元朗冰室

Open Now

Now Closed

元朗冰室在尖沙咀鬧市，餐牌上多款道地港式美食，店員快速地為顧客上菜，展現冰室的高效率。香炸雞脾及厚豬扒的香氣交織，下午茶的菠蘿包，加上下午茶的絲滑奶茶，令人垂涎。沙嗲牛肉麵沙嗲味道濃郁，是港式經典風味。牛肉經過沙嗲炮製，肉質鮮嫩，沙嗲醬帶花生的香甜，湯底醇厚，麵條吸收後，啖啖惹味。奶油脆豬脆豬焗至金香酥脆，奶油的香氣融入麵包中，香甜的煉奶，讓人回味無窮。DOUBLE厚豬扒飯 厚豬扒份量驚人，豬扒軟腍多汁，外層煎至焦香，肉質油潤。飯粒吸收了香蔥油，每口甘香開胃，配一口厚切豬扒，美味吸引。菠蘿油脹卜卜的菠蘿油，外脆內鬆軟，夾著一塊厚厚的牛油，逐漸融化，又甜又咸的組合，十分邪惡。照燒汁鰻魚豬骨湯烏冬鰻魚香甜嫩滑，配上蜜甜照燒汁，鮮美可口。煙韌的鳥冬，掛上醇厚的豬骨湯，口感圓潤，令人滿足。厚豬扒配魔鬼醬脆豬包香脆的脆豬，包裹著厚身豬扒、生菜及蕃茄，大口咬下，厚豬扒肉味香濃，魔鬼醬帶微辣，口感豐富，讓人欲罷不能。紅豆冰甜度適中，紅豆綿密，配上濃郁的椰汁，香甜細膩，夏日享用，倍感清爽。禾味燒BB鴿BB鴿外皮焦香，肉汁幼嫩鮮香，連同少許油脂，豐潤的肉汁散發，令人回味。香炸雞脾沙律炸雞脾新鮮熱辣，外皮

之前食過【元朗冰室】既早餐覺得唔錯，今次就試下佢地既下午茶+晚餐係唔係都係禁高質。元朗冰室主打厚豬扒，所以一定要試下。厚豬扒：豬扒厚切大塊，肉質軟滑唔乾柴！非常入味、連醬汁都完全唔需要落、經典港式風味～金牌沙嗲牛肉即食麵：沙嗲醬香濃帶微辣，牛肉片嫩滑，公仔麵煮得啱啱好唔會太淋。湯底濃郁，係茶記靈魂 comfort food！奶油脆豬：超級無敵大size豬仔包烘到外脆內軟，掃滿牛油同煉奶，邪惡到震！熱辣辣上枱，脆口香甜。禾味燒BB鴿：乳鴿燒到皮脆肉嫩，醃得入味，撕開肉汁爆出！蘸少少椒鹽更提鮮就已經好夠。嫩滑炒蛋：炒蛋滑溜有鑊氣，簡單但考功夫，搭配脆豬或者三明治一流。焗意式厚豬扒飯：厚豬扒鋪滿茄汁芝士焗到拉絲，飯底吸飽醬汁，酸甜開胃。抵食大份。沙爹金菇肥牛炒烏冬：烏冬炒得乾身有鑊氣，肥牛嫩滑，金菇索晒沙爹醬，惹味到停唔到口～芝士咸牛肉三明治：烘底三文治夾住溶化芝士同炒香咸牛肉，熱辣辣咬落去，鹹香濃郁～凍檸樂：解渴必飲

附近路過時見到元朗冰室既馳名厚豬扒就同班朋友入去食個tea先，好期待既厚豬扒～入到餐廳環境明亮，裝修簡約，地方寬闊，坐得舒服。餐廳主打港式茶餐廳，侍應招待友善，服務一流。美式餐招牌厚豬扒         $66依個係美式餐，包括招牌厚豬扒、薯蓉、火腿嫩滑炒蛋、蒜蓉厚多士及餐飲。一上枱見到豬扒已經覺得好厚，好鬆軟，有肉汁，而且調味唔會太過重，果然好味道  ;  配搭火腿炒蛋，蛋味濃且嫩滑，薯蓉口感creamy，以及都幾厚既蒜蓉多士，香脆可口。奶油脆豬           $32必點名物 ~ 奶油豬！超大個既奶油脆豬，麵包鬆軟，牛油和煉奶既比例啱啱好，口感帶點煙韌，好脆口。金牌沙嗲牛肉即食麵          $45沙嗲牛肉麵係去港式茶記必食既，我都唔例外。揀左雙拼沙嗲牛肉同腸仔，牛肉都幾大片，軟腍唔韌，肉質嫩滑多汁，沙嗲醬汁香濃，揀咗出前一丁(+$3)，配備獨立包裝麻油，即食麵唔會煮得過淋，麵質彈牙有咬口，至於湯底係選用海鮮地魚熬製而成，清香鮮甜，啲湯差唔多飲晒，確係好味既沙嗲牛肉麵。DOUBLE 厚豬扒飯        $74呢碟飯既厚豬扒有兩大塊，真係好足料，件件豬扒都好大塊，而且好

