48
7
5
3-min walk from Exit C, Shau Kei Wan MTR Station continue reading
Telephone
2513 6628
Payment Method
Visa Master Cash
Number of Seats
150
Other Info
Alcoholic Drinks
Phone Reservation
Outdoor Seating
TV Broadcast
Review (68)
今日去左沙灘後再回筲箕灣食飯,因為酒友關係,最後中菜為主,男人知道我鐘意食雞,所以話不如試下這間“越華會”,我地好彩大約早幾個鐘打去位同 問有冇冰筒之類。之後到都等了半個鐘有多才入到去。我地今次買了3枝白酒,但點知黎到話有筒冇冰....明明打黎話有冰筒,點知原來冰筒只限冰筒不包冰,酒友男勁吾開心去7仔買冰返黎。叫了4個餸加1個炒面,最後$100仲有餘,超抵!~脆皮豆腐$58:脆都呢...但豆腐好滑又夠熱,最重要係脆都咁油都好少,推介!!!䓤油雞半隻$95:雞一黎4個人都嘩然..勁多䓤油係雞度,一食落又香加雞夠滑,好味到停吾到,䓤油係我地4個人最愛,吾會叫飯的我們都叫了2個 用來送䓤油。可想而知味道有多麼好味道,我地4個努力地食晒所有䓤油!魚湯浸辣蜆$72:魚湯味重,有少少胡椒味,好味又香口。蜆夠大隻同甜,粉絲吸左湯汁之後更加好味。薑汁炒芥蘭$45:芥蘭新鮮,都夠翠綠。薑汁較少。豉油王炒面$42:本人其實吾太喜歡吃炒面,但都覺炒面身比較幼同油份較少,食落舒服這間店真的抵又好味道,但一定要4人或以上黎吃飯才可以多點選擇,好期待下次再來吃其他不同菜式。 continue reading
(The above review is the personal opinion of an user which does not represent OpenRice's point of view.)
星期日唔想落街食又唔想煮飯,就叫左工人落去筲箕灣間越華會買野食啦。今次就想特別介紹幾樣好食嘅菜色。第一樣就係蒜香排骨。佢其實有少少似大家平時食嘅咕嚕肉,但佢嘅呢就無咁酸,反而甜味會多d,都幾開胃嫁!第二樣就係佢嘅口水雞啦。佢嘅口水雞就唔算話非常辣嘅,小妹可以接受倒嘅程度啦,但佢嘅汁就非常適合撈飯啦,如果有多更可留返嚟撈烏冬,十分好食!最後一樣就係佢嘅越華會炒飯啦。差唔多每次都會嗌嫁啦。飯上面有d乾嘅蒜片喺度啦,再加埋入面嘅原粒蝦真係一流,真心推介大家去嗌呢個飯。 continue reading
(The above review is the personal opinion of an user which does not represent OpenRice's point of view.)
Level4 2014-07-20
3579 views
其實越華會已光顧了多年,無論是灣仔或是筲箕灣這家水準一直是這麼穩定,另外速度也是上乘,基本上可以說一落單起5分鐘內必有小菜上台,而且是一鼓作氣到尾。可能有些人會對這趕急的的情況不慣,更莫要說店內空間也不大,想安落吃一頓有時也要相對的耐性。 出現此情況無他,就是人流太多而已,就像今晚一樣,6點剛到已經9成滿,剩下的也是留座而已,難怪訂台時已說明個半鐘時間......就連侍應說星期天一晚可以做到4輪....實在很瘋狂。點小菜方面沒有太大心得,每台都很喜歡叫的黃金豆腐,沙拉骨不能不叫。即使你不喜歡就這樣看著餐牌亂叫效果也是會很不錯,有時餐牌上沒的其實也可以試叫看。今晚人數不多所以也只是隨便叫:花生眉豆雞腳湯: 湯非常的濃,材料非常的多以致水份減少所以只能倒出6碗而已,但以一個好味的湯打頭陣已不為過。鹹蛋黃中蝦:雖然不是蒸,但蝦還是很新鮮,最重要鹹蛋黃上得很平均而且蝦身非常香脆,絕對不弱於蒜蓉開邊蒸。黃金豆腐: 不用多說吧!每台必叫的。西芹炒鮮斑塊:這道小菜有分有鮮字和沒鮮字,分別在於用的魚是否新鮮,如果沒有鮮字用的是雪藏魚,價錢也平上一半,但我們卻要了有鮮字的,用上新鮮斑腩果然不同凡響,新鮮魚肉附著重膠質的皮再配著茨汁非常美味,而且整道菜也很夠獲氣。沙拉骨:又是出色的一道,咕嚕方法加上沙拉汁看似簡單但因為工序多了所以不是外間店能看到,而且出面更常見到的是骨比肉多。老實說食物真是十年如一日的出色,以在下光顧多年的經驗失手的次數非常低,不過如果有改善的地方也相信是估內空間台與台非常近和食得太料趕。 continue reading
(The above review is the personal opinion of an user which does not represent OpenRice's point of view.)
