼灣地段，定價係會進取啲，但都希望提供番好嘅質素俾客人，而且食落都唔知自己食緊潮州菜🥸

某個星期五 從外國回來的家人邀約食晚飯要在港島並要求食潮州菜 我個人比較鍾意去潮州軒但由於突然的飯局 星期五當日絕對不可能有枱 膽粗粗就試吓呢間.見到OR啲相 環境都可以便打電話訂位竟然有位就上去食正常一間正宗潮菜 入坐後他們習慣奉送每人一小杯潮州功夫茶 這間當然欠奉 我們七個人大概六點半坐低然後點餐鵝片鵝腸, 普寧豆腐, 蝦棗蟹棗, 水瓜烙, 煎/蒸韮菜粿 川椒雞等 落單後大概10分鐘已經上哂菜, 速度之快唔知以為係去咗快餐店😌鵝片嘅滷水汁夠味的可惜有啲鵝肉好韌好難咀嚼普寧豆腐(部份變酸 應該天氣太熱變了)水瓜烙正常蝦棗蟹棗無特別甚致冇咩味煎/蒸韮菜粿 失望另外後加左鹹菜胡椒豬肚湯(費事影相)跟一般倒湯差唔多 完全飲唔到鹹酸菜同胡椒嘅香味😩之後已經唔再考慮叫甜品兼且埋單走人, 我哋有半張枱嘅人係潮州人不太欣賞佢啲嘢食嫌佢唔正宗☹️真係浪費我地嘅胃quota!

一嚟到個環境好舒服好開揚 望住有陽光到夜晚好有feel我哋嗌咗好多嘢食 比較驚豔係滷水墨魚片🦑好有嚼勁 而且豆腐都好淋 個汁唔錯韮菜粿🥬呢個好好味！而且咬入口口感好好👍蠔仔烙🦪幾足料同唔會好大炸粉味 比較舒服蝦棗🦐好食過蟹棗🦀反沙雙條🍠有芋頭同地瓜味 個人更愛芋頭甜甜的好正呀沙嗲牛肉🐮份量都多 重有芥蘭中和 牛肉都好嫩滑重有個白飯魚🐟但唔係白飯都唔係白色鞋 係椒鹽魚條 係一個不錯嘅開胃小菜而且服務態度都好好 店員都會定時睇下茶水要唔要fill 同都會講定食物份量 例如有啲得4塊 佢會提我哋或者可以跟人頭加份量

。 O小姐。encore潮州菜。日常。一間好食到要再去幫襯嘅潮州餐廳！嘢食有水準、環境好、冇限時（大贊）！而家要喺旺區，仲要有一間冇限時嘅餐廳，俾你同朋友可以一路慢慢欣賞美食，再傾偈嘅餐廳真係唔多🥺介紹返～滷水拼盤 - 非常之夠味，上嚟嘅時候暖笠笠！滷水味係夠嘅，鵝片、豆腐都好入味大過塊面嘅蠔餅 -超大塊！每一啖都係蠔！切開咗咁多舊都係食唔晒最驚喜嘅係沙嗲牛肉炒河！估唔到潮州嘢，原來有沙嗲牛肉炒河，仲要粒粒花生😳好夠味！未試過嘅真係要叫黎試一下！另外， 當然唔少得嘅係兩面黃！脆卜卜，配搭醋或者糖食都得！食咁多熱氣嘢，當然都仲要叫吓啲雜菜煲清吓腸胃啦！食到最尾，當然就要叫唔係度度都有得食嘅反沙芋！呢度嘅反沙芋可以雙拼、有番薯同芋頭，可能期望太高，佢擺盤係OK嘅，不過如果再炒得脆啲會比較好😅最尾尾， 如果網上訂位，仲有糖水送🫶🏻誠意推介！

我們波友聚餐，選擇了這間餐廳非常滿意，當其時香港所有客戶進入餐廳都必須掃健康碼。我們預訂一間房經理及招待姐姐服務態度非常良好，地方環境也寬躺。食物也非常滿意，真係食得好飽，之後我也同不同的朋友再去食，值得去試，一家人一齊享用的晚餐。

已經有一段時間沒有吃潮州菜，皆因好的潮州菜館愈來愈少。誤打誤撞下訂了這間潮州菜館，卻有驚喜。菜單上見到久違的太極素菜羹，大家第一時間達到共識 order。跟著點了煎蠔餅，鹵水鵝片，春菜煲。甜品點了水晶飽及清心丸綠豆爽。已經有一段時間沒有見過清心丸，很多菜館只供應綠豆爽，這是另一個驚喜。今晚一家三口在這裏吃得開心又滿足，服務令人滿意之餘，環境又不錯，大家都給一個讚。

