宇鮨料理

Open Now

Now Closed

今日我喺觀塘區度做嘢，做完嘢就好想去食日本嘢，我就搵到好近我位於觀塘市中心位，上網睇佢啲相同埋評價都唔錯，就去試吓🤩我叫咗個刺身定食$118（入邊有吞拿魚，拖羅、鮮蝦、 帶子、三文魚） 刺身啖啖肉又鮮甜，見到佢每一塊刺身都好厚身同好新鮮👍個餐仲包埋個胡麻醬冷麵，呢個是我由細到大都好鍾意食，又多蟹籽又多醬😚之後我叫咗兩個小食：三文魚腹鰭$38食落啖肉，仲要係好多油脂入口即溶，好鐘意食呢啲燒三文魚😍😍我再叫咗一份黑豚豬腩肉串$38，就咁睇都已經好Juicy燒到啱啱好。又食刺身又食串燒，梗係要叫杯日本啤酒Asahi 啤一啤🍻

昨天來到這間日式小店試試，環境整體乾淨衛生，座位也舒適闊落，目測一般4人枱，最大6人枱，允許電子落單，菜品選擇多，價錢也親民，我和4歲仔分別點了豬軟骨丼和三文魚夀司定食，結果豬軟骨軟爛入味非常好吃😋😋😋，三文魚夀司定食也恰到好處，滿滿的幸福感！兩者份量都不少，普通人絕對吃得飽！溫馨提示:人均消費低于50元要收加一，這個正常消費一般都過！打算下次再去試試其他選擇，真心推薦值得一去再去的料理店！

情人節第一次試而間餐廳！訂左位，但俾左張好細2人枱，後來有2人客走了，轉了張4人枱，食得輕鬆，否則所點食物原本2人枱是無辦法放得晒！第一道菜係牛肉壽喜燒，（發現每枱都係咁），只好邊食邊等，第2道菜過左30分鐘都未有，一問店員，話是壽司師傅多單，熟食師傅個邊少d單所以耐，變相食物上菜次序完全倒轉！熟食先上，最後沙律！（如圖序）食物味道正常，只是每一道食物等左好耐，（每一枱都係熟食，燒物，炸物先上）希望之後再黎會有改進！ 店收現金，八達通，轉數快，payme !#仍然想支持小店

今日同朋友去觀塘行街，出發前去醫肚。原來見到呢一間日本嘅就入去試吓～地方環境唔算大，嘢食都唔算多，但係睇得出嘢食品方面精挑細選。＇樓頂方面，仲有日本遮嘅佈置嘅特別今日叫咗兩個set lunch 1）刺身丼 $168入面有7款魚生刺身～麵豉湯仲有新鮮蜆肉2）壽司八貫配兩件加州卷加迷你烏冬$98另外set much 仲可以加小食我哋加咗$28兩隻嘅芝麻雞翼仲嗌咗佢哋推介嘅三文魚骨整體嚟講都係好味嘅魚生都好新鮮每一個員工都好有禮貌咁解釋俾我聽入邊會有咩刺身 👍🏻👍🏻

叫左個2人餐$286-夠食的三文魚牛油果沙律，好新鮮，份量都多無叫壽司，叫左刺身海佬刺身，好爽口，單點$36都有2隻⋯抵👍🏻三文魚&劍魚味道唔錯，鮮、唯一不足，唔夠凍炸蠔都有4隻🥰牛肉壽喜燒牛肉切太厚，好韌、咬唔開又多根菜好似唔太新鮮/有d老(娃娃菜/小棠菜)又勁甜，呢個主菜堅敗筆🥱🥱真係要改善下成個鍋基本上無食到西京燒龍利魚柳，等左勁耐又甜又鹹，味道好奇怪最後都係食左幾啖就放棄左套餐入面包左2碗仔烏冬，最好食餐廳環境都唔錯，又唔迫，坐得舒服！野食可以再改善下，下次會再去💪🏻💪🏻

