294
121
28
4-min walk from Exit B6, Ngau Tau Kok MTR Station continue reading
All Branches (5)
Telephone
37059848
Introduction
The chefs of this restaurant are from Taiwan. It uses Taiwan old streets as the theme of decoration. The minced pork rice, deep-fried chicken, and cheese omelette are recommended. continue reading
Opening Hours
Today
11:00 - 21:00
Mon - Sat
11:00 - 21:00
Sun
Closed
Public Holiday
11:00 - 21:00
Public Holiday Eve
11:00 - 21:00
Payment Methods
Visa Master AlipayHK Alipay Cash Octopus Apple Pay
Number of Seats
60
Other Info
Prevention of disease
Delivery
10% Service Charge
Spot payment
Review (577)
Level4 2021-02-05
291 views
今次介紹既係稍微鍾意台灣野都會聽過既呢間阿元來了,係最近發怖既《米芝蓮指南香港澳門2021》入面,有7間新入選既餐廳,其中一間就係西環堅尼地城店既阿元來了。老細阿元家人本身係夜市小食攤販,自己都曾經賣過紅豆餅同火鍋,係2015年係香港西環創立左呢間餐廳,因為見到香港無正宗既滷肉飯,之後係觀塘開分店,招牌除了有魯肉飯外,台式早餐同便當等都出名,而比起食物,佢既古式台灣裝修更加出名,好岩鍾意食台灣野又鍾意打卡既大家。-1️⃣ 阿元魯肉飯 💰42(👅: 8/10)魯肉飯同阿元魯肉飯個分別應該係多左白菜同半隻滷蛋,個碗好似都大D,份量就唔肯定係咪都多D。魯肉飯夠多汁,滷肉同滷肉汁夠撈哂成個飯食,汁唔算重味小小甜,飯係用珍珠米,份量係一碗飯咁多,細食既人可能一碗都接受飽。魯肉聞落幾香,肥瘦均稱,滷肉同即叫即炒既肉燥唔同,用醬汁滷五花腩6個鐘再燉,食落味道夠濃,唔太算軟腍,質感係較黏口。配料仲有一堆白菜同一舊醃漬,整體唔算好驚喜不過算好食。。-2️⃣ 香菇肉羮米粉 💰48(👅: 7.5/10)睇落比魯肉飯再大碗D。米粉個湯質地係好杰身濃稠糊狀,米粉唔易夾開,聞落無魯肉飯咁香。肉餅食落實在,口感算滑嫩。每一種配料既味道未算好一體好夾,各有自己味道。新竹米粉索滿左湯,不過味道偏淡。-3️⃣ 鹽酥雞💰37(👅: 7.5/10)份量足夠,食落溫度足夠熱辣辣,新鮮脆口,入面肉內嫩,調味平均唔會話太鹹。炸粉唔太厚,食落唔油膩。如果唔鍾意重味咁呢個應該幾適合。-4️⃣⃣ 肉鬆起司蛋餅💰35(👅: 8/10)係一個足料既蛋餅,蛋香味唔算重,蛋餅既肉鬆好滿好足夠,芝士味唔算好出。餅皮夠薄身淋身,食落唔油膩,食落會飽肚,味道偏重味偏鹹,鹹味可能係黎自上面既醬汁,估計佢咁多肉鬆就係為左中和個鹹味。個人覺得下次可以試下將上面個醬汁整走會唔會更好食,有D搶過其他既味道。-🧋香芋珍珠奶茶💰28(👅: 8/10)因為個時唔記得走甜,所以飲落係偏甜,不過幾好飲,我自己唔太鍾意太重香芋好似milksha咁不過呢間就岩岩好,珍珠係細粒狀,幾有嚼勁,建議可以叫小甜。唯一唔好既係凍飲係用杯但熱飲會用紙杯,唔係幾環保。-🌟今次叫既都比平時叫多左野食,所以價錢都貴小小,如果一個人食其實便當都已經夠如果唔係好大食,多人食其實一人一個飯/麵加個小食都足夠。總括係味道如果係觀塘既台灣菜算唔錯,我覺得台灣野有唔同魯肉飯、麵線既做法,所以都好睇個人口味,佢既滷肉飯同蛋餅會較出色,但呢間台灣野無牛肉麵,如果鍾意牛肉麵既可能要試其他台灣菜餐廳。-👅味道: 7.5/10🍴環境: 8/10💰消費: $108 (服務費: NA) continue reading
(The above review is the personal opinion of a user which does not represent OpenRice's point of view.)
