御和亭日本料理

Open Now

Now Closed

前晚同屋企人又去咗食呢間呢晚餐我地order咗牛油果軟殼蟹卷呢個組合基本上係唔會難食而佢嘅軟殼蟹都幾大隻好滿足仲有雜錦天婦羅d蝦又幾大隻同埋都好大份味道就正常發揮因為屋企人唔想食生冷野就order咗黑鬆露鮑魚炒飯黑鬆露配炒飯又係一個冇得輸嘅組合鮑魚份量都幾多而我就食咗雜錦魚生丼有帶子、赤蝦、海膽、吞拿魚蓉同三文魚子本身想order返上次個角切點知佢賣曬冇貨呢個雖然魚生都新鮮但感覺冇每切咁驚艷但都不過不失

大埔其實有好多隱世小店而且質素非常高呢間呢lunch set一定係首選而要排隊就一定晚餐都好正不過今次講下lunch先必點嘅有五色刺身丼刺身的款色係跟當日有咩新鮮嘅而上碟所以次次黎食都有唔同而飯係分開一碗個人就呢樣好欣賞因為有時真係d飯會放喺個底又難夾而且温度都好影響每次食都有驚喜而另一樣就order咗佢期間限定嘅蟹丼入面有天婦羅軟殼蟹蟹、蟹膏、蟹肉同伴碟嘅洋蔥圈同蘆筍而lunch set仲配有沙律、味噌湯同茶碗蒸真係好抵食而且味道好好

本身好怕刺身唔新鮮，不過見佢lunch 成日排大隊，就比個機會佢🫣叫左個六點刺身拼盤，每款2切，好新鮮得黎仲要厚切！好正！象拔蚌好甜，吞食魚超肥油脂好均勻，食落口就融🫶🏻見佢咁新鮮，再叫個黑松露帶子蝦卷😎蝦好爽口，令到成件事好正，再配鮮甜帶子同飛魚，昇華左勁多 ！燒明太子個人覺得正常發揮，不過好聰明用青瓜拎到飛魚子唔會太鹹。食咗咁多凍嘢叫返個熱食，牛肉壽喜燒🤩🤩🤩好正，牛肉係靚牛，脂肪分布均勻得黎牛味好濃，個日本醬油湯底唔會太鹹，good ending !

御和亭都係另一間我同屋企人好鍾意嘅餐廳！我哋基本上每次去都會嗌差唔多嘅嘢😀😂今次就同大家介紹吓😋🥗和風刺身沙律 $63沙律菜夠Fresh! 刺身有三文魚，油甘魚同埋八爪魚🐙。三文魚粒係平時嘅四倍咁大😳蟹籽都好乾爽！同一般日本餐廳沙律唔同；佢唔係用芝麻醬，而係用好香嘅醋，令成件事更加開胃！😋🐟帶子三文魚丼$102呢個飯雖然望落好簡單，但其實性價比超級高！😍 三文魚片有一隻手指公咁厚！特別鍾意佢個飯🍚加咗啲(應該) 煎香過嘅芝麻，即刻提升咗另一個層次！🍲一休豚肉鍋$88豚肉鍋湯底非常清甜，用大量娃娃菜同豚肉薄片熬成。豚肉片唔會太肥膩，加埋粉絲 蘿蔔 豆腐等，係暖心又營養均衡嘅一道菜。

今日嚟到大埔相約朋友食飯聚會醒起好耐冇食呢間日本野約好大家早少少一齊去排隊嚟到店前已有一條長人龍好彩係第一轉入到最後一張枱-睇過餐牌，可能隔咗好耐冇嚟食多咗新菜式問過店員今日冇燒鮪魚魚頭set 可惜呀，最鍾意呢個大家揀好咗就落單好快就上前菜今日有牛肉粒加少量蔬菜，牛粒肉質細嫩沙律菜加埋水果好清新又開胃茶碗蒸足料而蛋夠滑嫩味增湯味道剛好不會太咸一夜干燒魚御膳 $98魚外皮烤得酥脆香口，食落綿潤而鮮味十足特上什錦壽司御膳 $108賣相好吸引，魚生鮮美而腴潤，食落清甜美味軟殻蟹御膳 $108擺盤非常吸睛，軟殻蟹炸得香酥而蟹肉潤滑又味道濃郁其他蔬菜天婦羅脆嫩爽口真的非常美味的午餐，而且午市不加一，性價比高值得再來～