🍴西京燒比目魚定食 $72定食會包咗前菜，麵豉湯，沙律白飯，比目魚都幾大嚿，食落去甜甜地，麵豉湯落咗蜆肉去煮，$72有前菜湯沙律，都算抵食！🍴三文魚定食 $68非常豐富，前菜，有六件壽司再加一個湯烏冬，壽司口感紮實大件，係似港式嗰種壽司！有花之戀三文魚三文魚卷，燒三文魚種類都幾豐富，加埋個烏冬真係一定夠飽肚啊， $68真係好高性價比！🥗蟹籽沙律 +$28青瓜好多，食落去蟹籽都好有口感，都幾大份！推薦指數: 7/10雖然位置距離地鐵站遠少少，不過非常抵食，又飽肚嘅日式定食，都值得支持小店！

餐廳簡約設計，以傳統和傘作裝飾店內乾淨企理，牆身貼有不同食物相片食物選擇眾多，同朋友懶得諗就點2人餐價錢親民，而且份量十足有不少街坊幫襯，好啱朋友家人聚會晚市朝日生啤酒有買一送一優惠❥ 2人餐 $268沙律｜刺身或壽司｜炸物｜燒物｜鍋物｜烏冬或飯團✾ 三文魚牛油果沙律牛油果軟滑配搭細嫩三文魚以沙律醋作調味，清爽開胃✾ 刺身劍魚腩｜三文魚｜赤海蝦刺身新鮮肥美，劍魚腩柔軟豐腴三文魚細膩軟嫩；赤海蝦綿密彈牙✾ 日式蟹肉忌廉餅外金黃酥脆，內綿密幼滑✾ 西京燒比目魚入口鹹中帶甜，魚肉嫩滑香氣滿滿配搭日式蛋黃醬增添風味✾ 泡菜豚肉鍋暖笠笠一大鍋，爽脆泡菜同柔軟豚肉湯底清甜帶點泡菜酸辣，配菜豐富金菇、娃娃菜、大蔥同小棠菜等等✾ 燒明太子飯團飯團表面焦香脆身，入口鬆軟帶點濕潤感每啖散發淡淡明太子鮮香味❥ 鹽燒三文魚頭鮫 $48三文魚魚皮焦脆，肉質鮮嫩富魚油甘香加少許檸檬汁更能提鮮同帶點清爽感❥ 汁燒豆腐串 $28香脆表面沾滿鹹甜醬汁，一口咬開豆腐嫩滑多汁

嚟到觀塘食嘢, 真係有啲選擇困難, 在芸芸美食中, 都係揀咗日本料理。宇鮨料理食店位於觀塘宜安街, 裝修簡潔, 環境舒適休閒。蟹子沙律橙黃色蟹子脆卜卜又鹹香, 沙律菜鮮甜, 口感清新。松葉蟹丼蟹肉鮮味香甜, 肉質幼滑, 充滿鹹鮮海水味, 加埋香飯, 口感特別順滑。刺身五品五款刺身都好新鮮, 三文魚腩很肥美, 油甘魚鮮甜充滿油香, 八爪魚爽脆咸鮮海水味, 口感好清爽。生蠔大大隻好肥美, 厚肉得嚟好有海水味, 蠔味濃郁, 肉質鮮甜香滑好creamy。唐揚三文魚骨魚骨炸得好香脆, 酥脆可口, 調味得宜好惹味。#hkfoodie #foodporn #hkfoodblog #foodies #foodiehk #instafood #hkfoodporn #foodblogger#觀塘美食 #日本菜 #打卡熱點 #相机食先 #手机食先 #美食博主 #香港探店 #香港旅游攻略 #香港旅游好去处 #香港美食推荐

有不少定食選擇，價錢親民。叫咗兩款午市套餐，再加配小食，份量很多。🍱日式蒲燒秋刀魚丼 (有前菜及麵鼓湯)$58秋刀魚吸收蒲燒醬香甜味，非常入味，魚肉唔會乾身，煮得幾綿嫩。🥟日式餃子(5隻) +$28炸得外層酥脆香口，餡料加入咗粟米和紅蘿蔔粒，增加口感。肉混合咗醬汁，好夠味。🍣壽司八貫盛 (配2件加州卷、迷你湯烏冬) $988款由廚師發板嘅壽司，款式豐富。有三文魚、吞拿魚、北寄貝、炙燒三文魚等等。加上湯烏冬，為餐點增添溫暖嘅感覺。🐟唐揚三文魚骨 +$28好大一份三文魚骨，非常抵食。魚骨炸得香脆，外層有椒鹽，鹹香味幾惹味，魚肉鮮嫩多汁。好適合做配酒小食😋🦪原隻活赤貝 $58赤貝十分爽口，彈牙有口感。令人回味。🥗蟹籽沙律 $48沙律醬份量恰到好處，唔會太多。有幾多蟹柳絲，再加入唔少蟹籽，令口感更豐富。

