元朗冰室

Open Now

Now Closed

元朗冰室， 佈置以淺木色為主調， 簡潔明亮， 卡位舒適， 價錢相當親民， 食物款式選擇多元化， 招牌厚豬扒及金牌沙嗲麵 ， 深受到不少街坊粉絲支持。招牌厚豬扒飯配紅豆冰巨型厚切豬扒 ， 足足有5cm 厚， 差不多大過我塊面， 仲香氣四溢， 入口超級鬆軟 ，充滿肉汁， 米飯粒粒分明， 充滿米香，搭配甜而不膩人氣紅豆冰，讓人感到飽肚和滿足。金牌沙爹牛肉煎蛋公仔麵沙爹醬香氣濃郁， 薄切的牛肉好鮮嫩，煎蛋滑溜， 彈牙的公仔麵， 掛滿了沙爹味道， 十分惹味， 充滿港式地道風味。肥牛豬骨湯烏冬奶白色的豬骨湯底， 醇厚鮮味， 肥牛肥瘦適中， 肥而不膩 ， 煙煙靭靭的烏冬吸滿湯汁，口感更滑順美味。香炸雞髀配沙律剛剛炸起的巨型雞髀 ， 香氣十足 ， 外皮脆卜卜，雞髀嫩滑，搭配甜甜酸酸的雜果沙律， 十分開胃， 剛好平衡炸髀的油膩感， 讓人食欲大增。全日早餐魚柳鮮嫩的魚柳， 外皮炸金黃酥脆， 內裏雪白的魚肉 ， 保持濕潤滑溜， 再搭配剛烤起方包， 滑嫩的炒蛋及 薯蓉， 材料十分豐富 ， 簡單卻令人愉悅。炸乳鴿即叫即炸的乳鴿 ， 乳鴿皮炸至熱燙燙，香噴噴， 皮脆肉嫩， 令人百吃不厭。冰室一口西多配凍檸蜜熱

新式冰室座位闊落開陽有卡座同朋友舒舒服服傾吓偈冇壓迫感餐牌嚟講選擇都算好多我哋下午茶時間過嚟主打一個乜都想食一人叫咗兩個餐🤣誠意推介佢哋嘅招牌厚豬扒系列分別可以有飯麵包沙律薯菜嘅配搭我哋叫咗焗咖喱厚豬扒飯份量十足滿滿大概係有接近兩塊嘅大豬扒咖喱汁香濃惹味焗飯炒底豬扒肉質嫩滑內有肉汁配菜亦新鮮！讚！👍👍另外都叫咗佢哋嘅厚豬扒配薯菜紅豆冰下午茶豬扒唔會太乾 而且厚切口感唔錯薯條另外用個隔油兜上紅豆冰飲落係港女口味夾埋唔會太甜😂👍雖然眼闊肚窄，但機會難得乜都想食比隔籬枱日式照燒系列嘅鰻魚飯吸引咗佢哋照燒汁會好細心咁另上配菜唔係出邊見到嗰啲白烚蔬菜用咗油揚腐皮中華沙律仲配咗少少粟米鰻魚飽滿肥肥😙😙😙然後佢哋仲有招牌沙嗲牛沙嗲牛肉醬汁惹味份量又係十足呢間冰室主打一個性價比好高！樣樣都大大份 而且感覺到誠意滿滿唔怪得知而家市道唔係咁好但佢越戰越勇衝出元朗再就黎去渾十八區！好，下次返公知叫外賣啦😙😙😙

鐵板一級牛扒~鐵板嘅「炸炸」聲係冇人可以抗拒，切開每一件牛都非常嫩滑，都可以選擇唔沾蒜蓉汁咗就食到牛嘅原味，不得不提！！個薯蓉真心好食！！除咗香滑嘅薯蓉之外，裏面仲有帶有口感嘅薯仔粒！由於經過烘烤亦都較為香口👍🏻招牌厚豬扒配辣肉醬飯~豬扒非常厚同時亦夠曬鬆化，加埋微辣嘅醬汁更加令人食指大動！ 金牌沙嗲牛肉一丁~牛肉一啲都唔韌，沙嗲汁非常香濃惹味，配上由細陪到我大嘅出前一丁，簡直係絕配。奶油脆豬~我幫佢起咗個花名😂叫做巨大奶油豬🤭尺寸真係非常大！上枱嗰一刻真係有「嘩」一聲🤣味道就冇乜大分別，烘到夠曬香脆先係重點

元朗冰室🌟 新界九龍有多間分店，總有一間喺你附近～茶記嚟講CP值較高！個人覺得下午茶仲好抵食添招牌豬扒係必食推介！肉質有彈性且嫩滑，肉汁飽滿，唔使另外再加任何調味味都已經好好味～鍾意食豬扒嘅朋友一定唔好錯過除咗豬扒之外，沙嗲牛麵都係十分正～沙嗲醬汁好香，牛肉質地嫩滑，配埋出前一丁呢個組合冇得輸，👍🏻奶油豬好震撼！size同大人手掌差唔多大，份量勁足～奶油豬焗得勁酥脆，而且醬料亦都好充足👍🏻

今日就同朋友去左元朗冰室, 餐廳環境闊落, 仲有唔少厚豬扒菜式選擇厚豬扒配魔鬼醬脆豬包豬仔包身大件脆口, 中間夾住塊厚豬扒,口感鬆軟, 肥瘦分明另外叫左一份特餐, 招牌沙嗲牛肉即食麵, 配蒜蓉多士同炒蛋，沙嗲湯底濃郁，牛肉入口鬆軟，麵質爽口禾味燒BB鴿BB鴿外皮燒得香脆, 肉質嫩滑Juicy奶油脆豬豬仔包烤到外脆內軟, 牛油同煉奶既比例剛好一口西多士迷你size 剛剛好, 麵包厚身,充滿蛋香,淋上朱古力醬同煉奶,雙重滋味紅豆冰底層既紅豆唔會煮到好爛，撈埋椰漿唔會好甜凍檸蜜