試過‘阿元來了’後就一直想帶🤴🏻黎食,一係就唔到時間,有次唔記得星期日冇開撲個空😞😞,今日終於可以黎再試下你手勢🤤🤤本來想介紹蛋餅比🤴🏻,但原來餐牌有分日夜,夜晚係冇提供蛋餅及麵線,兩樣咁代表台灣嘅美食居然~~~冇~~~得~~~食 ~~~😱😱😱好彩再問多d都有得賣麵線比我地!🙏🏻🙏🏻今次叫左五個菜色+兩杯飲品焢肉飯($45)兩大塊半肥瘦豬肉係面,旁邊伴有少少鹵肉粒,與飯撈勻後雖然味道唔錯,可惜唔夠油!🙄🙄其實食得滷肉飯預咗多油、多油先好食!另外控肉亦都比較干😖😖台南擔仔粿條($36)唔知粿條係乜嘢,叫黎試試,點知原來係河粉!🤣🤣食落就係‘鹵肉河粉’湯頭幾甜,容易入口!但鹵肉襯飯好似岩數啲😃😃香脆大雞排($40)外表適中,但都幾有厚度!😚😚表面灑上鹽酥調味,雞肉多汁,又香又脆又夠厚!好味呀~~~🥰🥰蚵仔大腸麵線($40)同上次一樣,4-5隻蚵仔,大腸軟軟綿綿,台灣味😋😋豪華海鮮煎($40)煎得金黃色好靚,有大蝦🍤、蚵仔各數隻,內裡醬汁軟‘淋淋’成督‘鼻涕’咁,呢款就係正宗台灣蚵仔煎😝😝皇室奶茶(冷)($22)甜度適中茉香珍珠奶茶(冷)($25)珍珠屬於細粒狀,少少甜!兩人叫左$248其實都幾貴,唔知幾時真係可以去台灣食呢?😓😓 continue reading
(The above review is the personal opinion of a user which does not represent OpenRice's point of view.)
Level4 2020-11-12
3930 views
十一月第二個星期三下午,觀塘。從中午到下午東奔西跑,連午飯的時間都沒有,忙完以後,決定試試離公司不遠的台式餐廳。這餐廳挺有名的,因為是台灣人開的,主打正宗台灣味。以前在堅尼地城工作的時候,總是見到他們客似雲來,所以沒有機會試,這下可好,趕緊在沒有甚麼客人的時間探探店。餐廳裡面的復古裝潢彷彿回到了五六十年代的台灣,仿火車站,售票口,夜市攤檔,還有著名的春風大戲院,連座椅的擺放都是參照台灣路邊攤,打卡的位置真的蠻多。肚子餓了,趕快點一份下午茶套餐。香菇肉羹米粉,有三塊用料實在,口感挺滑嫩的肉餅;湯頭濃稠,不過香氣欠奉,而且吃下去味道非常普通,每一款配料的味道都是分開的;吸滿了湯頭的新竹米粉也很奇怪,是沒有味道的,整碗米粉就是毫無層次可言。不喜歡米粉可以選麵,因為他們的麵是用油麵,幸好沒有選,不然應該比米粉更沒味道。爆濃起司蛋餅,台灣直送的蛋餅皮裡面是薄薄的蛋皮跟起司,餅皮跟蛋皮還有起司層層分明,一夾是可以把三層全分開的,也就是非常鬆。細細咀嚼,沒有蛋香氣,起司的份量明明就是剛剛好,頭尾的起司一半都沒有,卻說成是爆漿,那普通版的起司蛋餅豈不是吃不出來有起司?蛋餅皮表面的醬跟Heinz亨氏的燒烤醬味道是一模一樣的,甚麼味道都給它蓋過了,旁邊莫名其妙配的是辣醬,根本沒有一樣東西的味道是搭的,果然不是台灣人就一定會知道怎麼做蛋餅。滷青菜,今天的是菜心,份量是滿滿一碟,不過,放進嘴裡又是一陣失望:菜煮得近乎爛的程度,基本上隨便咬兩下已經可以吞掉;味道根本就是放進水裡煮完,撈起來淋上混了一半水的醬油沒兩樣,說好的滷呢?!