源記餐廳

Open Now

Now Closed

因為趕時間先入去食。地方好逼又成地垃圾。價錢貴過一般茶餐廳好多，下午茶時間食個墨魚丸麵加個熱奶茶要成$55。又唔係特別好食。侍應服務OK，但如果我要食服務我都唔洗去呢度。上菜時間合理，個奶茶三分鐘內到；墨魚丸面就10分鐘內到。D侍應既態度都算幾好，我俾錢時問點解杯奶茶咁貴佢就提醒我佢地呢到食面係冇餐既。但係咁點解唔係落單時提我呢？佢仲叫我下次記得呢度係冇餐，我就同佢講都唔會有下次㗎啦！墨魚丸麵個味道正常，但係份量真係比較細，如果唔係當下午茶食，應該食兩碗先至夠。

係尖沙咀想食碗雲呑麵唔係易事🤦‍♀️🤦‍♀️🤦‍♀️因爲附近太多特色餐廳啦 見到呢間半茶餐廳就二話不說咁入去啦 叫左一個雲呑牛筋麵 一個墨丸麵 芥蘭加腩汁 凍檸茶少甜少冰 兩個人食好飽😂 個雲呑牛筋麵 d雲呑得兩粒🤷‍♀️🤷‍♀️起碼都要有三粒啦下嘛⋯⋯牛筋就正常腍啦 不過不失墨丸真係食到我阿🤦‍♀️🤦‍♀️😂勁油 一d都唔彈牙🤷‍♀️感覺食左成粒肥豬油落肚🤦‍♀️🤦‍♀️湯底又整到好油 係個芥蘭好食d 因爲當造😂😂下次真係唔好亂試墨丸😭

叫了乾炒牛河下午茶餐，二十五分鍾都只有餐飲，没有得食，叫伙記追了三次，結果要取消下單，付了正價的餐飲錢，最後空著肚子去開工，完成下午的工作。下次都幾難叫我再去。

呢日同班單車喪友去踩車，不過前左大到添我個人就不嬲好準時嘅，點知垃圾港鐵觀塘線又訊號故障，火都嚟言歸正傳，踩單車前緊要執返劑餵飽飽，我指醫好個肚，唔好腍其他野餐廳勁多人，緊係好多人趁今日天氣好去踩單車最後搭枱之下終於有位，MENU簡而精，大家估下我叫咗咩食物到啦，就係呢個魚香茄子斑腩飯$46你話貴左? 我淨係知騰X出埋隻抄襲英X聯X嘅手機GAME依家股價都炒到3舊水一股，又有人買。食餐飯就唔好咁計較啦都係加左少少者不過講真係好OK嘅，班腩都幾脆，魚香茄子都幾爽口同埋我好鐘意啲伙計服務態度，好Nice。我個FD緊煩係咁問餐牌配搭要乜轉乜佢都好有耐性，最後都幫左佢轉，真係唔話得。Very Good.

源記係我少有中二去食既茶餐廳🤣今次叫左芝士忌廉黑椒牛魔皇$68忌廉黑椒汁好香，配上抄飯底，味道一流👍🏻配料有牛仔骨、牛扒、咸牛脷😍果然係牛魔王之選，有齊咁多款牛而且件件醃得好入味又淋😋

今日出尖沙咀旅行社攞D嘢順道經過呢間茶記，喺門口望一望價錢還可以接受，咁咪入去食個下午茶囉下午茶炒粉麵四十幾元話平唔平話貴又唔算太貴見到有炸脾配西多，死就死食飽先減肥啦落單太约10分鐘左右有得食（當時都幾多人）睇色水西多及炸脾處理得唔錯， 雞脾有界過幾刀先炸所以食得唔會好(論盡) 而且雞脾係有 醃過嘅所以都好入味，味道唔錯 ，至於西多 就太多油啦， 除咗牛油之外本身啲油好似水汪汪 味道一般般啦（比D油蓋過曬）凍檸茶味道就好正常， 總結呢份下午茶 38蚊 價錢尚算合理 味道就一半一半啦， 不過尖沙咀 舖租咁貴 仍然可以生存到嘅茶記唔多， 希望佢可以保存到嘅！

最鍾意食茶餐廳早餐 第一次食源記餐廳，估唔到可以咁好食！！！ 好真係覺得源記餐廳公仔麵，好食！ 煮得好爽口，唔會太醂，又唔會太硬！！！ 睇下，雞排係大大塊雞排啊而且，落單個伙計記得幫我不過餐廳環境就⋯⋯ 我見到筷子係洗唔乾淨，自己用茶洗多次如果理間餐廳再乾淨d就好啦，我下次會再來光顧⋯ 可惜⋯⋯我都好驚 唔乾淨餐具！！！！價錢方面，都幾貴啊！貴過太興！！！ 所以俾錢果下，心內面哇出來： 使唔使禁貴啊！！！ 收到咁貴，我對食物和環境都有要求高d水平先岩！

曾聽過很多人說源記的食物不怎麼樣，不過小人覺得都是茶餐廳吧，沒有甚麼所謂，固此有天早晨約定同事在此吃個早餐才開工訪客。小人的榨菜肉絲餐腸麵肉絲不算少，午餐肉看不出但咬下有煎過的感覺，並非原塊就這樣切出來，惟腸仔就真的似是烚的，不夠香口。麵條和湯都是正正常常，可喜的是不會過咸，吃完也不覺有無止境的口渴。同事的是普通餐蛋麵一碗，午餐肉不必多說，炒蛋很大塊，同事說油了一點，不太夠滑，但他亦同意麵和湯都不俗。試過之後，感覺比想像中為佳。