厚切豬排出前一丁豬排上枱都好大塊，而且係厚切，豬排食落一d都唔韌，仲好juicy,配出前一丁，好夾。炸雞脾雞脾都好大隻，外皮炸到好金黃，食落脆卜卜，一d都唔油膩，入面雞肉仲好嫩滑。法蘭西多士西多士炸到啱啱好，金黃色，入面搽滿晒花生醬，加埋糖醬同牛油，好香口。鐵板一級牛排個餐仲包埋焗薯，牛肝菌湯同蒜香法包，焗薯好creamy,好香牛油味，個法包，好香蒜香味，脆卜卜，而個湯好重菇味，好香好濃，牛排係用鐵板上，上枱咋咋聲，牛排一d都唔韌，好香口，牛味足。涷咸檸七涷檸茶

天氣凍凍地同朋友食飯，於是夜晚就去咗長沙灣區一間元朗冰室。雖然以前都食過，但係佢嘅水準一直保持到，都仍然好好食。我哋三個人比較麻煩，但係侍應都好親切咁服侍我哋。我哋幾個人試咗唔同嘅嘢，我就叫咗個北菇蒸雞飯，蒸飯用荷葉包住，雞肉爽口彈牙，冬菇配白飯香真係好好味。另外都食咗塊薄牛扒，牛扒煮得唔老，點黑椒汁一流。跟牛扒有個薯蓉同忌廉湯，個薯蓉焗得好香，外面稍為烘乾內裏就軟熟，個忌廉湯佢哋話好有蘑菇味，正！總言之，如果想食茶餐廳，又想鋸扒，同friend嚟呢度就啱晒啦！

事原去櫃檯埋單，著黑色衫收開錢cashier行開左，有個著藍色衫頂上收錢。唔客氣都算，收錢仲要晦氣到死。問佢掃邊度俾錢，佢手指指張圖但又唔係同你講嘢，好似無間道傻強上身唔想俾你知邊度俾錢，好神秘。做嘢又做錯晒收錯錢，問佢幾錢又好似傻強上身咁報錯晒數目，淨係識得叫我自己入個價錢。諗住谷住啖氣俾咗錢走人就算數，點知仲要聲大夾惡，臨走佢都要補多句攞尾彩鬧到你做客都唔敢返轉頭幫襯佢，佢就好似贏咗啦！間公司真係多謝佢啦！如果無得揀要去食呢間餐廳一定要受到啲員工惡劣既態度！寧願去隔離朱敏記或其他都費Q事再去呢間垃圾茶餐廳！

🐽元朗冰室東沙島街167B號地舖環境大致整潔, 服務態度好好, menu選擇好多, 普通食個tea都滿足.𓌉◯𓇋 咖喱雞球飯 $55雞肉嫩滑, 個咖喱唔會好辣, 啱晒我嚟啲唔係好食到辣嘅. 個醬汁偏流質少少, 好啱配飯食. 𓌉◯𓇋 京都厚豬扒飯 $55豬扒真係大大塊, 咬落唔會好韌有口感, 但反而無咩肉味, 唔係十分之出色. 醬汁個濃稠度偏高, 味道偏酸.approx. $58/ppl食物🤰 ♥ ♥ ♥ ♡ ♡環境🤰 ♥ ♥ ♥ ♡ ♡性價比🤰 ♥ ♥ ♥ ♡ ♡

5年前就住长沙湾，经常来吃，猪扒非常好但对比现在.....等了半个小时也没上，服务员很混乱，完全不知道各个抬点了什么，每上一份就在每个抬问是不是你的，是不是你的，比我们晚的客人也都上了，催了几次，说5分钟5分钟就是不上，后面来的客人点的一样的也都上了，感觉太差，至少会有点服务意识的也会先给你点的饮料吧，我们就是干等....

用咖啡精溝出嚟都算，重要係最賤級數的！極品！絕對不會再行入去.這杯凍咖啡希望你哋繼續努力做下去😡千萬要繼續！令香港茶餐廳凍啡絕跡！努力💪努力💪加油👏🏻加油

見鄰住買有優惠,就買了幾張元朗餐廳的券, 因平時都會去太子那間吃, 點知出師不利, 去到太子店裝修, 行去深水埗店又裝修, 打去尖沙咀店問, 問券覆可否延期 ,又話沒辦法, 仲叫我去長沙灣店, 話好近, 最終由太子站行去深水埗店,再行去長沙灣站, 依餐飯真食得辛苦。

早餐厚切豬扒麵$50上枱變薄切？！呢個價錢，完全唔抵食，仲有啲被騙感覺。以前食物質素都未去到咁差，依家可一不可再。開門做生意，咁既手法真係無乜良心。唔去標榜厚切，或者都無咁嬲。

今日叫咗個下午茶厚切豬扒拼沙律($50)， 基本上個厚度唔可以算是厚，問待應佢哋話只有一個厚度。如果咁叫厚切，咁普通係會好似紙咁薄囉，咁樣做生意真係非常唔老實，以後不會再幫襯！

叫咗一杯熱華田一杯凍華田。匙羹有啲污糟. 叫咗碟焗豬扒飯。一碟焗豬扒意。Environment Comment: space is ok for a cafe. I don’t know why lots of local likes to come here.Quality Comment: don’t order their ramen because it’s not very authentic. Also loaded with msg.Comment: pork chop meat quality is ok. Kinda salty. They are known for their thick pork chop here. Quantity Saltiness Comment: find it very saltyConsistency comment : food looks similar every time.