尖沙咀下午茶價錢，但係係午市晚市既份量，抵食到爆！先講佢地下午茶選擇非常之多！由小食到炒粉麵焗飯，應有盡有😳😳 所以我地睇menu都睇左段時間先落到單台灣都係屬於中國囉😂太多野想食了🤓焗意式厚豬扒意粉🥰焗鮮茄厚豬扒飯🥰先講豬扒juicy到爆，好嫩口，入口一d唔油膩，醬汁味濃，夾埋芝士咸香味。粒粒分明嘅炒飯，同掛汁得黎又彈牙嘅意粉，皇牌必點！照燒汁雞球蟹柳飯🥰雞球雖然唔係好大份，但燒汁惹味，飯量十足，唔食豬既雞球都好香口蜜餞豚肉叉燒丼🥰豚肉較瘦，香甜味美，如果再多幾塊叉燒，更滿足！照燒汁鰻魚丼🥰鰻魚勁厚肉肥美，趁熱食零腥味，汁控既記得再落多d汁，日式風味，正！咖喱牛肉飯🥰港式咖喱，絕對係由細食到大既味道，唔死辣，超惹味，牛肉份量十足雙拼沙嗲牛肉烏冬🥰double 沙嗲牛！淡淡花生味，鹹甜十足，烏冬掛汁，茶記必點！奶油脆豬🥰 成個手臂咁長，甜 脆滿分！！！咸魚雞粒炒飯🫶🏾咸魚味濃，大大碟，鑊氣十足，最緊要一d都唔油🫰🏾用餐環境坐得舒適，店員服務細心，最緊要，味道同份量真係好抵食！🫶🏾

招牌厚切豬扒！呢度嘅豬扒真係名不虛傳，大大塊又juicy，啖啖肉超滿足！厚到要分幾啖先食得晒！而且價錢仲好貼地，尖沙咀性價比好高！ * 招牌厚豬扒+奶油豬+金牌沙嗲牛肉即食麵：-呢個係皇牌組合，一次過滿足幾個願望！厚豬扒夠晒份量，仲要大塊過我隻手!!-奶油豬甜脆可口，新鮮出爐，外脆內軟！-沙嗲牛肉沙嗲醬特濃特香, 必食！其他豬扒飯配搭都好有份量夠睇頭厚豬扒配蓮藕餅飯：創新配搭，蓮藕餅爽口彈牙，配埋厚豬扒飯，口感超豐富！- 蜜餞豚肉叉燒丼：甜甜地嘅蜜汁同軟嫩嘅叉燒，撈飯一流！焗意式厚豬扒飯：好好食! 芝士香濃，豬扒軟腍，熱辣辣超正！- 厚豬配魔鬼醬脆豬包：好特別！唔食飯食脆豬包都OK!香脆嘅豬仔包夾住厚豬扒同秘製魔鬼醬，又惹味，大大啖停唔到口！除左豬扒, 其他野食都做得有水準 咸魚雞粒炒飯：鑊氣十足，粒粒分明，味道傳統又地道！ * 禾味燒BB鴿：外皮脆卜卜，肉質嫩滑！ 食茶記點可以唔叫返杯經典飲品 紅豆冰 粒粒紅豆好大粒, 消暑解渴，正!!