呢間鋪頭係lunch hour經過成日都大排長龍😍但成日都趕時間等唔到咁耐啵🙊上網見到就即刻book左嚟trytry la😛建議想食嘅朋友仔都要打去book左先🫡咁就唔怕冇得食/要等好耐啦🫢🧊特上什錦壽司御膳 $108 9/10❄️前菜 （茶碗蒸+麵豉湯+沙律）茶碗蒸 🍳個蛋好香好滑身😍配料又豐富啵，有素翅、蟹柳同日式魚蛋😙味道又唔會太咸或者冇味喎👻麵豉湯🥣就正正常常，普普通通🤣沙律🥗呢個都有小小驚喜😚唔似平啲日式餐廳嗰啲咁普通，即係蟹籽沙律/麻醬生菜咁😛佢仲有埋生果㗎！有蘋果同埋火龍果～兩個都幾甜架😆❄ 什錦壽司 （8件壽司+2件卷物）呢個都可以講話係平價嘅Omakase🤣🤣次次都充滿神秘感同埋驚喜嘅🫶🏻因為你唔會知嗰日師傅會比啲咩壽司你呀🙊但質素係會高質嘅！👻每一件壽司都大大件，一啖都食唔哂🤣要分開兩啖食🫢佢做到好似魚生包飯咁😂啲魚生勁厚，包住舊飯好正😙魚生又新鮮啵！一啲都唔覺得有腥味😍另外呢，比塊葉遮住嗰件左係火炙壽司🍣🤣燒得好香😙😙會話最鍾意食係嗰件壽司🙊如果大家離開大埔都建議大家食㗎💓性價比又高啵😍除番開先$10左右件🤣🤣但係就記得記得一定要book位先!如果唔係等到變傻都未食

之前聽朋友介紹御和亭好食 一於試試佢～我地係平日夜晚6:45pm左右去到嗰陣只有1-2枱 但7:30pm開始就full啦所以最好都打去book定枱先💡蔥吞拿魚入口即溶 果然係餐廳嘅招牌👍🏻蔥嘅比例較平時嘅多 中意食蔥嘅人會中意😛三文魚子同海膽都幾鮮甜帶子同三文魚水準都幾高 又厚又大塊 好足料好滿足🤤呢個炸雞軟骨山都好有驚喜！香脆得黎又唔會覺得好油膩/熱氣不停食都無罪惡感🤭下次一定encore!————————————————————————總結整體質素都幾好 係一間值得黎試嘅居酒屋👍🏻魚生飯好足料好鮮甜 而熟食都非常吸引 下次黎再試多啲😋

如果係大埔食日本野.呢間會係其中一間可以考慮既地方!!😆食物質素都OK雖然近年覺得質素有D退步.但係大埔黎講已經係相對高人氣🤣唔BOOK位通常都要出面排隊等🈵而WEEKEND既話都係要早D先BOOK到餐廳位置唔算係市中心.有D僻門外裝修都好有日本FEEL.入面都係木系為主不過位置唔算好寬敞.坐得會有D迫!SUSHI質素算OK.同埋係大件既!!🍣 串燒都還好🍢🍡魚湯雜菜煲同炒飯每次黎都會叫~魚湯好濃郁. 飯炒得幾香🍚 🤤💥熒光魷魚💥壽司SSS💥明太子雞翼💥燒墨魚串💥魚湯雜菜煲💥鰻魚炒飯