餐廳由細舖轉大舖，由葵涌轉觀塘，就算點轉，沿用葵涌分店的日系裝修風格。座位多了不少，亦很闊落，坐得非常舒服。餐牌上多了好多新菜式，價錢亦很相宜，我地都點了一小部分黎試下。 -串燒-⦁醬燒雞肉 $14/串⦁鹽燒雞軟骨 $14/串⦁鹽燒雞皮 $14/串⦁鹽燒迷你日本番薯 $14/串串燒選擇很多，雞肉嫩滑多汁，雞皮烤得香脆無比，雞軟骨爽口，番薯🍠香甜。 -單點-⦁玉子燒 $46⦁蟹肉芒果水菜米紙卷 $88⦁唐揚三文魚骨 $45⦁三文魚頭鍋 $98玉子燒🍳非常滑，半生熟的口感。Mix左越南風味的米紙卷物🌯，口感煙韌，蟹肉🦀同芒果🥭亦很鮮甜，有種refresh的感覺。點少得佢地特別推介的三文魚系列呢‼️兩款份量好足，三文魚肉的嫩滑，味道甘香，滿滿的Omega 3。

壽司盛（二）🍣 三文魚🍣 劍魚腩🍣 特盛北寄貝🍣 日本石蛸（八爪魚）🍣 珍寶甜蝦🍣 鯛魚🍣 馬刀貝🍣 三文魚加州卷🍣 賣相：🐧🐧🐧🐧🐧味道：🐧🐧🐧🐧🐧壽司們以大型木雕船隻送上，氣勢十足觀感一流。壽司們大件又新鮮，色澤明亮鮮美，非常吸引誘人。🐧 最喜歡珍寶甜蝦壽司🦐 甜蝦鮮嫩無比，食落爽滑又甘甜，啖啖肉超滿足之選🤤 赤穗蠔刺身賣相：🐧🐧🐧🐧🐧味道：🐧🐧🐧🐧🐧赤穗生蠔杯位好深，蠔肉肥美又飽滿，一口吃下去，清澈的鮮味和奶油般的甜味充盈整個口腔，濃鮮的滋味令人無限回味。汁燒原條魷魚賣相：🐧🐧🐧🐧🐧味道：🐧🐧🐧🐧🐧魷魚超大條極厚肉，原條汁燒處理，令魷魚的肉質依舊保持鮮嫩，食落煙韌又彈牙，嚼感十足，當中香甜的燒汁令魷魚的鮮味更出眾，非常可口。鹽燒雞腎、鹽燒雞皮、汁燒雞肉賣相：🐧🐧🐧🐧🐧味道：🐧🐧🐧🐧🐧三款串燒火候控制得宜，外層微燻金黃，上枱時散發著邪惡的焦香，非常吸引。🐧 最喜歡外脆內爽的雞腎😋 簡單以鹽燒方式製作，令雞腎獨特的口味更突出，超級惹味。軟殼蟹沙律賣相：🐧🐧🐧🐧味道：🐧🐧🐧🐧軟殼蟹炸得外脆內嫩，油而不膩，配搭清爽又開胃的沙律菜一齊食，作為餐前小菜十分理想。環境：🐧🐧🐧🐧🐧餐廳裝橫日本風