港式茶餐廳，係永恒既經典，價錢又貼地，餐餐食唔厭。介紹下我呢排既新飯堂 —✨️ 元朗冰室🩷之前都唔知原來佢主打厚豬扒轉新工後，因為佢近，好食，價錢又ok，都食左好多餐。✨️招牌厚豬扒作為厚豬扒專門店，招牌厚豬扒係必試！超大塊又厚！大過我既手板！！肉質軟稔嫩滑，簡單經典港式調味，唔會過咸，又唔會太油膩，呢度既厚豬扒係優勝既！✨️奶油豬信我，要叫！會令人有驚喜之選！唔係平時圓圓的豬仔包嗰種，好x大奶...油豬！🤣😆滿滿牛油同煉奶，咸甜交織。正爆！🧈 🌅 早餐推介 早餐時段想食啲簡單又滿足嘅港式滋味？🍜 金牌沙嗲牛肉即食麵 港式風味，食極唔厭。牛肉片份量算不錯。 🌞 下午茶推介 🧇法蘭西多士法蘭西多士係下午茶必點，我既至愛！🍗 炸雞脾炸雞脾又係茶餐廳經典！呢度質素都唔錯，冇得輸💥 🌙 晚餐推介 晚餐時段選擇更多！！🥢干炒牛河10次有6次都食佢。鑊氣十足！河粉炒得乾身爽口。仲有鐵板、叉燒、禾味燒BB鴿呢d港式經典選擇！佢選擇多到，有次一個鐘意食鰻魚既朋友，竟然去到茶餐廳都有照燒鰻魚飯食！😆 飲品搭杯奶茶/凍檸茶/紅豆冰，經濟地道，黎呢度無錯！

这家餐厅怎么可以生存下来的，这么难吃。沙姜鸡里面就2/3块可以吃的，其他不是皮就是骨。雪菜米线就是咸盐水泡米线。还有一个年轻的服务员，眼睛长头顶上，完全看不见人，请问你是服务的还是来休息的？

今次同大家介紹一間「平靚正」嘅餐廳，每樣嘢都係「真材實料」，唔玩花巧，食過就知咩叫「抵食夾大件」！🤤 🍕 夏威夷披薩——新鮮菠蘿+火腿嘅黃金組合，甜中帶鹹，Pizza皮焗到超級脆口，一咬就「咔嚓」聲！芝士拉絲、番茄醬酸甜開胃，料多到瀉晒出嚟，絕對係「睇得又食得」！ 🍞 法蘭西多士——外層金黃酥脆，內裡軟綿綿，淋上蜜糖+牛油，邪惡到極，但真係忍唔住食多件！ 🍝 星洲炒米——咖喱炒到香噴噴，辣度啱啱好，仲有彈牙蝦仁同爽脆蔬菜，鑊氣十足，食完仲想再encore！ 🍖 必食5cm厚豬扒——真材實料嘅厚度，肉質鬆軟多汁，外層煎到微焦香脆，咬落去肉汁爆出，簡單調味已經好出色，肉食控必試！ 🥒 手拍青瓜——蒜香爆棚，辣椒油嘅辣度夠晒過癮，青瓜爽脆到「嗦嗦聲」，辣勁慢慢湧上嚟，越食越開胃！爽辣滋味絕對係呢餐嘅完美前奏！ 🍞 招牌奶油脆豬——大過兩隻手掌！麵包烘到脆卜卜，表面塗滿煉奶同奶油，一啖咬落去，外脆內軟，甜而不膩，絕對係必點！ 🍜 沙嗲控必吃的沙嗲牛肉麵——沙嗲醬香濃惹味，牛肉嫩滑，麵煮到啱啱好，唔會太淋！ 🧋 紅豆冰——紅豆煲到起沙，椰奶香滑，甜度適中，傳統港式風味!

嚟得香港旅遊，梗係要食最出名嘅冰室啦，冰室喺香港嘅特色，完全食得出當地人嘅地道風味，所以今日都約埋外國返嚟嘅朋友一齊嚟食呢間好出名嘅元朗冰室！招牌厚豬扒真係炸得好酥脆，肉都唔會嚡，加埋側邊嘅沙律，其實當係下午茶都真係好邪惡，好好食！奶油豬份量真係超驚人，勁大份，煉奶加埋牛油再轉向度，入口真係好脆亦都好香，但係入面保持到軟熟！金牌沙嗲牛肉即食麵個沙嗲味好香濃，好滑，即食麵口感好好，唔會過腍，加埋呢度會俾埋蔬菜你，又嘥誠意，牛肉嘅份量亦都唔少。鐵板西冷牛扒配焗薯牛肚菌湯加埋蒜香法包呢個真係有驚喜，因為焗薯真係整得好Creamy，連個湯都飲到個味道超特別，唔會係一般罐裝湯嘅味道，入面仲有好多牛肚菌。夏威夷pizza呢個真係超好食，薄薄地咁樣，另外有好多餡料，好食！照燒汁鰻魚呢個都真係唔錯，呢個價錢，食到真係日本居酒屋嘅質素，鰻魚好肥美，醬汁濃度剛剛好！