Level4 2014-06-07
3645 views
今天,因為有件開心事要慶祝,所以想吃海鮮以慶祝一下。西貢、布袋澳等專門吃海鮮的,價錢好貴。想到筲箕灣越華會海鮮價廉物美,小菜巧手,所以駕車往筲箕灣。訂位時,老闆說可以將車泊在店外。但又怕被抄牌,所以泊在附近屋苑,也很方便。我們點了三款海產類。還有,我在越華會必吃的椒鹽炸豆腐:豆腐嫩極了!好滑!外面並非厚厚的脆漿,而是薄薄的脆漿。豆腐放久了,外皮依然很脆。椒鹽不濃,沾泰式甜辣椒醬,好好味!這是我在越華會必吃之選! 魚湯浸蜆:熱騰騰的魚湯,未吃蜆,先喝一口魚湯,很鮮甜,少辣,有胡椒香味。好多蜆,肉厚厚的,剛熟。細細咀嚼時,蜆肉鮮甜,跟魚湯很搭配。蟹黃雙面黃:好大碟,上面鋪滿蟹黃蟹肉。但蟹黃不算太香濃。又可能是米粉底炸得太香,反而搶了蟹黃的香味。加一點點醋,才更帶出蟹黃味。份量十足,兩個人真的吃不完。酥炸生蠔:生蠔好大隻!肉厚得很!炸得剛好,蠔肉厚嫩,滿口濃郁豐富。不過,生蠔太大隻了。如果大夥兒分享還好,兩個人分享,太膩了。 continue reading
(The above review is the personal opinion of an user which does not represent OpenRice's point of view.)
Level4 2014-06-04
2696 views
(31-5-2014 Sat)同男友o係東區,臨時約佢o既朋友IN一家三口同NT夫婦出o黎開餐,幸好咁o岩佢o地都可以,IN決定o黎呢o度食,但只book,到9:00pm,冇所謂啦.我同男友8:45pm到,當時未有位,收銀就mark o左我o地兩個人到o左,然後等齊人喇,我見都有枱,不過為免店方以為我o地未到齊,都係同收銀講我o地已人齊先,一講,就即刻俾張枱我o地啦. 安頓好後就諗食咩o野,我o地要1. 椒鹽豆腐好乾身,一啲都唔油,外脆內滑,但我覺得椒鹽味唔夠.2. 薑蔥屈蠔都幾大隻同惹味,可惜o既係唔夠熱,而IN o既太太唔食蠔,咁o岩一煲有5隻.3. 大蝦伊麵大蝦爽口,蔥粒夠香,伊麵夠腍,都唔錯o既.4. 好似係辣汁炒蜆呢個我食到微辣同有啲甜味.5. 沙拉骨有炸過幾香口,酸甜味o岩o岩好.6. 金銀蛋白菜仔原本想叫上湯勝瓜,但賣晒;咁金銀蛋莧菜?賣晒.最後就揀呢個.金銀蛋口感竟然係硬,白菜仔正常冇問題.7. $48.00一隻o既蒜蓉粉絲蒸特大蟶子共6隻蟶子鮮甜冇問題吖.8. 蝦多士賣相一樣係唔油膩,多士炸得乾身,同樣係冇乜問題.總括而言, o野食都OK,除o左蝦多士外,其他都略嫌唔夠鑊氣同唔夠熱,應該都係早已整定啦,唔係都唔會上枱上得咁快,上枱唔快又點可以快啲返枱?服務:唔錯,開頭我同IN入去話人齊俾枱我o地,我就叫另外幾位入去,佢o地聽唔到,店員就幫手大叫X生7位. IN o左個白飯,呢餐埋單共$1,044.00,人頭消費唔計IN o既細女啦.我第一次同家人o黎食o既食評: http://www.openrice.com/restaurant/commentdetail.htm?commentid=1961151&tc=sr2rvw&con=rvwer continue reading
(The above review is the personal opinion of an user which does not represent OpenRice's point of view.)