朋友介紹大埔嘅呢間「御和亭」🍣係佢平時嘅飯堂之一，啲食物新鮮又抵食，重點係門口就一大個咪錶場比你泊車🚙 真係夠晒方便，今日嚟試吓佢嘅Dinner😋🥩超列日本黑豚 $88豬扒肉質好軟淋唔會太瘦，炸得金黃外脆內軟，咬落去仲有肉汁一啲都唔會乾👍🏻醮埋佢配嘅芝麻汁幾好食，但略嫌個豬扒有啲薄🤔同埋個吉列外皮都好唔夠黏住塊豬扒，一咬會分開左個皮同塊肉🫣 配菜有日本和風dressing 嘅沙律菜🥗 夾埋啲豬扒一齊食中和番就唔會覺得太油膩😌🐔燒雞翼 $42一碟有三隻，幫你起晒肉咁串住食非常方便🍴雞翼用鹽燒燒到岩岩好，外層雞皮脆口有油脂，雞肉軟滑👍🏻🍆雜錦天婦羅 $98上台見到佢擺盤好靚，好大盤🤩最頂有個洋蔥圈🧅，掛住兩隻蝦🦐，仲有多春魚🐟茄子🍆南瓜🎃魷魚🦑青椒🫑同冬菇🍄 份量以呢個價錢嚟講真係好多CP 值高，而且熱辣辣新鮮炸起真係好香脆，又冇油益味，個皮做得夠薄脆🥳🐟油甘魚壽司 $38魚生新鮮都幾大塊但唔算厚，亦都唔算肥美，個飯就比較鬆散同隻粒比較淋😅🐚帶子壽司 $58帶子相對都大粒新鮮👍🏻🍮海鮮茶碗蒸朋友極力推界要點，果然真係好好食，蒸得嫩滑之餘個鰹魚味都好出🤤 碗入面有好多配料，蟹柳🦀魚板🐟好大粒

約咗屋企人去大埔，早一日諗定食咩好！全家都係日本迷😂所以一致決定食日本菜，唔洗拗😂由於怕夜晚人太多，所以朝早就book定枱先叫咗兩個壽司拼盤、散叫咗少量壽司同埋小食先講下個拼盤，價錢唔貴，但質素比想像中好😲唔會薄切，而且食材新鮮另外散叫咗壽司，其中三文魚壽司厚到一個點😵整體嚟講，擺盤靚！賣相靚！環境舒適！服務一流！食物質素嘅性價比高！高質高質高質！絕對值得推介啊！📍大埔翠和里1號永發樓B座地下

之前食過好幾次lunch set，今次第一次食呢間嘅dinner，好期待！我哋今日六點就嚟到，都已經滿咗一半位，記得要book位，唔係都幾大機會冇位～首先叫咗個和風刺身沙律 ($58)🥗睇openrice其他食評見到呢個沙律好大個，真係超級大碗🤣刺身有三文魚同油甘魚，每款大約有六至七粒，都唔算少，底下就係滿滿嘅沙律菜，配埋酸酸地類似柚子醋嘅醬汁，非常開胃😋我今次冇叫其他壽司，只係叫咗個卷物，蔥碎金鎗魚腩卷 ($68)🍣有六個小卷，呢個比起其他食物相對就普通少少～跟住就係我最想食嘅網燒安格斯牛扒 ($108)🥩一上枱真係超級香，已經切開咗一條條，燒得啱啱好，肉質好軟淋，而且亦都有牛味，旁邊配咗一啲沙律菜，今餐真係食好多菜🤣仲有男朋友最鍾意嘅鹽燒牛舌 ($72)🍢呢個價錢係兩串😆每串有三塊，牛舌鮮嫩，不過大塊嘅我一啖食就要咬耐少少😂爐端燒方面仲有燒芝士年糕 ($38)🍢原來燒芝士年糕同平時炸芝士年糕係唔同！我好鍾意呢個Q彈嘅外皮口感☺️冇炸嘅咁油膩😚壓軸登場嘅有黑松露鵝肝炒飯 ($98)🍚呢個性價比超高啊！起初對佢冇咩期望，點知啲鵝肝原來都唔少😆😆佢唔係好強油脂感，不過炒起上嚟有鵝肝嘅香氣～