呢間1991年開業嘅元朗冰室，嘅招牌厚豬扒真係「邪惡度爆燈」！ 厚切大塊，啖啖肉，肉質嫩滑又唔會柴，配埋多款主食，值得一試!激推佢哋嘅招牌菜厚豬扒，大塊厚切，肉質嫩，啖啖肉，簡直係味道與質感嘅完美結合！ 其他好味推介仲有金牌沙嗲牛肉即食麵，沙嗲醬香氣撲鼻，牛肉薄切又易入口，公仔麵仲要好彈牙！愛食西式嘢嘅朋友仲可以試吓佢哋嘅pizza同埋傳統茶記小食。 佢地仲新加左乳鴿，冰室有乳鴿真係比較少見，賣相同味道都唔錯，食完一隻想再encore，可惜已經賣曬喇！ 飲品方面，佢哋嘅紅豆冰真係「江湖智慧」，料超多，好啱炎熱嘅夏天消暑！ 呢度嘅食物新鮮熱辣，份量足夠，價錢又非常親民，難怪咁多街坊都當佢做飯堂！快啲去試吓啦~

這間人氣排長龍店【元朗冰室】，每逢午市時段都人頭湧湧，必食主打一定是沙嗲牛肉麵及厚切豬扒。豬扒厚切之餘還要大塊過塊面，煎至金黃香脆，入口充滿肉汁，而且肉質鬆化，醃得入味。招牌沙嗲牛肉麵配炒蛋及蒜茸多士 沙嗲汁濃郁惹味，牛肉有彈性，沒有鬆肉粉。美式餐-吉列魚柳配薯蓉、火腿炒蛋及蒜蓉厚多士魚柳炸至金黃香脆，新鮮熱辣。Double厚切豬扒飯豬扒厚切之餘還大過我塊面，醃得入味且多汁，份量十足。蜜餞豚肉叉燒丼豚肉入口帶甜香，送飯一流。咖喱牛肉意粉咖喱惹味但不辣，牛肉嫩腍但無加鬆肉粉。焗意式厚豬扒飯焗飯一定跟炒飯底，醬汁剛好蓋住飯面，加上半溶芝士，香味十足。極品厚豬扒配薯條&炸雞脾配沙律炸豬扒及炸脾大大件，即叫即炸，香脆好味。奶油脆豬焗至香脆且大件，入口脆卜卜。一行八人食到捧住個肚走人。

喺尖沙咀見到以元朗為名既冰室，實在好有趣，仲寫到明係厚豬扒專門店添招牌厚豬扒 $38果然係厚豬扒專門店，豬扒雖然係厚身，但都好易切開，肉質軟淋，仲保留到肉汁，一些都唔柴奶油脆豬 $32奶油脆豬比想像中長，麵包體烘到香脆，表面淋滿甜奶油金牌沙嗲牛肉即食麵 $43又係一個必食名物，沙爹醬香氣濃，隱約聞到花生醬香味，牛肉薄切易入口，公仔麵口感彈牙，整體配搭冇得輸炒蛋厚多士 $35厚多士上面加咗炒蛋，炒蛋應該係落咗牛油落去炒，所以食到牛油香和風雞肉披薩 $75呢個披薩表面鋪滿咗彩椒、雞肉粒、芝士、紫菜，望落去色彩繽紛，入口都充滿層次同口感一口西多士 $37雖然叫做一口西多士，但係其實都幾大舊，一共有六舊，表面用蛋漿浸過，炸到金黃酥脆，淋上楓糖漿，食落好邪惡焗意式厚豬扒飯 $68豬扒飯係套餐，叫咗熱檸水，豬扒基本上冇得輸，本身完整嘅厚豬扒切成件方便食用，再加埋惹味嘅意式醬汁同埋配菜，好有港式嘅風味奇味火辣烤雞 $102火辣烤雞套餐，除咗烤雞本體，仲有順滑焗薯、香濃牛肝菌湯和脆口既蒜香法包，另外嘢飲仲有熱檸茶。本身烤雞應該醃過，有少少花椒香？原隻雞上枱好吸引，切開雞肉仲有肉汁流出，雞肉食落嫩滑，點