最近知道觀塘新開左一間日式餐廳😳即刻放工就過黎試下先🦪刺身-原隻活赤貝（1隻）$58赤貝裙邊爽脆清甜😳而赤貝肉鮮甜，夠哂大隻🍣B02-壽司盛(二) $250一上枱見到整部船都裝滿壽司，夠盛大🤩有三文魚、劍魚腩、特盛北寄具、日本石蛸(爪魚）、珍寶甜蝦、鯛魚、馬刀貝同三文魚加州卷。當中珍寶甜蝦夠大隻而且口感鮮爽中帶軟糯，另外劍魚腩帶有淡淡粉紅色，肉質柔軟、鮮甜而不油膩😋🐟唐揚三文魚骨 $45三文魚骨炸得脆卜卜，每片魚骨既肉都好香脆。另外仲可以配搭上沙律醬🥘三文魚頭鍋 $98三文魚經炸過，湯係奶油白色，好鮮甜☺️而且有滿滿一鍋三文魚，另外配上金針菇、娃娃菜非常豐富。另外配搭一碗白飯店舖裝潢都好有日式感覺，好乾淨整潔，而且價錢好親民👏🏻

身為觀塘街坊，梗係時刻要留意下附近有啲乜嘢美食啦！！上次行過見到裝修緊，宜安街呢間舖新開咗兩個月，今日就嚟試下啦！！三文魚頭鍋定食，唔好以為佢得個前菜碗白飯，其實份量非常足夠！！湯底應該係壽喜燒湯汁～甜甜地…幾惹味！！三文魚頭有好多件，先炸脆咗再放湯，完全唔會感覺到平時食三文魚頭嘅油膩，而且仲啖啖肉，配菜有洋蔥、京蔥、芋絲、香菇同埋白菜，用料充足～大男人食都夠飽！！壽司八貫定食配迷你烏冬，全部壽司都好新鮮，有油甘魚、劍魚腩、牡丹蝦、牛肉……份量都唔細，仲要讚一讚個手打烏冬～好彈牙！豬骨湯底亦都濃郁！串燒我哋就叫咗雞中翼同埋日本番薯，再嚟多個汁燒魷魚桶～突然間好想食海膽，佢個海膽軍艦價錢非常實惠，食完就真係飽飽喇！！店員話遲啲會有多啲燒酒或者米酒選擇～今日就飲住Asahi先啦…都好抵啦$200/500ml！！

好耐冇乜點出街食野，發現新開左一間日式小店，價錢幾公道，唔算貴，入去試吓個質素先🤤店舖環境唔算好大，但係坐位都尚算舒適又唔會有壓迫感☺️牛油果三文魚沙律呢個非常推介👍首先三文魚非常新鮮又肥美，加埋餐廳特調醬汁同牛油果🥑真係好正🤤只係略嫌份量少左啲🤣一人一碟應該都食得曬😋😋壽司盛點左一份壽司盛，份量岩岩好☺️上枱造型可愛😍係一架船型嘅器皿盛載着，非常吸睛🤩🤩壽司盛有18件壽司，分別係三文魚、劍魚腩、特盛北寄貝、日本石蛸(八爪魚）、珍寶甜蝦、鯛魚、馬刀貝、三文魚加州卷，全部都好新鮮，唔會有隔夜唔新鮮嘅味道☺️☺️📍宇鮨料理 (觀塘)觀塘宜安街19號地舖#日式料理 #人氣小店 #美食推介 #性價比高 #觀塘美食 #宜安街 #kwuntung #yummy #relax #foodie

觀塘嘅🇯🇵日式料理小店🌟宇鮨🌟，走親民路線，定食$100有找，仲要不設加一服務費，值得一讚👍🏻！🍣壽司八貫盛 $98由廚師精選嘅八貫壽司、兩件加州卷、前菜、仲有湯烏冬，價錢都唔過$100，勁抵食！烏冬滑溜湯又香甜！是日精選壽司有三文魚、油甘魚、劍魚、鯛魚、八爪魚、北寄貝、火炙左口魚邊、腐片，質素對得住價錢有突！♨️三文魚頭鍋 $98切件嘅三文魚頭有炸過，一咬即爆出肥美嘅魚油，真係幾正！湯底清甜可口，內含蔬菜、菇類、豆腐、大蔥、洋蔥等，仲跟埋白飯，份量豐富！🥑牛油果三文魚沙律 $58排得好靚之餘，牛油果同埋三文魚都好新鮮！🍢鹽燒雞皮｜雞腎｜雞軟骨 $28/2串🍠鹽燒迷你日本番薯 $28/串佐酒三寶雞皮、雞腎、雞軟骨都係 $28 2串，香脆可口！日本番薯勁甜，食到我心心眼！