9
2
1
Payment Methods
Cash
Other Info
Wi-Fi
Alcoholic Drinks
May Bring Your Own Wine
Delivery
10% Service Charge
Review (15)
Level2 2019-08-28
989 views
一上到去發現呢間野系響一間 gym 裡面,已經覺得伏伏地,不過因為有我想食既野,所以都入左去試。入到去響個 counter 度叫左草飼牛肉+毛豆+蘑菇+西蘭花+羽衣甘藍,共$93,就坐低左等野食。等既期間有個女職員企左響我隔離,因為間gym 都幾多人,所以比佢望住雖然唔系太舒服,都冇為意。佢望左我一陣,就開始 sell 我二千蚊起跳的gift card,話下次黎食可以用。我禮貌同佢講左唔使好多次,佢都仲不停 sell。終於我好直接講我都未食,唔想買野,想休息下,佢先終於走左。終於等到有野食,賣相都相當不錯!由於三樣配菜同沙律菜本身都冇咩烹調可言,最期待系果四塊草飼牛肉。不食猶自可,一咬系咬極都唔斷,非常之韌! 於是我起身攞把膠刀之際,又有職員搭訕話買套票抵 d 。 經過第一次教訓之後, 我決定同佢冇任何眼神接觸,只係話貴啲唔緊要啦,之後佢都好識趣咁走咗。 之後我用把膠刀切啲牛肉,結果都係好辛苦先切開。雖然都知草飼牛肉係會比較少脂肪,但呢四塊都應該係我人生裏面食過最硬嘅牛肉。另外佢配有兩款醬汁,味道不過不失,食完冇咩印象。分量足夠,可以餵飽剛運動完的飢餓人客。至於環境,如果佢唔係喺間gym裏面,係好舒服嘅。佢有無敵大海景,但係喺裏面食嘢,你係會不斷聽到啲跑步機嘈雜嘅聲音, 同埋聞到一啲健身室特有嘅消毒藥水味道。 總之你喺入面就係想悠閒下都唔得啦,下次唔會再黎。Staff kept trying to sell me gift cards and wouldn't leave me alone. The most awkward dining experience ever. continue reading
(The above review is the personal opinion of a user which does not represent OpenRice's point of view.)
Level3 2019-07-25
628 views
上個星期去完youni食晚餐之後念念不忘,今日試埋佢地嘅減磅全日餐,餐單超級豐富,食到飽飽都係1400卡,正!.欣賞佢哋健康同美味並重,有試過其他減重飯盒都係冇乜味,而呢度就會運用唔同嘅天然調味料,例如大蒜、香草、香辛料,又用風味濃郁嘅食材,例如芝麻、牛油果、煙三文魚,所以做到少油低鈉又好味,同我嘅煮食概念好似!.全日一共有三餐正餐同兩款小食,🥯早餐食煙三文魚雞蛋貝果同水果杯,因為我平時食飽都唔鍾意搽嘢,所以忌廉芝士都慳返,又少咗100卡啦🍗午餐想食雞先,烤春雞同薯仔都好香好夠味,雞肉叮完仲係juicy嘅,好食過好多餐廳嘅烤雞!🤣🐠晚餐再食黑豆魚柳配扁豆飯,魚柳好話,扁豆飯都係有少少乾,叮熱之前加少少水應該會好啲!小食有檸檬蛋糕同燕麥曲奇,減肥都可以食呢啲,覺得好開心🥰.全日餐一日都係$280,買多啲仲有得平!平時喺中環食個沙律都要百幾蚊,依家包晒三餐小食$300都唔使,而且仲有送貨服務,想瘦身又唔得閒自己煮嘅朋友就啱哂啦😍 continue reading
(The above review is the personal opinion of a user which does not represent OpenRice's point of view.)