元朗冰室．魔鬼豬扒包撞邪級好味！呢間係「邪惡度爆燈」嘅茶記——元朗冰室！雖然個名有「元朗」兩字，但佢其實藏身喺尖沙咀橫街，唔少街坊已經當咗佢做「飯堂」。飲品篇：紅豆冰混凍咖啡，飲出江湖智慧首先，一定要讚佢哋嘅紅豆冰——多料到癲！ 一啖飲落去，紅豆多過奶，粒粒起沙又綿密，甜度剛好唔會「漏喉」，仲要夠晒冰凍，夏天飲真係「救命級」。至於熱奶茶，茶底濃到似「絲襪奶茶」嘅升級版，入口順滑帶微微澀香，係正宗港式風味。但全場最驚喜係凍咖啡！我自己搞左一個「秘飲」：將紅豆冰同凍咖啡撈勻飲！一試之下……嘩！ 咖啡嘅苦香撞上紅豆嘅甜，竟然夾到似「鴛鴦2.0」，仲有豆蓉增加口感，呢個配搭真係要試！我已經將「秘技」教左店員，下次寫上MENU！WKAKKA！主菜篇：魔鬼豬扒包，厚到犯規！1. 魔鬼醬厚豬扒包見到實物真係嚇親——塊豬扒長過部手機，厚度超過1cm！ 麵包烘到微脆，豬扒煎得外層焦香，咬落去juicy到爆汁，仲要塗滿秘製「魔鬼醬」酸甜帶微辣，食完成個包真係要「抖大氣」！「邪惡度：★★★★★」2. 厚豬扒配辣肉醬飯如果話豬扒包係「輕量級」，咁呢個飯就係「重量級挑戰」！豬扒同樣厚切，但配咗一灘自家製辣肉醬，

元朗冰室豬扒必食🐖以厚豬扒為賣點的港式茶餐廳，厚豬扒的受歡迎程度非常之高！下午茶嘅小食也非常之吸引！魔鬼醬厚豬扒包 $51豬扒的size非常之大！豬扒的口感非常軟腍！配上魔鬼醬，小小辣的感覺，非常惹味！厚豬扒配辣肉醬飯 $62厚豬扒飯系列有多款配搭，這款配辣肉醬的，還是第一次見，非常適合喜歡吃辣的朋友。炸雞髀 $38港式茶餐廳必吃的下午茶小食！雞髀外脆內嫩！一口西多士 $37港式茶餐廳，必吃的西多士！居然加了朱古力醬！很特別！紅豆冰熱奶茶 飲品當然一定要飲港式特飲紅豆冰和奶茶啦！手拍青瓜 $28餐廳居然仲有這款小食，非常適合皮膚吃辣的朋友啦！

元朗冰室（尖沙咀店）裝修新穎地方寬敞，以港式茶餐廳風格為主，主打不同款式的港式懷舊美食！招牌「魔鬼醬厚豬扒包」HKD51，份量超大有驚喜！麵包新鮮鬆脆，配上大大塊厚實多汁的香炸豬排，加上餐廳特製魔鬼醬汁及新鮮蕃茄生菜，十分開胃，一口接一口十分滿足！「厚豬扒面配辣肉醬飯」HKD62，厚豬扒外酥內嫩，肉質彈牙；辣肉醬香辣濃郁有辣勁，配米飯份量十足，飽足感滿分！「炸雞髀」HKD38，金黄酥脆咬下咔滋响，肉嫩多汁醃得够入味！秘制香料裹著薄脆外皮，熱騰騰的雞腿掰開還滴肉汁，好味又健康，根本停不下来～🍗✨「一口西多士」HKD37，炸得金黃酥脆，內裡軟綿綿，配上煉奶及朱古力醬的香甜，是完美的懷舊甜點！推薦！紅豆冰跟餐僅5元，味道可口夠冰凍，性價比超高。奶茶都很經典！妥妥的港式風味啊！整體上菜速度快，服務態度親切，地方寬敞，人均消費約100-150元，適合快速解決一餐或下午茶小聚。