潮州菜也有很多朋友喜歡吃，今日選了這間和朋友中午飯聚。餐廳位於高層，雖然今次坐的位置沒有什麼吸引景觀，但有一排落地玻璃窗，可以讓日光透進餐廳內，所以用膳環境開揚。場內又掛了一些中式書畫，佈置古式古香，令人看得舒服。我們三人選擇吃自選午市套餐，價格也實惠，198一位(已包加一及茶芥)。套餐有湯類、點心、小菜、飯,麵,粥、糖水，按人數選一款至多款。湯類：胡椒鹹菜豬肚湯，湯不過鹹味道適中，有帶微辣，湯內有大片酸菜及豬肚。點心：地道韮菜粿，外皮煎得香脆又軟糯，粿內充滿嫩綠色韮菜，散出著獨特香味。               金箔蝦餃皇，大大隻，餃皮鋪上一層食用金箔，十分貴氣，有很多蝦肉在內層，口感爽。小菜：滷水鵝肉，三個人的份量十分足夠，面層鋪滿鵝肉，肉入味，沒有骨，下層有滷水豆腐， 軟                軟滑滑。               潮陽煎蠔烙，一個大圓蛋餅，顏色金黃，分切小塊，每一塊內有很多蠔仔肉，蛋塊帶點黏性                而不糊口，餅底不會過硬，整體好吃。飯：玉蘭菜脯炒飯，飯帶蛋香，粒粒分明，炒得乾身不油膩，玉蘭和菜脯已切得細碎，易於咀嚼。糖水：冰糖

大部份綑綁數年的限制已撤銷，近日市面氣氛熱閙起來，香港過往車水馬龍的景象逐漸浮現，這種釋放及鬆口氣的感覺，實在不得不令人雀躍！兔年將至，跟家人選擇在熟悉的「鈺鐥」團年，重遇每張親切的面孔、重溫溫厚撲實的菜式，感受熱閙而不喧嘩的氣氛，一切有著家的親和溫馨，及一家人齊齊整整的大滿足！老媽筷子第一時間往滷水鵝肉 HK$168 進發，我的手還來不及按拍，只要老媽精神爽利，我便心滿意足了！鵝肉柔軟，最愛它味道溫和、不會過鹹。我們喜愛鵝肉多於鵝片，帶骨的肉特別嫩滑！再添滷物，有大家也愛的滷水墨魚片拼滷水豬大腸 HK$208。老媽和孫兒也愛吃炸物，潮式四喜拼盤 HK$518 齊備蝦棗、蟹棗、豆腐和狗肚魚，滿足口味多、美味也多的需求。四款炸物也好吃，火喉恰好，炸物脆香不燥、乾爽不油！只剩下一份例牌供四人的檸檬鴨湯 HK$248，我們九人來個分甘同味吧！湯色清徹、鴨香淡雅、洋溢鹹檸檬香氣。可能我個人愛酸，認為酸味可以略重一點！老媽不習慣鹹酸的湯品，喝到眯著眼睛，超搞笑！老少鹹直的潮州蠔仔烙 HK$138，怎能不吃！黃金脆皮炸子雞 (半隻) HK$208 是首次的嘗試，賣相不過不失，可入口皮薄不油、雞肉細

之前父親節為咗孝敬一下剩係鍾意食中菜嘅父親大人，就搵咗間位於銅鑼灣嘅潮州菜館嚟慶祝一下～屋企人未食過潮州菜所以今次叫多啲諗住咩都試下😙1️⃣ 滷水拼盤 $398 + $30（鵝片）可以自選4款，我地揀咗鵝腸、鵝掌、鵝片同墨魚片。建議唔洗拼豆腐，因為本身已經會有幾舊喺底～咁多樣入面最鍾意食鵝腸，肥膏清得乾淨又夠爽脆😋其他都滷得好入味，就咁食可能會鹹咗啲，但配飯就一流～2️⃣ 潮式凍馬友 $280大鄉里嘅我真係未食過凍魚，本身以為會好腥但原來唔會！魚肉夠滑仲要冇咩魚骨，真係啖啖肉！3️⃣ 潮州蠔仔烙 $138蠔仔烙係屬於偏向淋身嘅蠔餅，入面蠔仔多到好似每咬一啖都有粒蠔仔咁，十分抵食！4️⃣ 紅燒咕嚕肉 $148咕嚕肉最驚就係層炸粉太厚，肉就細細粒🫠好彩呢間唔係！酥脆得嚟仲啖啖肉～5️⃣ 香芋窩飯 $228窩飯用煲上，入面除咗有一粒粒嘅芋頭，仲有啲蝦米、花生同鹹肉，令到每食一啖飯都有唔同口感，飯炒到粒粒分明，味道方面調味都岩岩好唔會過鹹～6️⃣ 反沙雙條 $148呢個作為甜品簡直係一流👍🏻芋頭條同蕃薯條炸完之後再包咗層砂糖，又甜又鬆化，好好食！整體嚟講呢間潮州菜館都幾唔錯～環境乾淨、坐得舒服，員工服務態度好好，所以