御和亭日本料理 (大埔)大埔翠和里1號永發樓B座地下燒自家製鰻魚 每一次幫襯必點項目！燒烤嘅時間掌握得超好~既能夠鎖住鰻魚油脂 同時底層嘅魚皮燒得煎得脆卜卜～🤤🤤魚肉夠厚身，啖啖肉！肉質爽脆～似白鱔多個鰻魚～每一次諗起都流晒口水～ 仲要佢份量好足～每一下燒鰻魚都有兩大塊😋 旁邊嘅沙律菜可以平衡返鰻魚嘅油膩感～一試難忘！正🤤牛肉壽喜鍋上枱時，牛肉係半生熟狀態～所以浸一浸要趁熱食～唔係擺長咗時間就會過老～ 有四大塊牛肉～不過牛肉偏瘦～略欠牛味～另外，湯底偏淡～除咗牛肉，仲有娃娃菜冬菇金菇豆腐～夠晒足料！鹽燒牛舌 牛舌都燒得唔錯！牛舌肉身同樣爽脆～厚切！正～和風刺身沙律刺身切得大大嚿～😍正！但有啲女仔又會鍾意切細舊啲～小粒狀可能會更加好～ 刺身十分新鮮！沙律菜伴上沙律醋而非沙律醬夠晒開胃～😋

夜晚去食記得要book 位，唔好懶，無book位又要去唔該預左受氣，6點半去到拿飛仔等walk in, 禮貌地問我有無book 位，無就只可以坐bar 台， ok 無問題我等， 等到7點幾眼見bar 台以外好多吉位無人坐，鋪出面都無book左位既人等入座，就系唔叫walk in 既人入去食野，ok 無問題帶位小姐一早講左walk in 只可以坐bar 台， 今晚聽住帶位小姐企門口叫90號無人應，跟住叫91號，之後叫92號。。。 我見入面bar 台仲有位好耐都無人坐，我入去問，話原來90號飛去左泊車，黎緊，唔俾我入去坐，如果甘既服務都幾體貼，但問題唔合邏輯，系門口無人應飛但又知道去左泊車，最後90號飛既人系廁所位後門入，黎到同晒好多鋪頭既人，師傅打招呼，有d 題示俾到我，等緊位時後面一家三口個母親已經等到唔耐煩，口爆話間野又系甘，有位唔俾人入去坐，唔知點派位，後尾去左隔離德美食，我已等左成粒鐘，見bar 台既人仲食緊野，其他位有位無人坐，半間鋪無人坐呀系！！！最後我等左一個鐘都系走左，食唔到，應該唔會再去

不論平日或假日都會有客人12點前排隊等開門，足以證明人氣高企，如果唔想等位最好打電話book定位，否則係室外等都幾熱，佢各類午市套餐絕不馬虎，加上價錢合理，所以真係好多街坊嚟食每份午市定食都包一小碟醃黃蘿蔔、沙律、茶碗蒸及麵豉湯，當中沙律最比到驚喜，佢用既沙律汁絕不求其，酸酸味味，十分開胃可口，而茶碗蒸亦十分香滑足料，一流!人氣之選: 赤海老雜錦刺身御膳 $112呢盤刺身上菜時大得十分驚人，有一大隻赤蝦、厚切三文魚、油甘魚、鰤魚、帆立貝及帶子，基本上所有刺身都係厚切，絕不馬虎，刺身種類每日供應不一，會轉款，只有赤蝦是固定的，再配上一碗熱辣辣的珍珠米飯，加上價錢合理，職員經常貼心為客人加茶水，但都唔需要收加一，絕對係抵食之選!

御和亭既鋪位偏偏地， 唔係大街， 唔係特登去應該都好難經過見到。 今日專程過黎食lunch~ 不過太大意冇book位， 12點半已經係要2張檯啦😭😭 各位一定要記得book位～～入到鋪頭， 店員要求用額頭量體溫， 做得好好呀， 小心駛得萬年船嘛～～我地諗都冇諗， 嗌左2個壽司set, 其實今次係我第一次食， 不過已經聽過好多好評啦， 好期待～壽司係冇指定款式， 全部師傅話事， 不過每樣都大件又新鮮， 唔會係薄切切個種， 套餐仲有跟茶碗蒸同埋湯， 沙律， 好抵食。 真心食爭鮮都要呢個價錢。 大推～～