滷味在哪裡?!洛神紅梅汁,喝了一口,洛神花的味道沒有,紅梅的酸度也沒有,口腔除了甜還是甜,喝了幾口放棄了。服務方面,問服務生關於菜品的問題,比如起司蛋餅跟爆濃起司的分別,竟然回答爆濃是煎的比較焦(燶)的意思,弄得我也怪叫了出來;問滷青菜是甚麼,得到的答覆是菜心,我是想要知道滷是甚麼好嗎,是滷味?還是醃製?她們的回答給人的感覺就是對菜品一知半解,那對於不太了解台灣菜的客人要怎麼介紹?熟悉店裡出品作為服務生是基本吧。到最後是吃不完的,除了蛋餅,因為那時候太餓了,蛋餅不夠熱可以先填肚子,這餐廳以後是可以不用再來,也希望他們以後不要再打著正宗台灣味的旗號。搬來觀塘區一陣子,發現雖然餐廳滿街都是,不過質素無疑是參差不齊,尋找美食路上果然不輕易。 continue reading
(The above review is the personal opinion of a user which does not represent OpenRice's point of view.)
Level2 2021-04-23
0 views
自己本身就好鍾意食台灣嘢,諗起台灣就會聯想到滷肉飯,真係好掛住,所以有日食lunch ,就同朋友去咗阿元來了食返碗滷肉飯。同有友人都係一齊叫左招牌阿元滷肉飯,滷肉飯呢上面嘅滷肉係偏肥嘅,邪惡一次冇所謂啦,滷汁配飯真係一流,另外飯上面都有白菜同雞蛋做返個配搭嘅,加上有醃蘿蔔係飯上面,如果真係覺得油膩嘅話就可以食返一啖醃蘿蔔中和下。另外仲叫咗個小食-炸蛋黃芋頭卷,斧頭嘅甜加上蛋黃嘅鹹香唔知道食落去係如何嘅呢,不過似乎就芋頭味道就蓋過住蛋黃,識落蛋黃嘅香味就唔足,驚喜就似乎不太大。加上食完個滷肉飯真係超級飽。阿元來了依間餐廳cp 值都幾高,唔單止好食加上真係好抵食。阿元來了 (鴻圖道) (觀塘)觀塘鴻圖道28號地下後座分店:堅尼地城(西環) continue reading
(The above review is the personal opinion of a user which does not represent OpenRice's point of view.)
Level3 2021-04-20
21 views
約咗一位好耐無見又喺附近返工嘅朋友食飯,近近哋就嚟咗食呢間喺工廈入面嘅台灣餐廳。我哋嗌咗兩個小食share,鹽酥雞脆卜卜,但口味偏淡,如果有多啲味粉就好啦。台式香腸誠意差少少,我expect會切片煎到脆脆哋咁,但呢份就只係烤完再切開嘅feel。主食我揀咗魯肉飯,魯肉飯好足料,可以撈哂成碗飯有突,魯肉有肥有瘦,口感唔錯,如果要彈嘅話我會覺得汁多咗少少,撈完飯嘅飯粒有少少太濕,浪費咗一粒粒嘅珍珠米。跟餐嗌咗杯熱茉香奶茶(三分糖),茶味奶味好平衡,甜度啱啱好,呢杯好飲👍🏻 continue reading
(The above review is the personal opinion of a user which does not represent OpenRice's point of view.)