尋日同朋友黎左呢度食下午茶🫖係登龍街，地方易搵又寬躺，經理仲安排咗個窗口位俾我哋， 自成一角🥰下午茶有分2人同4人，我地叫左個4人Tea set（睇圖2見食咩😊） 同沙嗲炒河，豬仔叉燒包🥰Tea set 款式好特別， 味道好味，價錢又唔貴，服務又好👍🏻食潮州Tea set 有咖啡☕️飲❤️拉埋花～ 好靚❤️小朋友都中意既豬仔叉燒包🐷又可愛又好味🥰晚餐小菜都好多款式， 下次黎食😋#朋友gathering #潮州#下午茶#銅鑼灣

周末嘅銅鑼灣一向人山人海，想係鬧市中搵間靜靜地嘅café 並非易事，今次想分享嘅呢間Café 就集合靚景同清靜嘅環境於一身❤️Café 位於餐廳鈺膳潮州菜入面，可能因為咁所以人流並唔多，我地星期日4點去到嘅時候只係得我地一枱客。Café 嘅rooftop area可以將成個銅鑼灣市景 一覽無遺，因為係25樓所以都有陣陣微風，即使炎夏之下都唔會太熱。座位嘅四周種滿左綠色植物🌿，成個感覺就好似置身於鬧市當中嘅綠洲咁，感覺非常舒服❤️✨Hojicha Latte ($64)因為怕夜晚訓唔著嘅關係今次就冇試到佢地啲咖啡，但呢杯Hojicha Latte都同樣高質，茶味非常香濃😋下次有機會再定要黎試下佢地啲咖啡。

朋友正日生日推薦試下呢間正宗潮州菜我哋4個人卜咗房無收minimum charge不過最後埋單都貼近minimum 食物出品有心加上食材新鮮所以少貴但物有所值紅燒潮州翅非常正宗烹調味道香濃 師傅非常用心熬製 好正吉品鮑魚拼鵝掌糖心鮑魚冇得輸呀炆得好入味 又係一百分煎蠔餅我本身只食生蠔蠔煎真係嫲嫲試咗少少 竟然非常酥脆一點腥都沒有 所以都食咗好多川椒雞🐔 這是我最喜歡的潮州菜炸脆了的薄荷葉一點都沒有油膩感覺雞塊好juicy 嫩滑鮮甜方🐟炒芥蘭廚師一定挑選最靚的菜苗啦好爽脆好鮮嫩兩面黃其實已經好飽不過唔食對唔住自己呢個面120分官燕清心丸綠豆爽不是我杯茶我沒有吃雙色水晶包皮薄多餡料我吃的奶黃 絲絨般滑夠甜 我喜歡自家製蛋糕🎂也帶了紅酒沒有收切餅費和開瓶費(因為朋友是熟客如果你自備酒水最好問清楚開瓶費)

之前同朋友嚟過兩次，服務都十分好，所以今日做冬同屋企人嚟，餐廳應該知道fully booked，員工好似唔夠人咁，幾次搵人都冇人，我哋食6-8pm時段，落單嗌幾次人先有人肯幫我哋落單，然後到埋單，叫咗兩次，話就話「應左」幫我哋埋單，仍然係冇人理，反而serve隔離嗰枱熟客不知幾好服務，我直接去櫃檯埋單，嗰一刻先print張單，即是之前「應咗」嘅侍應冇幫我哋買單，(今晚)呢度嘅侍應好鍾意同一時間兩個人serve一枱。唯一可取係，食物好味，加水沖茶好快🤣

自疫情後變得抑鬱嘅蕃薯uncle於年半間爆瘦咗二十磅，好彩人逢喜事精神爽，生日見多咗朋友後連胃口都激增埋，近期收到風有餐廳開幕或者係優惠推廣都會第一時間與大食會組員分享。話說長輩從一編報導得悉人氣熱店「鈺膳潮州菜」嘅店主為兩位年青人，而座陣嘅大廚卻係擁有三十多年經驗嘅老師傅，三人冇代溝之餘，短短合作咗三年已可於餐飲業不甚景氣嘅情況下開分店，所以就相約一同去見識吓。「鈺膳」新設之分店位於銅鑼灣登龍街一幢食廈內，方便又易搵。佔用面積全層嘅中菜廳樓底高高，光線充裕，不過可能因舖上地磚，用餐大堂嘅聲浪頗為嘈雜。幸好六人被安排入座私隱度較高嘅私人廂房，有專人服務之外，房內仲有部空氣淨化風扇，既涼爽又衛生。細問下得知新店有個好特別嘅賣點，就係其伙伴「Bluemount Café」善用二十五樓高層所設嘅室外座及靚景打造出嘅空中精品咖啡屋。（由於當晚有人包咗場，所以唔係好影到相。）潮州菜配咖啡真係夠哂噱頭，原來白色部咖啡機仲堅有來頭，綽號為「咖啡機中嘅勞斯萊斯」！嘻嘻，最跟得上潮流嘅契妹都唔弱，見到旁邊部多管式玻璃咖啡機裝置即估到有冷萃咖啡飲，無奈咖啡師話最快都要十一月先會推出。唔怪得知下午茶設有小食