Level4 2019-07-22
352 views
小編私心推薦減肥人士,每次做完gym食既野一定唔可以係junk food,如果唔係果幾個鐘真係等於白做。小編好鍾意去位於銅鑼灣GOGI GYM ROOM入面既Youni, 幫你計算曬卡路里同埋搭配曬成個combination,想操fit個身形真係要食得精。/煙三文魚雞蛋卷💰48元 8⃣ 呢個wrap有359卡路里,睇個賣相大家一定覺得好鬼乾,做完gym食呢個真係摞命啦!錯啦,小編想講句呢個卷完全唔乾,而且好好味添邊個話減肥要食得慘,入面既煙三文魚同雞蛋就等於牛郎織女甘款,簡直係perfect match,仲幫你撕爛既肌肉,提供足夠蛋白質喔!/香蒜醬藜麥羽衣甘藍沙律 + 去皮雞胸肉 💰78 8⃣做開gym既朋友仔一定,識雞胸肉呢個朋友仔,但同時都知道好鬼難食同埋乾到龜裂煮完。佢地既雞胸肉真係好濕潤,完全唔乾其實我每次都好想請教佢地,調味只有小小鹹味但好足夠。香蒜醬藜麥羽衣甘藍沙律份量真係超級足,而且食得再多都唔會有罪惡感出現,羽衣甘藍係唯一蔬菜入面有蛋白質,想有靚靚身型記得喪啪。/另外佢地仲可以 online order 一人3日營養餐(早午晚)💰650 兩人少 💰1200。呢個套餐會送7天免費健身體驗 & 1節免費私人訓練課程60分鐘, 想短時間極速消脂朋友仔等咩阿! Breakfast : 三文魚蘆筍法式鹹派配藜麥羽衣甘藍沙律 8⃣Lunch : 檸檬酸豆芥末雞配法國香草西蘭花、奇亞籽及有機藜麥義大利麵Dinner: 沙朗牛扒配莎莎醬、球芽甘藍、蘆筍、蕃茄、小蘿蔔、葵花籽及烤薯仔Low Fat Snacks: 能量球 & 甘筍向日葵子蛋糕 continue reading
(The above review is the personal opinion of a user which does not represent OpenRice's point of view.)
Level3 2019-03-28
851 views
lunch time黎到goji studio...唔係做gym...係食野係gym入面當然主打健康嘅食物…但係健康亦都唔等於淨係食草架!依度主要分兩種餐:瘦身/增肌今日揀左照燒雞飯~(屬於高蛋白嘅選擇)有雞、紅米、西蘭花、紫薯蓉,仲有隻半熟蛋!雞有燒汁味 紫薯亦都好甜~ 唔錯架依個「減肥餐」一啲都唔會覺得慘喎!有營養又夠飽肚!p.s. 堂食嘅話真係望住啲人做運動咁食架 即刻提醒自己都唔可以偷懶!仲有個大海景比你欣賞 哈哈! continue reading
(The above review is the personal opinion of a user which does not represent OpenRice's point of view.)
Level4 2018-12-26
1124 views
之前的周末吃多了,周ㄧ想吃得清淡ㄧ點,聽過同事説公司附近有ㄧ家餐廳,吃得健康又美味,環境也不錯,ㄧ於去試試。位於健體中心,雖然屬於自助方式,但環境舒適,地方寬敞。長長的梳化座位,落地玻璃窗外有開揚的海景。"暖意能量碗"有三類 : CLEANSE 健身清新、LEAN 健康均衡、BUILD 高蛋白質。我們分别點了LEAN 及 BUILD 中各ㄧ。創意慢煮义燒飯~ $78賣相吸引,顔色豐富,令人食慾大增,而且味道不錯! 义燒叫"24 Hours Danish Pork ",估計是慢煮了24小時吧!雖然没有ㄧ般义燒的烤香味,但肉質頗稔,配以特色醬汁很醒胃!紅色醬汁酸酸甜甜,並不是甜醬,原來是以紅菜頭汁製成的。配西蘭花和紫椰菜,雜穀飯,是高纖組合,加了温泉蛋就更滋味! 還列明了熱量,不怕超標,這個是少於600卡路里!燒汁雞扒雜穀飯~ $78雞扒飯的蛋白質較豐富,卡路里在700以上,蒸烤雞扒配日式燒汁很美味,材料也有西蘭花、紫椰菜、雜穀飯及温泉蛋。加了紫薯蓉,感覺像飯後甜品ㄧ起吃,很滿足!詢問店員,食材和煮法有甚麽特色呢?原來肉類是採用入口自丹麥的無激素豬和雞,並以慢煮方式烹調,保存營養。蔬菜包括西蘭花、紫椰菜等都是水耕菜,而紫薯、雜穀米都是流行的健康食材。可加$10 配有機豆漿或是日餐湯,加$15 豆漿和餐湯都有。不過當日不太餓,能量碗已足夠,所以两項都没有加。這裏崇尚高纖、低脂、慢煮、有機、無激素、多色蔬菜,還有熱量的温馨提示,最適合愛吃又想Keep Fit 及吃得健康的為食ㄧ族! continue reading
(The above review is the personal opinion of a user which does not represent OpenRice's point of view.)