在尖沙咀開飯其實都有很多選擇，但是要快靚正而且食物種類選擇多樣如西式扒飯餐、燒味套餐、河粉麵和中式碟頭飯樣樣齊，實在不是太多選擇，而這間「源記餐廳」就是其中有齊以上特質的餐廳燒味套餐 - 燒鵝切雞飯燒鵝燒得香脆五香粉的味道剛好，不會把鵝的味道完全蓋過，切雞十分嫩滑有雞味整體配合得出色，是一碟完全合格的燒味飯西式扒飯餐 - 可以自由配搭喜愛的選擇，變化很大而我今次就選擇了鮮茄汁雞扒配腸仔煎蛋，大大碟十分超值雞扒嫩滑食落有雞汁，鮮茄汁茄味濃厚十分開胃🤓跟燒味套餐送的例湯，味道與火喉十足跟西式扒飯套餐凍檸茶實在太好味，糖、茶和檸檬的比例十分好，配合出來的味道酸甜中茶味濃卻不嚡囗令人一飲再飲，十分回味。

卡邦尼忌廉計蘑菇煙肉意粉意粉麵質軟硬兼施，屬高質意粉，忌廉汁好均勻夠多亦唔乾，非常的滋味，而且煙肉粉量多又有陣陣pizza香，上碟簡直色香味俱全，推薦另外有羅宋湯附送，羅宋湯也做得好好飲

一家幾口開開心心入去食飯，叫餐嘅時候女侍應態度已經唔好，好似唔想做咁。隔咗陣舉手叫多個飯，個女侍應當睇唔到行咗去。突然轉身話：一陣啦嚟緊喇！佢跟手拍一拍個男侍應，指指我地張枱。咁我同個男侍應講要咩，佢態度一樣差得緊要。到送餐嚟嗰個男侍應，唔知係未見到我用鉸剪剪义燒 (比小朋友)，講咗句：傻架！埋單嗰個就黑口黑面 哎。。。食都 Ok，但成間餐廳 d Service 就差到無人有！ 上到嚟 OpenRice 先知呢間餐廳有咁多人鬧服務差。

2個人行到攰，諗住去食野抖下點知預著態度勁差嘅伙記，真係一肚氣上層無哂位，叫左落下層，落到去比左個一張長櫈嘅卡位！跟本唔夠坐，同伙記講，佢仲話坐唔落幫唔到我！之後見到有其他卡位空著，就調過啦。點知又比伙記話調泥調去又唔嗌野食！點解啲伙記可以差成咁！一定black list佢！

去 cheese & wine tasting event 前食返碗麵打打底先，預左只得少少茶點唔方會飽架喇。路過源記，被香噴噴滷水牛腩香氣吸引，好耐無幫襯喇，就坐低嘆下您先。源記多間分店都已被強國佔領，連食物質素同味道都轉催大陸化口味，陰功！希望有例外，希望還有一線曙光啦﹗侍應叔叔有衝勁，殷勤款待，帶我到卡位坐下。牛雜麵走蔥，都考慮左好幾分鐘，最後解定簡簡單單快快食完去 event。兒時招牌菜牛雜，懷緬一下。嘩，意料之外有驚喜，難得質量跟以前不相伯仲啊，使我十分滾動呢。湯底特濃，非常香甜可口，清爽滷水牛腩汁越呷越起勁，認唔住啜多幾口先得。牛雜應腍則腍、應爽則爽，每啖都充滿肉汁，不咸不嗆亦不濁，好好食喎！麵質夠彈牙夠爽口，微弱鹼水味可接受，食得過，推介。

今日放工約左朋友去TST行街街, 行街之前就緊係去食返個LUNCH先啦, 咁先有氣力行GA MA, 哈哈....周圍行周圍搵, 食咩好呢, 最後都係食茶記...wakaka...入到去d店員服務都幾好喎...哈哈...又估唔到喎...唉..你知啦, 一般既茶餐廳唔知點解d態度到真係認真麻麻.  好打開餐牌睇下有咩食先, 嘩.....種類繁多...有中餐, 西餐, 粉麵等等....哈哈...唔知點解我地比個西餐餐牌吸引左, 朋友選左焗肉醬雞扒飯, 嘩.....勁多汁, 正爆, 雞扒都煎得好香口, 肉汁無流失.而我就叫左卡邦尼蘑菇意粉, 呢個蒜味都幾重, 每條意粉都被d汁包住, 讚!!最仲要既係仲要附送餐湯同飲品, 都只係幾十蚊, 同埋d食物質數拍得住出面d西餐廳, 好難得.

買了3:50 的電影票, 時間尚早, 足夠時間嘆下午茶.出THE ONE, 見到源記茶餐廳在對面, 食客好多, 相信食物唔會差.餐廳有兩層，地下有更多座位。下午茶多選擇, 有炒, 湯粉麵, 多士及飯.叫來和風燒烤雞翼麵, 雞翼兩串, 分開上, 保持脆. 送上時己聞到香味, 烤到乾身, 金黃但肉依然juicy, 略帶辣，麵份量不細；茶餐廳一定要配上港式奶茶，茶味濃，滑。